Most Ducks against India: టెస్టు ఫార్మాట్ క్రికెట్ అంటే ఆ కిక్కే వేరు. ఈ సంప్రదాయ ఫార్మాట్లో జాతీయ జట్టు తరఫున ఆడాలని ఎంతోమంది ఎదురుచూస్తుంటారు. టెస్టు క్రికెట్కు 100ఏళ్లకు పైగా చరిత్ర ఉంది. ఈ ఫార్మాట్లో భారత్ ఇప్పటివరకు 577 మ్యాచ్లు ఆడగా అందులో 176 నెగ్గి, 178 ఓడింది. ఇక 222 మ్యాచ్లను డ్రా చేసుకుంది. ఒకటి టైగా ముగిసింది. భారత్ ఇందులో అత్యధికంగా ఇంగ్లాండ్తో 134 మ్యాచ్ల్లో, అఫ్గానిస్థాన్తో 1 టెస్టు ఆడింది. ఈ క్రమంలో భారత్తో మ్యాచ్లో అత్య‌ధిక సార్లు డకౌటైన ప్లేయర్లెవరో తెలుసా?
1. క‌గిసో రబాడా (సౌతాఫ్రికా): త‌న ప‌దునైన బంతుల‌తో ప్ర‌త్య‌ర్థుల‌ను భ‌య‌పెట్టే రబాడా టెస్టులలో అప్పుడప్పుడూ సిక్స్లు కూడా బాదగలడు. అయితే టెస్టుల్లో భారత్తో మ్యాచ్లో మాత్రం రబాడానే ఎక్కువసార్లు సున్నా చుట్టేశాడు. ఇప్ప‌టి దాకా 24 ఇన్నింగ్స్ల్లో 5సార్లు రబాడా డకౌట్ అయ్యాడు.
2. గ‌స్ లోగి (వెస్టిండీస్): గ‌స్ లోగి ఈ క్రికెటర్ పేరు పెద్ద‌గా విన‌క‌పోవ‌చ్చు. ఇత‌డు వెస్టిండీస్కు చెందిన ఆట‌గాడు. క‌రేబియ‌న్ జట్టు తరఫున 52 టెస్ట్ మ్యాచ్లు ఆడి 35.79 సగటుతో 2470 పరుగులు సాధించాడు. ఇండియాతో ఆడిన మ్యాచ్ల్లో 23 ఇన్నింగ్స్ లో 5 సార్లు సున్నాకే వెనుదిరిగాడు.
3. బ్రెట్ లీ (ఆస్ట్రేలియా): ఆస్ట్రేలియా స్టార్ పేసర్, స్పీడ్ గ‌న్ బ్రెట్ లీ ఇండియాపై ఎన్నో వికెట్లు తీశాడు. వేగ‌మైన బంతులేస్తూ బ్యాట‌ర్ల‌ను భ‌య‌పెట్టాడు. కానీ బ్యాటింగ్ విష‌యానికి వ‌స్తే, భారత్తో జ‌రిగిన మ్యాచ్ల్లో 16 ఇన్నింగ్స్ లు ఆడి 5 సార్లు డకౌటయ్యాడు.
4. జోష్ హేజిల్వుడ్ (ఆస్ట్రేలియా): ఆస్ట్రేలియా స్టార్ బౌలర్ హేజిల్వుడ్ కూడా క‌ట్టుదిట్టంగా బౌలింగ్ చేస్తూ వికెట్లు ప‌డ‌గొడ‌తాడు. హేజిల్వుడ్ కూడా భారత్తో జ‌రిగిన మ్యాచ్ల్లో 23 ఇన్నింగ్స్ల్లో 5 సార్లు జీరోకే పెవిలియన్ చేరాడు.
