LSG vs DC IPL 2024 : 2024 ఐపీఎల్లో భాగంగా తాజాగా జరిగిన మ్యాచ్లో లఖ్నవూ సూపర్ జెయింట్స్ను ఓడించించి దిల్లీ క్యాపిటల్స్. తన ఆఖరి లీగ్‌ మ్యాచ్లో 19 పరుగుల తేడాతో గెలిచింది. దీంతో ఏడో విజయాన్ని అందుకున్న పంత్ సేన, సాంకేతికంగా ప్లేఆఫ్స్‌ రేసులో ఉన్నప్పటికీ పేలవ రన్‌రేట్ కారణంగా ముందడగు వేయడం కష్టమే. లేదంటే మిగతా మ్యాచ్‌ల్లో అద్భుతాలే జరగాలి. ఇక ఏడో ఓటమిని అందుకున్న లఖ్నవూ పరిస్థితీ ఇదే. మరో మ్యాచ్ ఆడాల్సి ఉన్న ఆ జట్టు, అందులో గెలిచినా ఎటువంటి ఉపయోగం దాదాపుగా ఉండకపోవచ్చు.
మ్యాచ్ సాగిందిలా - అభిషేక్ పోరెల్ (33 బంతుల్లో 5×4, 4×6 సాయంతో 58;), స్టబ్స్ (25 బంతుల్లో 3×4, 4×6 సాయంతో 57 నాటౌట్‌;) చెలరేగడం వల్ల మొదట బ్యాటింగ్ చేసిన దిల్లీ 4 వికెట్లకు 208 పరుగులు చేసింది. రవి బిష్ణోయ్ (1/26) మెరుగైన బౌలింగ్ చేశాడు. 209 పరుగుల లక్ష్య ఛేదనలో లఖ్నవూ 9 వికెట్లకు 189 పరుగులే చేసింది. చేయగలిగింది. ఇషాంత్ (3/34) ఆ జట్టును గటత్టిగానే దెబ్బతీశాడు. కెప్టెన్ కేఎల్ రాహుల్ (5) తొలి ఓవర్ ఐదో బంతికే పెవిలియన్ చేరాడు. ఇషాంత్ శర్మ బౌలింగ్లో భారీ షాట్కు ప్రయత్నించి క్యాచౌట్ అయ్యాడు. ఆ తర్వాత వరుసగా క్వింటన్ డికాక్ (12 పరుగులు), మార్కస్ స్టోయినిస్ (5 పరుగులు), దీపక్ (0) పెవిలియన్ క్యూ కట్టారు. దీంతో పవర్ ప్లే ముగిసేసరికే లఖ్నవూ 4 వికెట్లు కోల్పోయింది. పూరన్ (27 బంతుల్లో 6×4, 4×6 పరుగుల సాయంతో 61;), అర్షద్ ఖాన్ (58 నాటౌట్‌; 33 బంతుల్లో 3×4, 5×6) రాణించినా ఫలితం లేకపోయింది.
పూరన్ ఒక్కడై: టపటపా వికెట్లు పడుతున్న సమయంలో క్రీజులోకి వచ్చిన పూరన్ స్కోర్ బోర్డును పరుగులు పెట్టించాడు. మెరుపు వేగంతో పరుగులు సాధించాడు. కేవలం 27 బంతుల్లోనే 61 పరుగులు బాదాడు. అందులో 6 ఫోర్లు, 4 సిక్స్లు ఉన్నాయి. దీంతో లఖ్నవూ పోటీలోకి వచ్చింది. కానీ, 11.1 వద్ద ముకేశ్ కుమార్, పూరన్ను ఔట్ చేసి దిల్లీకి బ్రేక్ ఇచ్చాడు.
అంతకుముందు బ్యాటింగ్ చేసిన దిల్లీ క్యాపిటల్స్లో ఓపెనర్ మెక్ గుర్క్ ఫ్రేజర్ (0) డకౌటయ్యాడు. ఇన్నింగ్స్ రెండో బంతికే అర్షద్ ఖాన్ బౌలింగ్లో పెవిలియన్ చేరాడు. ఇక మరో ఓపెనర్ యంగ్ బ్యాటర్ అభిషేక్ పోరెల్ (58 పరుగులు, 33 బంతుల్లో) మెరుపు హాఫ్ సెంచరీతో అదరగొట్టాడు. అతడు వన్డౌన్లో వచ్చిన షై హోప్ (38 పరుగులు)తో కలిసి 92 పరుగుల భాగస్వామ్యం నెలకొల్పాడు. తర్వాత స్వల్ప వ్యవధిలో ఈ ఇద్దరు పెవిలియన్ చేరారు.
ఇక కెప్టెన్ రిషభ్ పంత్ (33 పరుగులు) ఆకట్టుకున్నాడు. చివర్లో ట్రిస్టన్ స్టబ్స్ (57* పరుగులు, 25 బంతుల్లో) ఆకాశమే హద్దుగా చెలరేగిపోయాడు. ఏకంగా 228.00 స్ట్రైక్ రేట్తో 3 ఫోర్లు, 4 సిక్స్లతో విరుచుకుపడ్డాడు. దీంతో దిల్లీ స్కోర్ 200 దాటింది. ఇక లఖ్నవూ బౌలర్లలో నవీన్ ఉల్ హక్ 2, అర్షద్ ఖాన్, రవి బిష్ణోయ్ తలో వికెట్ దక్కించుకున్నారు.
హెడ్కోచ్ రేస్లో లక్ష్మణ్, లాంగర్?- ఉండాల్సిన ఆ అర్హతలివే! - Team India New Head Coach
కేఎల్ రాహుల్ - సంజీవ్ గోయెంకా గొడవపై స్పందించిన కోచ్ - ఏమన్నారంటే? - IPL 2024
