IPL 2024 Play Offs : దాదాపు రెండు నెలల సుదీర్ఘ ప్రయాణం తర్వాత నాలుగు జట్లు నాకౌట్‌ దశకు చేరుకోవడంతో ఐపీఎల్‌ ప్లేఆఫ్స్‌కు వేళైంది. రెండు జట్లు కాస్త ఈజీగానే బెర్త్లు కన్ఫామ్ చేసుకున్నా మరో రెండు మాత్రం సంచలన ప్రదర్శనతో మిగతా రెండు స్థానాలను దక్కించుకున్నాయి. మరి ఈ రెండు నెలల పాటు ఎవరి ప్రయాణం ఎలా కొనసాగిందో చూద్దాం.
అంచనాలు లేకుండా అగ్రస్థానానికి - టోర్నీ మొదలు అవ్వకముందు కోల్కతా టాప్ - 4కు దూసుకు వస్తుందని ఎవరూ ఊహించలేదు. కానీ టోర్నీలో సునీల్ నరైన్, ఫిల్‌ సాల్ట్‌, ఆండ్రి రస్సెల్ విధ్వంసం, బౌలింగ్‌లో కుర్రాళ్లు వైభవ్‌ అరోరా, హర్షిత్ రాణా, వరుణ్‌ చక్రవర్తి వంటి వారు రాణించడం వల్ల కోల్కతా అగ్రస్థానానికి దూసుకెళ్లింది. మొత్తం 14 మ్యాచ్‌లు ఆడి 9 విజయాలు నమోదు చేసింది. 20 పాయింట్లను ఖాతాలో వేసుకుంది. రెండు మ్యాచులు మాత్రం వర్షం కారణంగా రద్దయ్యాయి.
ఊహించని విధంగా ప్రదర్శన - గత సీజన్లలో పేలవ ప్రదర్శన చేసిన సన్రైజర్స్ ఈ సారి మాత్రం అనూహ్యంగా అద్భుత ప్రదర్శన చేసి ప్లేఆఫ్స్‌కు చేరింది. ఏకంగా రెండో స్థానంలో నిలిచింది. ట్రావిస్ హెడ్, అభిషేక్ శర్మ ఓపెనింగ్స్, క్లాసెన్‌ హిట్టింగ్‌, నితీశ్‌రెడ్డి ఆల్‌రౌండ్‌ ఇన్నింగ్స్‌, అబ్దుల్ ఫినిషింగ్‌ వల్ల 14 మ్యాచుల్లో 8 విజయాలు నమోదు చేసింది. ఒక మ్యాచ్ రద్దు వల్ల 17 పాయింట్లను దక్కించుకుంది. అలానే ఐపీఎల్‌లోనే అత్యధిక స్కోరు (287) సాధించిన జట్టుగానూ రికార్డుకెక్కింది.
-
𝗧𝗵𝗲 𝗙𝗶𝗻𝗮𝗹 𝗖𝗮𝗹𝗹 ✈️
— IndianPremierLeague (@IPL) May 20, 2024
Mark your calendars folks, it all comes down to this! 🗓️ 🙌
Who are you backing to lift the 🏆?#TATAIPL | #TheFinalCall pic.twitter.com/84bsMe5FWK
తొలి 9 మ్యాచుల్లో ఎనిమిది విజయాలు - ఎప్పుడూ వరుసగా మూడు, నాలుగు మ్యాచులు గెలిచి ఢీలా పడిపోయే రాజస్థాన్ ఈ సారి ఏకంగా మొదటి తొమ్మిది మ్యాచుల్లో 8 విజయాలు సాధించింది. అయితే ఆ తర్వాత అనూహ్యంగా మళ్లీ ఆఖరి ఐదు మ్యాచుల్లో నాలుగింటిలో పరాజయం అందుకుంది. ఒక మ్యాచ్ రద్దైంది. ఫస్ట్ హాఫ్లో ఆధిపత్యం చూపించిన ఆ జట్టులో బ్యాటర్లు, బౌలర్లు తమ స్థాయికి తగ్గ ప్రదర్శన చేయలేకపోయారు.
ఫస్టాప్ తుస్సు మనిపించి సెకంఢాప్లో దూసుకొచ్చి - ఆర్సీబీ ప్లేఆఫ్స్‌కు చేరుతుందని ఎవరూ ఊహించలేదు. కానీ కీలకమైన చెన్నై మ్యాచ్‌లో మంచి ప్రదర్శ చేసి టాప్ 4కు చేరుకుంది. వాస్తవానికి ఫస్టాప్లో పేలవ ప్రదర్శన చేసింది బెంగళూరు చట్టు. కోహ్లీ, ఫాఫ్‌ డుప్లెసిస్, డీకే తప్ప మిగిలిన వారు నిరాశపరిచారు. బౌలర్లు తుస్సుమనిపించారు. కానీ సెకండాఫ్లో విల్ జాక్స్‌, రజత్‌ పాటిదార్‌ రాణించి జట్టు ముందుకు దూసుకెళ్లేలా చేశారు. దీంతో వరుసగా ఆరు విజయాలు సాధించి జట్టు 4వ స్థానానికి వచ్చేలా చేశారు. బౌలింగ్‌ కూడా పుంజుకుంది.
షెడ్యూల్ ఇదే -
- మే 21న అహ్మదాబాద్లో కోల్కతా వర్సెస్ హైదరాబాద్‌ క్వాలిఫయర్‌ -1 జరగనుంది.
- మే 22న అహ్మదాబాద్లో బెంగళూరు - రాజస్థాన్ ఎలిమినేటర్ మ్యాచ్ ఆడనున్నారు.
- మే 24న మొదటి క్వాలిఫయర్‌లో ఓడిన టీమ్ - ఎలిమినేటర్ విజేత జట్టు మధ్య మ్యాచ్
- మే 26 న క్వాలిఫయర్‌ - 1 విజేత - క్వాలిఫయర్‌ - 2 విజేత మధ్య తుది పోరు జరగనుంది.
5ఏళ్ల తర్వాత సన్రైజర్స్ అలా- అంతా కమిన్స్ వల్లే! - IPL 2024
ఉత్కంఠ పోరులో సీఎస్కేకు షాక్ - ప్లే ఆఫ్స్కు ఆర్సీబీ - IPL 2024 CSK VS RCB
