టీ20 వరల్డ్‌ కప్‌ హిస్టరీలో శతకాలు - ఇప్పటి వరకు 100 కొట్టింది వీళ్లే! - T20 WORLD CUP 2024

T20 World Cup 2024 : ఈ ఏడాది టీ20 వరల్డ్‌ కప్‌లో ఇంకా మూడు మ్యాచ్​లే మిగిలున్నాయి. కానీ ఏ ఒక్క ప్లేయర్ కూడా ఇంకా ఒక్క సెంచరీ కూడా నమోదు చేయలేదు. దీంతో అభిమానులంతా ఈ సీజన్‌లో ఒక్క వంద అయినా కొడతారా? 2009 సీన్‌ మళ్లీ రిపీట్‌ అవుతుందా అన్న ఆశలతో ఉన్నారు. ఈ నేపథ్యంలో గత టీ20 వరల్డ్‌ కప్‌లలో నమోదైన సెంచరీల గురించి తెలుసుకుందాం.

T20 World Cup 2024 : ఈ ఏడాది ఐసీసీ టీ20 వరల్డ్‌ కప్‌లో ఇక మూడు మ్యాచ్‌లు మాత్రమే మిగిలున్నాయి. జూన్‌ 29న శనివారం బార్బడోస్‌లో జరిగే ఫైనల్‌ మ్యాచ్‌తో టీ20 ప్రపంచ కప్‌ విజేత ఎవరో తేలిపోతుంది. టోర్నీలో 20 టీమ్‌లు పోటీ పడగా భారత్, అఫ్గానిస్థాన్‌, సౌతాఫ్రికా, ఇంగ్లాండ్​ సెమీ-ఫైనల్స్‌కి చేరాయి.

సాధారణంగా టీ20 అనగానే బ్యాటర్ల ఆధిపత్యం గుర్తొస్తుంది. కానీ ఈ సీజన్‌లో బౌలర్లదే పైచేయి. ఇప్పటి వరకు టోర్నమెంట్‌లో ఒక్క సెంచరీ కూడా నమోదు కాలేదంటే అర్థం చేసుకోవచ్చు. ఇప్పుడు గత టీ20 వరల్డ్‌ కప్‌లలో నమోదైన సెంచరీల గురించి తెలుసుకుందాం.

టీ20 ప్రపంచ కప్ 2007
మొదటి టీ20 ప్రపంచకప్‌లో మొదటి సెంచరీని వెస్టిండీస్ బ్యాట్స్‌మెన్ క్రిస్ గేల్(117) చేశాడు. టోర్నీలో మొత్తంగా 2 మ్యాచుల్లో 117 పరుగులు చేశాడు. టీ20 ప్రపంచకప్‌లో సెంచరీ చేసిన తొలి బ్యాట్స్‌మెన్‌గా రికార్డుకెక్కాడు.

టీ20 ప్రపంచ కప్ 2009
సెకండ్‌ ఎడిషన్‌లో ఏ బ్యాట్స్‌మెన్ కూడా సెంచరీ చేయలేదు. ఈ సీజన్‌లో అత్యధిక వ్యక్తిగత స్కోరు శ్రీలంక బ్యాటర్ దిల్షాన్‌ (96*) సాధించాడు.

టీ20 ప్రపంచ కప్ 2010
మూడో ఎడిషన్‌లో భారత ప్లేయర్‌ సురేశ్​ రైనా(101), శ్రీలంక ఓపెనర్ మహేల జయవర్ధనే (100) సెంచరీలు కొట్టారు. సీజన్‌లో సురేశ్​ రైనా 5 ఇన్నింగ్స్‌లలో 219 పరుగులు, జయవర్ధనే 6 ఇన్నింగ్స్‌లలో 302 పరుగులు చేశారు.

టీ20 వరల్డ్ కప్ 2012
నాలుగో టీ20 ప్రపంచ కప్‌లో న్యూజిలాండ్ వికెట్ కీపర్ బ్యాట్స్‌మెన్ బ్రెండన్ మెకల్లమ్ సెంచరీ(123) సాధించాడు. మొత్తం 5 మ్యాచుల్లో 212 పరుగులు చేశాడు.

టీ20 ప్రపంచకప్ 2014
ఐదో ఎడిషన్‌లో ఇంగ్లాండ్ ఓపెనర్ అలెక్స్ హేల్స్(116), పాకిస్థాన్ ప్లేయర్‌ షాజాద్ అహ్మద్(111) సెంచరీలు చేశారు. సీజన్‌లో మొత్తంగా హేల్స్ 4 ఇన్నింగ్స్‌లలో 166 పరుగులు, షాజాద్ 4 ఇన్నింగ్స్‌లలో 138 పరుగులు చేశారు.

టీ20 ప్రపంచ కప్ 2016
ఆరో ఎడిషన్‌లో బంగ్లాదేశ్‌కు చెందిన లెఫ్ట్‌ హ్యాండ్‌ బ్యాటర్‌ తమీమ్ ఇక్బాల్(103), వెస్టిండీస్ ఓపెనర్‌ క్రిస్ గేల్(100) సెంచరీలు బాదారు. తమీమ్ 6 ఇన్నింగ్స్‌లలో 295, గేల్ 4 మ్యాచుల్లో 113 పరుగులు చేశారు.

టీ20 ప్రపంచ కప్ 2021
ఏడో టీ20 వరల్డ్‌ కప్‌లో ఇంగ్లాండ్ కెప్టెన్, వికెట్ కీపర్ జోస్ బట్లర్ సెంచరీ(101) చేశాడు. మొత్తంగా 6 మ్యాచుల్లో 269 పరుగులు చేశాడు.

టీ20 ప్రపంచ కప్ 2022
ఈ ఎనిమిదో ఎడిషన్‌లో న్యూజిలాండ్‌కు చెందిన గ్లెన్ ఫిలిప్స్ సెంచరీ(104) సాధించాడు. మొత్తంగా 5 ఇన్నింగ్స్‌లలో 201 పరుగులు చేశాడు.