Saina Nehwal Retirement: భారత స్టార్ బ్యాడ్మింటన్ ప్లేయర్, వరల్డ్ మాజీ నెం.1 ర్యాంకర్ 34ఏళ్ల సైనా నెహ్వాల్ తన కెరీర్కు ముగింపు పలికే ఆలోచనలో ఉన్నట్లు తెలుస్తోంది. తాజాగా రిటైర్మెంట్పై సైనా ఇంట్రెస్టింగ్ కామెంట్స్ చేసింది. ప్రస్తుతం ఆమె ఆర్థరైటిస్తో బాధపడుతుందట. దీంతో ఈ ఏడాది చివరి నాటికి కెరీర్ గురించి కీలక నిర్ణయం తీసుకోవాల్సి ఉందని ఆమె వెల్లడించింది. ఈ మేరకు 'హౌస్ ఆఫ్ గ్లోరీ' పాడ్కాస్ట్లో తాజాగా పాల్గొన్న సైనా ఈ కామెంట్స్ చేసింది.
'నా మొకాలు బాగాలేదు. కీళ్ల నొప్పులు కూడా ఉన్నాయి. ఈ పరిస్థితుల్లో 8-9 గంటలు ప్రాక్టీస్ చేయడం చాలా కష్టం. ప్రపంచలోని అత్యుత్తమ ఆటగాళ్లతో పోటీపడాలంటే 2 గంటల ప్రాక్టీస్ సరిపోదు. అందుకే నేను దాని (రిటైర్మెంట్) గురించి ఆలోచిస్తున్నా. అది కాస్త బాధగానే ఉంటుంది. కానీ, క్రీడాకారుడి కెరీర్ చాలా తక్కువ సమయమే కదా. నేను 9ఏళ్ల వయసున్నప్పుడు కెరీర్ ప్రారంభించా. నెక్ట్స్ ఇయర్కు నాకు 35ఏళ్లు వస్తాయి. ఈ సుదీర్ఘ కాలంపాటు నేను బ్యాడ్మింటన్ ఆడాను. నా కెరీర్లో సాధించిన దానిపట్ల ఎప్పుడు గర్వంగానే ఉంటా. ఈ ఏడాది చివరి నాటికి నా పరిస్థితిని బట్టి నిర్ణయం ఒక తీసుకుంటా' అని సైనా పేర్కొంది.
అది చిన్నప్పటి కల
'ఒలింపిక్స్లో పాల్గొనడం అందరికీ చిన్ననాటి కల. దాని కోసం ఏళ్ల తరబడి కష్టపడాలి. కొన్నిసార్లు గాయాలపాలై ఆ స్థాయికి చేరుకోలేరని తెలుుసుకున్నప్పుడు ఎంతో బాధపడాల్సి వస్తుంది. కానీ, నేను ఎంతో కష్టపడ్డాను. చాలా హార్డ్ వర్క్ చేశాను. ఫలితంగా మూడు ఒలింపిక్స్లో పాల్గొన్నా. అక్కడ 100శాతం నా బెస్ట్ ఇచ్చాను. ఒలింపిక్స్లో నా ప్రదర్శన పట్ల చాలా సంతృప్తిగా ఉన్నా' అని సైనా తెలిపింది.
Saina Nehwal Career: కాగా, సైనా నెహ్వాల్ 2006లో కెరీర్ ప్రారంభించింది. డెబ్యూ చేసిన నాలుగేళ్లకే, ఆమె పద్మ శ్రీ అవార్డు అందుకుంది. తర్వాత 2012 ఒలింపిక్స్లో కాంస్యం నెగ్గి, విశ్వక్రీడల్లో పతకం సాధించిన తొలి భారత షట్లర్గా సైనా చరిత్ర సృష్టించింది. ఇక 2010, 2018 కామన్వెల్త్ గేమ్స్లో స్వర్ణ పతకాలు దక్కించుకుంది. తన కెరీర్లో ఇప్పటివరకు సైనా 21 ఇంటర్నేషనల్ టైటిళ్లు నెగ్గి వరల్డ్ బ్యాడ్మింటన్లో సత్తా చాటుకుంది. ఇక గాయాలతో కొంతకాలంగా ఆటకు దూరంగా ఉంటున్న సైనా, చివరిసారిగా ఏడాది కిందట సింగపూర్ ఓపెన్లో బరిలో దిగింది. ఈ పోటీల్లో సైనా ఓపెనింగ్ రౌండ్లోనే ఓడింది.
Saina Nehwal Retirement : ఇప్పట్లో ఆ ఆలోచన లేదు.. నా దృష్టి అంతా దానిపైనే: సైనా
