ICC Womens T20 World Cup : ప్రతిష్టాత్మక ఐసీసీ మహిళల టీ20 ప్రపంచ కప్ మరికొద్ది రోజుల్లో ప్రారంభం కానుంది. ఈ నేపథ్యంలో తాజాగా బీసీసీఐ ఈ టోర్నీకి సంబంధించిన పూర్తి షెడ్యూల్ అలాగే జట్టు సభ్యులను ప్రకటించింది. యూఏఈ వేదికగా అక్టోబరు 3 నుంచి 20 వరకూ జరగనుంది. 15 మందితో కూడిన మహిళల జట్టు ఈ టోర్నీలో పాల్గొననుండగా, వికెట్‌కీపర్‌ యాస్తికా భాటియా, ఆల్‌రౌండర్‌ శ్రేయంకా పాటిల్ మాత్రం ఫిట్‌నెస్‌ సాధిస్తేనే యూఏఈకి వెళ్తారు. ఇక తనుజా కన్వర్, ఉమా ఛెత్రి, సైమా ఠాకూర్‌ను ట్రావెలింగ్ రిజర్వ్‌గా ఎంపిక చేశారు.
వేదికలో మార్పు అందుకే
అయితే ఈ ప్రపంచ కప్ బంగ్లాదేశ్‌లో జరగాల్సింది. కానీ, అక్కడ జరుగుతున్న అల్లర్ల నేపథ్యంలో ఈ టోర్నీని యూఏఈకి షిఫ్ట్ చేసింది ఐసీసీ. ఇక మొత్తం 10 జట్లను రెండు గ్రూప్‌లుగా డివైడ్ చేశారు. గ్రూప్‌లోని ప్రతి జట్టు ఇతర జట్లతో చెరో మ్యాచ్ ఆడనుంది. ప్రతి గ్రూప్‌ నుంచి టాప్‌-2లో నిలిచిన జట్లు మాత్రమే సెమీస్‌ బరిలో దిగుతాయి.
ఇక గ్రూప్‌ Aలో భారత్, ఆస్ట్రేలియా, న్యూజిలాండ్, పాకిస్థాన్‌, శ్రీలంక ఉండగా, గ్రూప్‌ Bలో సౌతాఫ్రికా, ఇంగ్లాండ్, వెస్టిండీస్‌, బంగ్లాదేశ్, స్కాట్లాండ్ టీమ్స్ ఉన్నాయి.
భారత్ షెడ్యూల్ ఇదే
అక్టోబర్ 4న భారత్ x న్యూజిలాండ్ మ్యాచ్ జరగనుండగా, ఆ తర్వాత 9న శ్రీలంక, 13న ఆస్ట్రేలియాతో టీమ్ఇండియా మహిళల జట్లు తలపడనుంది. ఇక చిరకాల ప్రత్యర్థులైన భారత్, పాక్‌ అక్టోబర్ 6న దుబాయ్‌లో ఆడనున్నారు.
మరోవైపు అక్టోబర్ 17, 18న జరగనున్న సెమీఫైనల్స్‌తో పాటు 20న జరిగే ఫైనల్ మ్యాచ్‌కు రిజర్వ్ డే ఉంది. ఇక భారత్ ఒకవేళ సెమీస్‌కు చేరితే అప్పుడు తొలి సెమీ ఫైనల్‌లో మన జట్టు తలపడనుంది.
భారత తుది జట్టు : హర్మన్‌ప్రీత్‌ (కెప్టెన్), స్మృతి మంధాన (వైస్‌ కెప్టెన్), దీప్తి శర్మ, జెమీమా రోడ్రిగ్స్‌, రిచా ఘోష్, ఆశా శోభన, అరుంధతి రెడ్డి, యాస్తికా భాటియా, పుజా వస్త్రాకర్‌, రేణుకా సింగ్, షఫాలీ వర్మ, హేమలత, రాధా యాదవ్, శ్రేయంకా పాటిల్*, సంజనా సంజీవన్.
T20 వరల్డ్కప్పై బంగ్లా అల్లర్ల ఎఫెక్ట్- టోర్నమెంట్ ఆ దేశానికి షిఫ్ట్! - Womens T20 World Cup 2024
