Ind vs Pak T20 World Cup: 2024 టీ20 వరల్డ్కప్కు ఐసీసీ సర్వం సిద్ధం చేస్తోంది. ఇప్పటికే టోర్నీ షెడ్యూల్ను ప్రకటించిన ఐసీసీ, మైదానాల పనుల్లో వేగం పెంచింది. ఈ క్రమంలోనే రీసెంట్గా న్యూయార్క్లోని నసావు క్రికెట్ స్టేడియంలో పిచ్ పనులు కూడా ప్రారంభమయ్యాయి. అయితే ఇదే గ్రౌండ్లో జూన్ 9న భారత్ చిరకాల ప్రత్యర్థి పాకిస్థాన్తో తలపడనుంది.
ఈ నేపధ్యంలో స్టేడియం గురించి ఓ వార్త సోషల్ మీడియాలో ప్రచారంలోకి వచ్చింది. సాధారణ స్టేడియాల కంటే ఈ గ్రౌండ్లో బౌండరీ లైన్ చాలా దగ్గరగా ఉన్నట్లు తెలుస్తోంది. పిచ్ నుంచి నలువైపులా 65- 70 మీటర్లకు కొంచెం అటు ఇటుగా బౌండరీ లైన్ ఉన్నట్లు ఫొటోలు సోషల్ మీడియాలో వైరల్ అవుతున్నాయి. అంటే ఇప్పుడు భారత్లో ఉన్న బెంగళూరు చిన్నస్వామి స్టేడియం కంటే ఇది తక్కువ దూరం. దీంతో ఈ హైవోల్టేజ్ మ్యాచ్లో భారీ స్కోర్లు ఖాయమని ఫ్యాన్స్ భావిస్తున్నారు. ఇక ఈ మైదానంలో టీమ్ఇండియా యంగ్ బ్యాటర్ శివమ్ దూబే ఏకంగా స్పిన్నర్లపై దండయాత్ర చేస్తాడని, బంతి స్టేడియం బయట పడడం ఖాయమని ఫ్యాన్స్ కామెంట్ చేస్తున్నారు.
ఇక ఈస్టేడియంలో డ్రాప్- ఇన్ వికెట్ పిచ్లు ఏర్పాటు చేస్తున్నారు. దాదాపు 10 పిచ్లను రీసెంట్గా ఫ్లోరిడా నుంచి న్యూయార్క్కు 20 ట్రక్కుల ద్వారా తీసుకొచ్చారు. స్టేడియం మధ్యలో నాలుగు పిచ్లు ఉంచనునున్నట్లు ఐసీసీ తెలిపింది. కాగా, ఈ స్టేడియం న్యూయార్క్ ఈస్ట్మేడ్లోని ఐసెన్‌హోవర్ పార్క్లో నిర్మిస్తున్నారు.
34 వేల సీటింగ్ కెపాసిటీతో, అంతర్జాతీయ మ్యాచ్లకు అనుగుణంగా ఈ స్టేడియం నిర్మాణం జరుగుతోంది. 2024 టీ20 వరల్డ్కప్ టోర్నీలో ప్రతిష్ఠాత్మక భారత్- పాకిస్థాన్ సమరంతో సహా మరో 8 మ్యాచ్లకు ఈ స్టేడియం వేదికకానుంది. ఆస్ట్రేలియా ఆడిలైడ్ ఓవల్, న్యూజిలాండ్ ఈడెన్ పార్క్ స్టేడియాల్లో మదిరి ఈ మైదానంలోనూ డ్రాప్- ఇన్ పిచ్ వాడుతున్నారు. ఇక జూన్ 1న పొట్టి కప్ సమరం ప్రారంభం కానుంది. ఈ టోర్నీలో జూన్ 3న శ్రీలంక- సౌతాఫ్రికా జట్లు ఇదే వేదికగా తలపడనున్నాయి.
జెట్ స్పీడ్లో న్యూయార్క్ స్టేడియం పనులు- ట్రక్కుల్లో మైదానానికి చేరిన పిచ్లు - T20 World Cup 2024
'పాకిస్థాన్ దాన్ని పాటిస్తే ఇక తిరుగుండదు!' - T20 World cup 2024 Pakisthan Team
