MI vs DC WPL 2024: 2024 డబ్ల్యూపీఎల్లో ముంబయి ఇండియన్స్ శుభారంభం చేసింది. శనివారం బెంగళూరు చిన్నస్వామి స్టేడియంలో దిల్లీ క్యాపిటల్స్ జట్టుతో జరిగిన మ్యాచ్లో ముంబయి 4 వికెట్ల తేడాతో నెగ్గింది. దిల్లీ నిర్దేశించిన 171 పరుగుల టార్గెట్ను ముంబయి ఓవర్లలో 6 వికెట్లు కోల్పోయి ఛేదించింది. యస్తికా భాటియా (57) అదరగొట్టింది. దిల్లీ బౌలర్లలో అరుంధతి రెడ్డి 2, మరిజన్నె కాప్ 1 వికెట్ దక్కించుకున్నారు.
భారీ లక్ష్య ఛేదనలో ముంబయికి ఆరంభంలోనే ఎదురు దెబ్బ తగిలింది. ఇన్నింగ్స్ రెండో బంతికే ఓపెనర్ హేలీ మాథ్యూస్ (0) డకౌట్గా పెలివియన్ చేరింది. వన్ డౌన్లో వచ్చిన నాట్ సీవర్ (19) వేగంగా ఆడే ప్రయత్నంలో వికెట్ పారేసుకుంది. మరో ఓపెనర్ యస్తికా భాటియా, కెప్టెన్ హర్మన్ప్రీత్తో కలిసి భాగస్వామ్యం నిర్మించింది. ఈ క్రమంలోనే హాఫ్ సెంచరీ పూర్తి చేసుకుంది.
అంతకుముందు టాస్ ఓడి బ్యాటింగ్కు దిగిన దిల్లీ నిర్ణీత 20 ఓవర్లలో 5 వికెట్ల నష్టానికి 171 పరుగులు చేసింది. యంగ్ బ్యాటర్ షఫాలీ వర్మ (1) నిరాశ పర్చింది. ఆమెను షబ్మిమ్ ఇస్మైల్ క్లీన్ బౌల్డ్ చేసింది. అలీస్ కాప్సీ (75) సూపర్ హాఫ్ సెంచరీకి తోడు జెమిమా రోడ్రిగ్స్ (42 పరుగులు, 24 బంతుల్లో; 5x4, 2x6) మెరుపు ఇన్నింగ్స్తోడైంది. మరో ఓపెనర్ లానింగ్ (31 పరుగులు) రాణించింది. దీంతో దిల్లీ భారీ స్కోర్ చేయగలిగింది. చివర్లో మరిజామ్నే కాప్ 16 పరుగులు (3 ఫోర్లు) రాణించింది. ఇక ముంబయి బౌలర్లలో నాట్ సీవర్ 2, అమెలియా కేర్ 2, షబ్మిమ్ ఇస్మైల్ 1 వికెట్ దక్కించుకున్నారు.
- తుది జట్లు
ముంబయి ఇండియన్స్: హీలే మాథ్యూస్, నాట్ స్కివెర్‌ బ్రంట్, హర్మన్ ప్రీత్ కౌర్ (కెప్టెన్), యస్తికా భాటియా (వికెట్ కీపర్), అమేలియా కెర్, అమన్‌జోత్ కౌర్, సజనా, పూజా వస్త్రాకర్, షబ్నిమ్‌ ఇస్మాయిల్, కీర్తన బాలకృష్ణన్, సైకా ఇషాక్‌
- దిల్లీ క్యాపిటల్స్: షఫాలీ వర్మ, మెగ్ లానింగ్ (కెప్టెన్), ఎలిస్‌ కాప్సే, జెమీమా రోడ్రిగ్స్, మరిజన్నె కాప్, అనాబెల్ సదర్లాండ్, అరుంధతి రెడ్డి, మిన్ను మని, తానియా భాటియా (వికెట్ కీపర్), రాధా యాదవ్‌, షికా పాండే
గ్రాండ్గా ప్రారంభమైన WPL- స్పెషల్ అట్రాక్షన్గా బాలీవుడ్ స్టార్ల పెర్ఫార్మెన్స్
