జులై 27 భారత్ షెడ్యూల్ డీటెయిల్స్​ - పోటీల్లో పీవీ సింధు సహా పలువురు దిగ్గజాలు! - Paris Olympics 2024

Paris Olympics 2024 July 27 schedule : పారిస్ ఒలింపిక్స్ 2024లో అసలు ఆట జూలై 27 నుంచి మొదలు కానుంది. నేడు మన భారత అథ్లెట్లు మొత్తం 7 క్రీడల్లో పాల్గొనున్నారు. పోటీల్లో పీవీ సింధు సహా పలువురు అథ్లెట్లు పాల్గొననున్నారు. వాటికి సంబంధించిన పూర్తి వివరాలు.

Paris Olympics 2024 July 27 schedule : పారిస్ ఒలింపిక్స్ 2024లో ఆర్చరీ టీమ్​ దూకుడుతో భారత జర్నీ ఘనంగా ప్రారంభమైంది(Para olympics Opening Ceremony). పురుషుల జట్టు, మహిళల జట్టు క్వార్టర్​ ఫైనల్​కు దూసుకెళ్లారు. అయితే ఒలింపిక్స్​లో అసలు ఆట జూలై 27 నుంచి మొదలు కానుంది. నేడు మన భారత అథ్లెట్లు మొత్తం 7 క్రీడల్లో పాల్గొనున్నారు. దాదాపుగా అందరూ క్వాలిఫికేషన్ రౌండ్ లేదా స్టేజ్ రౌండ్‌లో పాల్గొననున్నారు. షూటింగ్ ఈవెంట్‌లో మాత్రం మెడల్​ రౌండ్ కూడా జరగనుంది.

జులై 27 షెడ్యూల్ వివరాలు ఇవే!

బ్యాడ్మింటన్

• పురుషుల సింగిల్స్ గ్రూప్ స్టేజ్ (హెచ్ ఎస్ ప్రణయ్, లక్ష్య సేన్)
• మహిళల సింగిల్స్ గ్రూప్ స్టేజ్ (పీవీ సింధు)
• పురుషుల డబుల్స్ గ్రూప్ స్టేజ్ (సాత్విక్ సాయిరాజ్ రంకిరెడ్డి, చిరాగ్ శెట్టి)
• మహిళల డబుల్స్ గ్రూప్ స్టేజ్ (తనీషా క్రాస్టో, అశ్విని పొన్నప్ప) - మధ్యాహ్నం 12 గంటల నుంచి

రోయింగ్ : పురుషుల సింగిల్ స్కల్స్ హీట్స్ (బల్రాజ్ పన్వార్) - మధ్యాహ్నం 12:30 నుంచి

షూటింగ్

• 10మీ ఎయిర్ రైఫిల్ మిక్స్‌డ్ టీమ్ అర్హత (సందీప్ సింగ్, అర్జున్ బాబుటా, ఎలవెనిల్ వలరివన్, రమితా జిందాల్) - మధ్యాహ్నం 12:30 గంటలకు
• 10మీ ఎయిర్ పిస్టల్ పురుషుల క్వాలిఫికేషన్‌ (సరబ్‌జ్యోత్‌ సింగ్, అర్జున్ చీమా) - మధ్యాహ్నం 2 గంటలకు
• 10మీ ఎయిర్ రైఫిల్ మిక్స్‌డ్ టీమ్ మెడల్ రౌండ్‌లు - (Subject to qualification) మధ్యాహ్నం 2 గంటలకు.
• 10మీ ఎయిర్ పిస్టల్ మహిళల క్వాలిఫికేషన్‌ (రిథమ్ సాంగ్వాన్, మను బాకర్) - సాయంత్రం 4 గంటల నుంచి

  Marvelling at the incredible beauty of the Olympic Rings on the Eiffel Tower. A sight that perfectly captures the grandeur of the event in front of us!
  As we approach the Opening Ceremony tomorrow, let us support our athletes loud and proud. #JeetKiAur | #Cheer4Bharat pic.twitter.com/j4lS3bzBWF

  — Team India (@WeAreTeamIndia) July 25, 2024

టెన్నిస్ : 1వ రౌండ్ మ్యాచ్‌లు పురుషుల సింగిల్స్ (సుమిత్ నాగల్), పురుషుల డబుల్స్ (రోహన్ బోపన్న, ఎన్. శ్రీరామ్ బాలాజీ) - మధ్యాహ్నం 3:30 నుంచి

టేబుల్ టెన్నిస్ : పురుషుల సింగిల్స్ (శరత్ కమల్, హర్మీత్ దేశాయ్), మహిళల సింగిల్స్ (మనికా బాత్రా, శ్రీజ ఆకుల) ప్రిలిమినరీ రౌండ్ - సాయంత్రం 6:30 నుంచి

బాక్సింగ్ : మహిళల 54 కేజీలు (ప్రీతీ పవార్) రౌండ్ ఆఫ్ 32 - సాయంత్రం 7 గంటల నుంచి

హాకీ : పురుషుల గ్రూప్ బి భారత్ v న్యూజిలాండ్ - రాత్రి 9 గంటలకు

ఎక్కడ చూడొచ్చంటే? - ఈ క్రీడలన్నింటినీ జియో సినిమా, స్పోర్ట్స్ 18లో క్రీడాభిమానులు ప్రత్యక్షప్రసారం ఫ్రీగా చూడొచ్చు.