Sunil Narine IPL 2024: కోల్కతా నైట్రైడర్స్ ఆల్రౌండర్ సునీల్ నరైన్ లఖ్నవూపై విధ్వంసం సృష్టించాడు. ఈ మ్యాచ్లో నరైన్ ఆకాశమే హద్దుగా చెలరేగాడు. ఇన్నింగ్స్ ప్రారంభం నుంచే బౌండరీలే లక్ష్యంగా లఖ్నవూ బౌలర్లపై విరుచుకుపడ్డాడు. ఈ క్రమంలో 27 బంతుల్లోనే హాఫ్ సెంచరీ పూర్తి చేసుకున్నాడు. ఏకంగా 228.57 స్ట్రైక్ రేట్తో 39 బంతుల్లో 81 పరుగులతో సత్తా చాటాడు. అందులో 6 ఫోర్లు, 7 సిక్స్లు ఉన్నాయి. ఈ నేపథ్యంలో నరైన్ ఐపీఎల్లో మరో రికార్డ్ అందుకున్నాడు.
నరైన్ అరుదైన రికార్డ్: ఆల్రౌండర్ సునీల్ నరైన్ ఐపీఎల్లో మరో అరుదైన ఘనత సాధించాడు. ఐపీఎల్లో అటు బ్యాటింగ్లో 1500+ పరుగులు, ఇటు బౌలింగ్లో 150+ వికెట్లు తీసిన మూడో ఆల్రౌండర్గా నిలిచాడు. నరైన్ ప్రస్తుతం ఐపీఎల్ కెరీర్లో 1507 పరుగులు, 176 వికెట్లు ఉన్నాయి. నరైన్ కంటే ముందు రవీంద్ర జడేజా (2894 పరుగులు, 160 వికెట్లు, డ్వేన్ బ్రావో (1560 పరుగులు, 183 వికెట్లు) ఈ ఘనత సాధించారు.
ఇక ప్రస్తుత సీజన్లో నరైన్ కేకేఆర్కు కీలక బ్యాటర్గా మారాడు. మెరుపు ఇన్నింగ్స్తో కోల్కతాకు మంచి ఆరంభాలు ఇస్తున్నాడు. ఈ క్రమంలో ప్రస్తుత సీజన్లో 11 మ్యాచ్లు ఆడిన నరైన్ 183 స్ట్రైక్ రేట్, 41.91 సగటున ఇప్పటివరకు 461 పరుగులు నమోదు చేశాడు. అందులో 46 ఫోర్లు, 32 సిక్స్లు బాదాడు. ఇక అత్యధిక పరుగుల జాబితాలో మూడో స్థానంలో కొనసాగుతున్నాడు.
ఇక మ్యాచ్ విషయానికొస్తే, టాస్ ఓడి బ్యాటింగ్కు దిగిన కోల్కతాకు ఓపెనర్లు ఫిల్ సాల్ట్ (32 పరుగులు), నరైన్ (81 పరుగులు) మంచి ఆరంభం ఇచ్చారు. వన్డౌన్లో వచ్చిన రఘువంశీ (32 పరుగులు) ఫర్వాలేదనిపించాడు. ఇక అండ్రీ రస్సెల్ (12), రింకూ సింగ్ (16), శ్రేయస్ అయ్యర్ (23) ఆకట్టుకోలేదు. వీళ్లలో ఒకరైనా క్రీజులో కుదురుకుంటే స్కోర్ 250 దాటేదే. ఇక చివర్లో రమన్దీప్ సింగ్ (*25 పరుగులు) రాణించండం వల్ల 235 స్కోర్ దక్కింది. లఖ్నవూ బౌలర్లలో నవీన్ ఉల్ హక్ 3, యశ్ ఠాకూర్, రవి బిష్ణోయ్, యుద్వీర్ సింగ్ చరక్ తలో వికెట్ దక్కించుకున్నారు.
'అది జరగని పని, దానికి డోర్స్ క్లోజ్'- సునీల్ నరైన్ కామెంట్స్! - Sunil Narine T20 World Cup
500 క్లబ్‌లోకి సునీల్ నరైన్ - ఈ సీజన్లో తొలి జట్టుగా కోల్కతా ఘనత - IPL 2024 RCB VS KKR
