Ind vs Ban Test 2024 : బంగ్లాదేశ్తో జరుగుతున్న తొలి టెస్టులో టీమ్ఇండియా పట్టు బిగిస్తోంది. మూడో రోజు ఆట ముగిసేసరికి 356 పరుగుల ఆధిక్యంలో కొనసాగుతోంది. 515 పరుగుల భారీ లక్ష్యంతో సెకండ్ ఇన్నింగ్స్లో బరిలోకి దిగిన బంగ్లా మూడో రోజు ఆట ముగిసేసరికి 158-4తో నిలిచింది. క్రీజులో నజ్ముల్ షాంటో (51 పరుగులు), షకిబ్ అల్ హసన్ (5 పరుగులు) ఉన్నారు. స్పిన్ మాంత్రికుడు రవిచంద్రన్ అశ్విన్ 3, పేసర్ జస్ప్రీత్ బుమ్రా 1 వికెట్ దక్కించుకున్నారు.
515 పరుగుల లక్ష్యంతో బరిలోకి దిగిన బంగ్లా ఇన్నింగ్స్ను ధీటుగా ఆరంభించింది. ఓపెనర్లు జకీర్ హసన్ (33 పరుగులు), షాద్మన్ ఇస్టామ్ (35 పరుగులు) 16 ఓవర్లలోనే స్కోర్ 60 దాటించారు. ఈ దశలో పేస్ స్టార్ బుమ్రా టీమ్ఇండియాకు బ్రేక్ ఇచ్చాడు. 16.2 ఓవర్ వద్ద జకీర్ను ఔట్ చేశాడు. డిఫెన్స్ ఆడబోతే స్లిప్లోకి వెళ్లిన బంతిని జైశ్వాల్ అద్భుతంగా క్యాచ్ పట్టుకున్నాడు. ఇక మరో ఓపెనర్ ఇస్లామ్ను అశ్విన్ పెవిలియన్ పంపాడు. మొమినుల్ హక్ (13 పరుగులు), ముష్ఫికర్ రహీమ్ (13 పరుగులు) ఈ ఇద్దర్నీ అశ్విన్ క్రీజులో కుదురుకోముందే ఔట్ చేశాడు.
Bad light brings an end to the day's play.
— BCCI (@BCCI) September 21, 2024
Bangladesh 158/4, need 357 runs more.
See you tomorrow for Day 4 action 👋
Scorecard - https://t.co/jV4wK7BgV2#TeamIndia | #INDvBAN | @IDFCFIRSTBank pic.twitter.com/7JWYRHXQuY
అంతకుముందు సెకండ్ ఇన్నింగ్స్లో టీమ్ఇండియా ఓవర్నైట్ స్కోర్ 81- 3తో బ్యాటింగ్ కొనసాగించింది. యంగ్ బ్యాటర్లు యంగ్ బ్యాటర్ తొలి సెషన్ నుంచే ఎటాకింగ్ గేమ్ ఆడారు. ఫలితంగా స్కోర్ బోర్డు పరుగులు పెట్టింది. ఈ క్రమంలోనే రిషభ్ పంత్ (109 పరుగులు), శుభ్మన్ గిల్ (119* పరుగులు) శతకాలతో అదరగొట్టారు. సెంచరీ తర్వాత పంత్ క్యాచౌట్గా వెనుదిరిగాడు. కే ఎల్ రాహుల్ (22* పరుగులు) చేశాడు. ఇక 287-4 పరుగుల వద్ద టీమ్ఇండియా ఇన్నింగ్స్ డిక్లేర్డ్ చేసింది. సెకండ్ ఇన్నింగ్స్లో బంగ్లా బౌలర్లలో హసన్ మిరాజ్ 2, నహిద్ రానా, తస్కిన్ అహ్మద్ తలో వికెట్ దక్కించుకున్నారు.
తొలి ఇన్నింగ్స్ స్కోర్లు
- భారత్ : 376-10
- బంగ్లాదేశ్ : 149-10
637 రోజుల తర్వాత పంత్ టెస్ట్ సెంచరీ - గిల్ కూడా అదిరే శతకం - Panth Gill Century
