Ind vs Aus 2nd Test : అడిలైడ్ వేదికగా భారత్- ఆస్ట్రేలియాతో మధ్య జరుగుతున్న డే/నైట్ టెస్టులో తొలి రోజు ఆట ముగిసింది. తొలి రోజు ఆట పూర్తయ్యే సమయానికి ఆస్ట్రేలియా తొలి ఇన్నింగ్స్లో 94 పరుగుల వెనకంజలో ఉంది. ప్రస్తుతం ఆసీస్ స్కోర్ 86-1. క్రీజులో నాథన్ మెక్స్వీనే (38 పరుగులు), మార్నస్ లబుషేన్ (20 పరుగులు) ఉన్నారు. భారత బౌలర్లలో స్టార్ పేసర్ జస్ప్రీత్ బుమ్రా ఒక్కడికే తొలి రోజు వికెట్ దక్కింది.
అంతకుముందు బ్యాటింగ్ చేసిన భారత్ తొలి ఇన్నింగ్స్లో 180 పరుగులుకే ఆలౌటైంది. నితీశ్ కుమార్ రెడ్డి (42; 54 బంతుల్లో, 3 ఫోర్లు, 3 సిక్సర్లు) టాప్ స్కోరర్. కేఎల్ రాహుల్ (37; 64 బంతుల్లో, 6 ఫోర్లు), శుభ్మన్ గిల్ (31; 51 బంతుల్లో, 5 ఫోర్లు), రవిచంద్రన్ అశ్విన్ (22; 22 బంతుల్లో, 3 ఫోర్లు), రిషభ్ పంత్ (21; 35 బంతుల్లో, 2 ఫోర్లు) ఫర్వాలేదనిపించారు.
విఫలం
కెప్టెన్ రోహిత్ శర్మ (3 పరుగులు), స్టార్ బ్యాటర్ విరాట్ కోహ్లీ (7 పరుగులు) నిరాశ పర్చారు. యంగ్ బ్యాటర్ యశస్వీ జైస్వాల్ (0) పరుగుల ఖాకా తెరవకుండానే పెవిలియన్ చేరాడు. ఆస్ట్రేలియా బౌలర్లలో మిచెల్ స్టార్క్ 6 వికెట్లతో విజృంభించాడు. ప్యాట్ కమిన్స్ , స్కాట్ బొలాండ్ చెరో 2 వికెట్లు దక్కించుకున్నారు.
That’s Stumps on Day 1
— BCCI (@BCCI) December 6, 2024
Australia trail by 94 runs
Live ▶️ https://t.co/upjirQBOtn#TeamIndia | #AUSvIND pic.twitter.com/dxIG23Ap25
బుమ్రా రికార్డు
2024లో టెస్టుల్లో 50 వికెట్ల మార్క్‌ అందుకున్న తొలి బౌలర్‌గా స్టార్ పేసర్ బుమ్రా నిలిచాడు. ఉస్మాన్ ఖవాజాను ఔట్ చేసిన బుమ్రా ఈ రికార్డు నెలకొల్పాడు. అలాగే ఓ క్యాలెండర్ ఇయర్‌లో టెస్టులో 50వికెట్లు పడగొట్టిన మూడో భారత పేసర్గా బుమ్రా చరిత్రకెక్కాడు. అంతకుముందు ఈ ఘనత కపిల్ దేవ్, జహీర్ ఖాన్ మాత్రమే అందుకున్నారు. కాగా, 31 ఏళ్ల బుమ్రా ఈ ఏడాది ఆడిన 11 టెస్టులో 50 వికెట్లు నేలకూల్చాడు. ఎకానమీ రేటు 3 మాత్రమే ఉండడం గమనార్హం.
భారత్ x ఆస్ట్రేలియా - స్టార్క్ దెబ్బకు 180కే టీమ్ఇండియా ఆలౌట్!
బుమ్రా ఖాతాలో మరో రికార్డ్- కపిల్, జహీర్ సరసన యార్కర్ స్పెషలిస్ట్
