ICC Rankings 2024: అంతర్జాతీయ క్రికెట్ కౌన్సిల్ (ఐసీసీ) లేటెస్ట్గా టెస్టు ర్యాంకింగ్స్ రిలీజ్ చేసింది. బుధవారం విడుదల చేసిన ర్యాంకింగ్స్లో టీమ్ఇండియా బ్యాటర్లు విరాట్ కోహ్లీ 2 స్థానాలు, యశస్వీ జైశ్వాల్ 1 ప్లేస్ మెరుగుపర్చుకున్నారు. ప్రస్తుతం జైశ్వాల్ (740 రేటింగ్స్) 7న స్థానం దక్కించుకోగా, విరాట్ (737 రేటింగ్స్) 8వ ప్లేస్లో కొనసాగుతున్నాడు. కాగా, కెప్టెన్ రోహిత్ శర్మ 751 రేటింగ్స్తో 6వ స్థానంలో ఉన్నాడు.
అయితే పాక్ బ్యాటర్, లిమిటెడ్ ఓవర్ల కెప్టెన్ బాబర్ ఆజమ్ ఏకంగా 6స్థానాలు కోల్పోయాడు. బాబర్ ప్రస్తుతం 734 రేటింగ్స్తో 9వ ర్యాంక్కు పడిపోయాడు. మరోవైపు పాకిస్థాన్ మరో బ్యాటర్ మహ్మద్ రిజ్వాన్ 7స్థానాలు మెరుగు పర్చుకున్నాడు. రిజ్వాన్ 728 రేటింగ్స్తో 10వ ర్యాంక్లో కొనసాగుతున్నాడు. ఇక ఇంగ్లాండ్ బ్యాటర్ జో రూట్ (881 రేటింగ్స్) టాప్ ప్లేస్ నిలబెట్టుకున్నాడు. తర్వాత న్యూజిలాండ్ ఆటగాళ్లు కేన్ విలియమ్సన్ (859 రేటింగ్స్), డారిల్ మిచెల్ (768 రేటింగ్స్) వరుసగా రెండు, మూడు స్థానాల్లో ఉన్నారు.
టాప్ 5 బ్యాటర్లు
| 1 | జో రూట్ | ఇంగ్లాండ్ | 881 రేటింగ్స్ |
| 2 | కేన్ విలియమ్సన్ | న్యూజిలాండ్ | 859 రేటింగ్స్ |
| 3 | డారిల్ మిచెల్ | న్యూజిలాండ్ | 768 రేటింగ్స్ |
| 4 | హ్యారీ బ్రూక్ | ఇంగ్లాండ్ | 758 రేటింగ్స్ |
| 5 | స్టీవ్ స్మిత్ | ఆస్ట్రేలియా | 757 రేటింగ్స్ |
టాప్ 5 బ్యాటర్లు
ICC Test Bowling Ranking: మరోవైపు బౌలింగ్ ర్యాంకింగ్స్లో టీమ్ఇండియా స్పిన్నర్ రవిచంద్రన్ అశ్విన్ (870 రేటింగ్స్) టాప్ ప్లేస్లో కొనసాగుతుండగా, స్టార్ పేసర్ జస్ప్రీత్ బుమ్రా (847 రేటింగ్స్), ఆస్ట్రేలియా ప్లేయర్ జోష్ హేజిల్వుడ్ (847 రేటింగ్స్)తో కలిసి రెండో స్థానం పంచుకున్నాడు. ఇక టీమ్ఇండియా నుంచి మరో స్పిన్నర్ రవీంద్ర జడేజా (788 రేటింగ్స్) 7వ స్థానం నిలబెట్టుకున్నాడు. దీంతో ముగ్గురు టీమ్ఇండియా ప్లేయర్లు టాప్- 10లో ఉన్నారు.
టాప్ - 5 బౌలర్లు
| 1 | రవిచంద్రన్ అశ్విన్ | భారత్ | 870 రేటింగ్స్ |
| 2 | జస్ప్రీత్ బుమ్రా | భారత్ | 847 రేటింగ్స్ |
| . | జోష్ హేజిల్వుడ్ | ఆస్ట్రేలియా | 847 రేటింగ్స్ |
| 4 | ప్యాట్ కమిన్స్ | ఆస్ట్రేలియా | 820 రేటింగ్స్ |
| . | కగిసో రబాడా | సౌతాఫ్రికా | 820 రేటింగ్స్ |
ఇక టెస్టు ఫార్మట్ టీమ్ ర్యాంకింగ్స్లో ఆస్ట్రేలియా అగ్రస్థానం నిలబెట్టుకుంది. 124 రేటింగ్స్తో ఆసీస్ టాప్లో ఉండగా, భారత్ (120 రేటింగ్స్) రెండో స్థానంలో కొనసాగుతోంది. తర్వాత ఇంగ్లాండ్ (108 రేటింగ్స్), సౌతాఫ్రికా (104 రేటింగ్స్), న్యూజిలాండ్ (96 రేటింగ్స్) వరుసగా స్థానాల్లో ఉన్నాయి.
Big shifts in the ICC Men's Test Player Rankings following the #ENGvSL and #PAKvBAN matches 📈📉#WTC25 | Details 👇https://t.co/Tna2KVtZLH
— ICC (@ICC) August 28, 2024
ICC ర్యాంకింగ్స్: సత్తాచాటిన రోహిత్, గిల్, విరాట్- టాప్ 5లో ముగ్గురు మనోళ్లే - ICC Ranking
