MI Vs RCB IPL 2024 : ఐపీఎల్ 17లో భాగంగా ముంబయిలోని వాంఖడే స్టేడియం వేదికగా రాయల్ ఛాలెంజర్స్ బెంగళూరు, ముంబయి ఇండియన్స్ మధ్య మ్యాచ్ జరగనుంది. స్టార్ ఆటగాళ్లకు కొదవ లేని జట్లు అవి. అయితే కానీ ఈ సీజన్లో ఈ రెంటు టీమ్స్కు అంతగా కలిసి రావడం లేదు.
ఓ వైపు రాయల్ ఛాలెంజర్స్ బెంగళూరు ఆడిన అయిదు మ్యాచుల్లో నాలుగింటిలో ఓటమి చవి చూసింది. మరోవైపు హ్యాట్రిక్‌ పరాజయాలతో టోర్నీని మొదలుపెట్టి కేవలం ఒక్క గెలుపుతోనే సరిపెట్టుకుంది ముంబయి ఇండియన్స్. దీంతో అభిమానుల్లో సందిగ్దత మొదలైంది. ఆర్సీబీ మరో మ్యాచ్లో ఓడితే, ఆ తర్వాత వేగం పుంజుకుని ప్లే ఆఫ్స్‌ రేసులో ముందుకెళ్లడం కష్టమవుతుందని విశ్లేషకుల మాట.
ఇదిలా ఉండగా, ముంబయి కూడా ఇంకో ఓటమి చవిచూస్తే ఆ జట్టుకూ ఇబ్బందులు తప్పే సూచనలు లేనట్లు తెలుస్తోంది. దీంతో గెలిచి తీరాల్సిన ఈ పోరులో మ్యాచ్లో ఈ రెండు జట్లూ ఎలా పోరాడతాయి, చివరికి ఎవరు పైచేయి సాధిస్తారన్నది ఆసక్తికరంగా మారనుంది. గత మ్యాచ్లో ఆల్‌రౌండ్ పెర్ఫామెన్స్తో ముంబయి జట్టును గెలిపించారు రొమారియో షెఫర్డ్‌. దీంతో ఈ స్టార్ క్రికెటర్పైఅందరి దృష్టీ నిలిచి ఉంది.
మరోవైపు బెంగళూరు జట్టులోనూ ఒంటరి పోరాటం చేస్తున్న కోహ్లీ గురించి నెట్టింట చర్చలు మొదలయ్యాయి. వీరితో పాటు మిగతా ప్లేయర్లు కూడా రాణిస్తే ఇక బెంగళూరుదే పై చేయిగా నిలవనుంది. అయితే రోహిత్, సుర్య కూమార్ కూడా మెరుగైన ఆటతీరు కనబరిస్తే ముంబయి జట్టు కూడా గట్టి పోటినివ్వగలదని విశ్లేషకుల మాట.
ముంబయి ఇండియన్స్ తుది జట్టు (అంచనా) :
రోహిత్ శర్మ, ఇషాన్ కిషన్ (వికెట్ కీపర్), సూర్యకుమార్ యాదవ్, తిలక్ వర్మ, హార్దిక్ పాండ్యా (కెప్టెన్), టిమ్ డేవిడ్, మొహమ్మద్ నబీ, రొమారియో షెపర్డ్, పీయూష్ చావ్లా, గెరాల్డ్ కోయెట్జీ, జస్ప్రీత్ బుమ్రా
సబ్స్టిట్యూట్ : ఆకాశ్ మధ్వల్
ఆర్సీబీ తుది జట్టు (అంచనా) :
విరాట్ కోహ్లి, ఫాఫ్ డు ప్లెసిస్ (కెప్టెన్), రజత్ పటీదార్, గ్లెన్ మాక్స్‌వెల్, కెమెరూన్ గ్రీన్, దినేష్ కార్తీక్ (వికెట్ కీపర్), సౌరవ్ చౌహాన్, రీస్ టాప్లీ, మయాంక్ డాగర్, మహమ్మద్ సిరాజ్, యష్ దయాల్
సబ్స్టిట్యూట్స్ : మహిపాల్ లోమ్రోర్, ఆకాశ్ దీప్.
'నాది త్యాగం కాదు, ప్రేమ'- ధోనీ రిటైర్మెంట్పై సాక్షి కామెంట్స్ - Dhoni Test Cricket Retirement
2025 IPL మెగా వేలం- ఫ్రాంచైజీ ఓనర్స్ మీటింగ్ వాయిదా - Ipl 2025 Mega Auction
