ICC Ranking ODI: అంతర్జాతీయ క్రికెట్ కౌన్సిల్ (ఐసీసీ) బుధవారం విడుదల చేసిన వన్డే ర్యాంకింగ్స్లో టీమ్ఇండియా బ్యాటర్లు సత్తా చాటారు. టీమ్ఇండియా యంగ్ బ్యాటర్ శుభ్మన్ గిల్ 782 రేటింగ్స్తో రెండో స్థానంలో కొనసాగుతుండగా, కెప్టెన్ రోహిత్ శర్మ ఒక స్థానం మెరుగుపర్చుకొని మూడో ప్లేస్కు చేరుకున్నాడు. హిట్మ్యాన్ ప్రస్తుతం 763 రేటింగ్స్తో మూడో ప్లేస్లో ఉండగా, స్టార్ విరాట్ కోహ్లీ 752 రేటింగ్స్తో నాలుగో స్థానంలో కొనసాగుతున్నాడు. ఇక పాకిస్థాన్ స్టార్ బ్యాటర్ బాబర్ ఆజమ్ 824 రేటింగ్స్తో టాప్ ప్లేస్లో ఉన్నాడు. అయితే టాప్- 5లో ముగ్గురు టీమ్ఇండియా బ్యాటర్లే ఉండడం విశేషం.
- టాప్- 5 బ్యాటర్లు
| బాబర్ ఆజమ్ | పాకిస్థాన్ | 824 రేటింగ్స్ |
| శుభ్మన్ గిల్ | భారత్ | 782 రేటింగ్స్ |
| రోహిత్ శర్మ | భారత్ | 763 రేటింగ్స్ |
| విరాట్ కోహ్లీ | భారత్ | 752 రేటింగ్స్ |
| హ్యారీ టెక్టర్ | ఐర్లాండ్ | 746 రేటింగ్స్ |
కాగా, బౌలింగ్లో టీమ్ఇండియా స్పిన్నర్ కుల్దీప్ యాదవ్ ఏకంగా 5స్థానాలు మెరుగుపర్చుకొని, నాలుగో ప్లేస్కు ఎగబాకాడు. ప్రస్తుతం కుల్దీప్ 662 రేటింగ్స్తో నాలుగో స్థానంలో ఉన్నాడు. ఇక పేసర్ మహ్మద్ సిరాజ్ కూడా 662 రేటింగ్స్తో ఉన్నప్పుటికీ 5వ స్థానంలో కొనసాగుతున్నాడు. స్టార్ పేసర్ జస్ర్పీత్ బుమ్రా మాత్రం 3స్థానాలు కోల్పోయాడు. అతడు 651 రేటింగ్స్తో 8వ ప్లేస్లో ఉన్నాడు. వీళ్లు ముగ్గురు టాప్ 10లో ఉండగా, మహ్మద్ షమీ 616 రేటింగ్స్తో 12వ స్థానం దక్కించుకున్నాడు. ఇక సౌతాఫ్రికా స్పిన్నర్ కేశవ్ మహరాజ్ అగ్రస్థానంలో కొనసాగుతున్నాడు. అతడు 716 రేటింగ్స్తో టాప్లో ఉండగా, జోష్ హేజిల్వుడ్ 688 రేటింగ్స్లో రెండో స్థానంలో కొనసాగుతున్నాడు.
టాప్ 5 బౌలర్లు
- కేశవ్ మహరాజ్- సౌతాఫ్రికా- 716 రేటింగ్స్
- జోష్ హేజిల్వుడ్- ఆస్ట్రేలియా- 688 రేటింగ్స్
- ఆడమ్ జంపా- ఆస్ట్రేలియా- 686 రేటింగ్స్
- కుల్దీప్ యాదవ్- భారత్- 662 రేటింగ్స్
- మహ్మద్ సిరాజ్- భారత్- 662 రేటింగ్స్
The fight for the pole position is on! 🔥
— ICC (@ICC) August 7, 2024
India’s top three are in for a close contest in the ICC Men’s ODI Player Rankings 🤜🤛
🔗: https://t.co/pxvVKgQN6L pic.twitter.com/YgBOPDH8ID