5. స్టువ‌ర్ట్ బ్రాడ్ (ఇంగ్లాండ్): స్టువ‌ర్ట్ బ్రాడ్ పేరు చెప్ప‌గానే మ‌న‌కు యువ‌రాజ్ సింగ్ 6 బంతుల్లో 6 సిక్సులు గుర్తొస్తాయి. కానీ బ్రాడ్ వ‌ర‌ల్డ్ క్లాస్ బౌల‌రే. ఆ జట్టు తరఫున అత్య‌ధిక వికెట్లు తీసిన బౌల‌ర్ల‌లో అత‌డూ ఒక‌డు. టీమ్ఇండియాతో ఆడిన 32 టెస్టు ఇన్నింగ్స్ల్లో బ్రాడ్ కూడా 5 సార్లు సున్నాకే వెనుదిరిగాడు.
6. షేన్ వార్న్ (ఆస్ట్రేలియా): ఆస్ట్రేలియా దిగ్గజ స్పిన్న‌ర్ టెస్టుల్లో అత్య‌ధిక వికెట్లు తీసిన బౌల‌ర్ల‌లో రెండో స్థానంలో ఉన్నాడు. అద్భుత‌మైన లెగ్ స్పిన్ బౌలింగ్ తో వికెట్ల‌ను గిరాటేసే ల‌క్ష‌ణం అత‌ని సొంతం. అయితే ఇండియాతో ఆడిన 22 ఇన్నింగ్స్ల్లో 6 సార్లు డకౌట్ అయ్యాడు.
7. మెర్విన్ డిల్లాన్ (వెస్టిండీస్): వెస్టిండీస్కి చెందిన మాజీ ఫాస్ట్ బౌలర్ మెర్విన్ డిల్లాన్ 38 టెస్టుల్లో 131 వికెట్లు పడగొట్టాడు. అరంగేట్రం చేసిన అన‌తి కాలంలోనే మంచి పేరు తెచ్చుకున్నాడు. భారత్తో టెస్టుల్లో 15 ఇన్నింగ్స్లు ఆడిన మెర్విన్ 6 సార్లు జీరోకే ఔట్ అయ్యాడు.
8. జేమ్స్ అండర్సన్ (ఇంగ్లాండ్): ఇంగ్లాండ్ దిగ్గజ బౌలర్ జేమ్స్ అండర్సన్ లైన్ అండ్ లెంగ్త్తో వికెట్లు తీసే సత్తా ఉన్న పేసర్. ఇప్పటికే అండర్సన్ టెస్టుల్లో 696 వికెట్లు పడగొట్టాడు. అయితే టీమ్ఇండియాతో టెస్టుల్లో 53 ఇన్నింగ్స్లు ఆడిన అండర్సన్ 6 సార్లు డకౌటయ్యాడు.
9. నాథ‌న్ లియాన్ (ఆస్ట్రేలియా): లియాన్ ఆస్ట్రేలియాకు చెందిన క్రికెటర్. 2011లో అంత‌ర్జాతీయ టెస్టుల్లో అరంగేట్రం చేశాడు. టీమ్ఇండియాతో ఇప్పటివరకు 40 ఇన్నింగ్స్లు ఆడిన లియాన్ 7 సార్లు డకౌట్ అయ్యాడు.
10. డానిశ్ కనేరియా (పాకిస్థాన్): డానిశ్ కనేరియా పాకిస్థాన్కు చెందిన స్పిన్న‌ర్. అతడు టీమ్ఇండియాతో 15 ఇన్నింగ్స్ల్లో 7 సార్లు జీరోకే ఔటయ్యాడు.
11. జానీ బెయిర్ స్టో: ఇంగ్లాండ్ స్టార్ బ్యాటర్ జానీ బెయిర్ స్టో అత్యధికసార్లు డకౌటై ఈ లిస్టులో అందరి కంటే ముందున్నాడు. బెయిర్ స్టో భారత్తో ఇప్ప‌టి దాకా 37 టెస్టు ఇన్నింగ్స్లు ఆడగా, అందులో అత్యధికంగా 8 సార్లు డకౌట్గా వెనుదిరిగాడు.
బహు పరాక్‌ - ఆ పోరాట స్ఫూర్తే పరుగుల తపస్విగా మార్చింది!
ఇంగ్లాండ్తో నాలుగో టెస్ట్ - టీమ్ ఇండియా స్టార్ ప్లేయర్ దూరం!
