Paris 2024 Olympics : పారిస్ ఒలింపిక్స్‌లో టేబుల్ టెన్నిస్ టీమ్ ఈవెంట్‌లో భారత్‌ క్వార్టర్స్‌కు చేరింది. ప్రిక్వార్టర్స్‌లో 3-2 తేడాతో రొమేనియాపై గెలుపొందింది. దీంతో మనికా బాత్రా, ఆకుల శ్రీజ, అర్చనా కామత్‌లతో కూడిన భారత త్రయం ఒలింపిక్స్‌లో టేబుల్ టెన్నిస్ మహిళల టీమ్ ఈవెంట్‌లో క్వార్టర్ ఫైనల్‌కు చేరుకున్న తొలి భారత జట్టుగా రికార్డ్ సాధించారు.
🇮🇳🙌 𝗣𝗲𝗿𝗳𝗲𝗰𝘁 𝘀𝘁𝗮𝗿𝘁 𝗳𝗼𝗿 𝗜𝗻𝗱𝗶𝗮! The Indian women's table tennis team got their #Paris2024 campaign off to a winning start, defeating 4th seed, Romania, in the round of 16.
— India at Paris 2024 Olympics (@sportwalkmedia) August 5, 2024
🏓 After India took the lead in the first two games, Romania managed to come back strong… pic.twitter.com/cRCyG5kEyi
ముందుగా డబుల్స్‌లో ఆకుల శ్రీజ, అర్చనా కామత్‌ జోడీ అద్భుతంగా ఆడి మూడు గేమ్‌ల్లోనూ ఆధిక్యంలో నిలిచింది. 11-9, 12-10, 11-7తో డయాకోను, సమర ఎలిజబెటాను ఓడించడం వల్ల భారత్‌ ఆధిక్యంలోకి వెళ్లింది. ఆ తర్వాత సింగిల్స్‌ మొదటి మ్యాచ్‌లో మనికా బాత్రా చెలరేగిపోయింది. 11-5, 11-7, 11-7తో బెర్నాడెట్టేను చిత్తు చేసింది. ఆ తర్వాత రొమేనియా పుంజుకొని వరుసగా రెండు మ్యాచ్‌ల్లో నెగ్గి 2-2తో స్కోరును సమం చేసింది. హోరాహోరీగా సాగిన సింగిల్స్‌ రెండో మ్యాచ్‌లో శ్రీజ 11-8, 4-11, 11-7, 6-11, 8-11 ఎలిజబెటా చేతిలో పోరాడి ఓటమిని చవిచూసింది. మూడో మ్యాచ్‌లో అర్చనా కామత్‌ 5-11, 11-8, 7-11, 9-11 బెర్నాడెట్టే చేతిలో ఓడిపోయింది.
𝐓𝐚𝐛𝐥𝐞 𝐓𝐞𝐧𝐧𝐢𝐬: 𝐖𝐨𝐦𝐞𝐧'𝐬 𝐓𝐞𝐚𝐦 𝐞𝐯𝐞𝐧𝐭: 𝐈𝐧 𝐐𝐅, 𝐈𝐧𝐝𝐢𝐚 𝐰𝐢𝐥𝐥 𝐭𝐚𝐤𝐞 𝐨𝐧 𝐰𝐢𝐧𝐧𝐞𝐫 𝐨𝐟 𝐭𝐡𝐞 𝐭𝐢𝐞 𝐛𝐞𝐭𝐰𝐞𝐞𝐧 𝐔𝐒𝐀 & 𝐆𝐞𝐫𝐦𝐚𝐧𝐲. #TableTennis #Paris2024 #Paris2024withIAS https://t.co/hXhMwft7dl
— India_AllSports (@India_AllSports) August 5, 2024
ఫలితాన్ని తేల్చే ఐదో మ్యాచ్‌లో డయాకోనుపై తొలి గేమ్‌లో మనికా 11-5తో సునాయసంగా విజయం సాధించింది. రెండో గేమ్‌లో ప్రత్యర్థి నుంచి గట్టి పోటీ ఎదురైనా 11-9తో గెలిచింది. కీలకమైన మూడో గేమ్‌లో మనికా 0-2తో వెనుకబడినా 8-5తో ఆధిక్యంలో నిలిచింది. తర్వాత ప్రత్యర్థి జోరు పెంచడం వల్ల విజయంపై ఉత్కంఠ నెలకొంది. చివరకు మనికా 11-9తో మూడో గేమ్‌ను సొంతం చేసుకోవడం వల్ల భారత్‌ క్వార్టర్స్‌కు చేరింది.
