IND vs NZ 2nd Test 2024 : స్వదేశంలో టెస్టుల్లో భారత్ ఆధిపత్యానికి బ్రేక్ పడింది. సొంతగడ్డపై 12ఏళ్లుగా టెస్టు సిరీస్ల్లో విజయాలతో దూసుకుపోతున్న టీమ్ఇండియాకు, న్యూజిలాండ్ షాక్ ఇచ్చింది. తాజాగా పుణె వేదికగా జరిగిన టెస్టులో భారత్పై కివీస్ 113 పరుగుల తేడాతో నెగ్గింది. మూడు మ్యాచ్ల టెస్టు సిరీస్ను న్యూజిలాండ్ 2- 0తో కైవసం చేసుకుంది. దీంతో భారత్ స్వదేశంలో 4331 రోజుల తర్వాత తొలిసారి టెస్టు సిరీస్ కోల్పోయింది. అటు భారత్ గడ్డపై న్యూజిలాండ్ తొలిసారి టెస్టు సిరీస్ నెగ్గి చరిత్ర సృష్టించింది.
ఈ మ్యాచ్లో మరిన్ని విశేషాలు
- ప్రపంచ టెస్టు ఛాంపియన్‌షిప్ చరిత్రలో విదేశీ గడ్డపై కివీస్ టెస్టు సిరీస్ నెగ్గడం ఇదే తొలిసారి
- భారత గడ్డపై టెస్టు సిరీస్ దక్కించుకున్న ఆరో జట్టుగా న్యూజిలాండ్ నిలిచింది. ఇంతకంటే ముందు ఇంగ్లాండ్ (5సార్లు), వెస్టిండీస్ (5 సార్లు), ఆస్ట్రేలియా (4 సార్లు), పాకిస్థాన్ (1 సారి), సౌతాఫ్రికా (1 సారి) జట్లు భారత్లో సిరీస్ నెగ్గాయి
- స్వదేశంలో భారత్ 2012- 13 (vs ఇంగ్లాడ్) తర్వాత టెస్టు సిరీస్ కోల్పోవడం ఇదే మొదటిసారి
- ఈ మ్యాచ్లో కివీస్ బౌలర్ మిచెల్ శాంట్నర్ 13/157 వికెట్లు దక్కించుకున్నాడు. అతడి టెస్టు కెరీర్లో ఇదే అత్యుత్తమ ప్రదర్శన
- 2024 క్యాలెండర్ ఇయర్లో భారత్కు సొంత గడ్డపై ఇది మూడో టెస్టు ఓటమి
- కెప్టెన్గా రోహిత్కు స్వదేశంలో ఇది తొలి టెస్టు సిరీస్ ఓటమి. నాలుగేళ్ల అతడి కెప్టెన్సీలో టీమ్ఇండియా 5 టెస్టు సిరీస్లు ఆడింది
- 2000 సంవత్సరం తర్వాత స్వదేశంలో టెస్టు సిరీస్ ఓడిన నాలుగో కెప్టెన్ రోహిత్ శర్మ. ఇంతకుముందు సచిన్ తెందూల్కర్ (2000 : 0-2 vs SA), సౌరభ్ గంగూలీ (2004 : 1-2 vs SA), ఎమ్ఎస్ ధోనీ (2012: 1-2 vs ENG) ఓడారు.
స్కోర్లు
- న్యూజిలాండ్ : 259-10 & 255- 10
- భారత్ : 156- 10 & 245-10
