భారత్​కు షాక్- కామన్వెల్త్ గేమ్స్​లో​ నో హాకీ!- కారణం అదే

భారత హాకీ అభిమానులకు షాక్ తగలనుంది- 2025 కామన్వెల్త్ గేమ్స్​ నుంచి ఈ ఆట ఔట్!

2026 Commonwealth Games Hockey : భారత హకీ అభిమానులకు షాకింగ్ న్యూస్‌! 2026 కామన్వెల్త్ గేమ్స్‌లో హాకీని తొలగిస్తారని ప్రచారం సాగుతోంది. నాలుగేళ్లకొసారి జరిగే కామన్వెల్త్‌ గేమ్స్​కు ఈ సారి స్కాట్లాండ్‌లోని గ్లాస్గో నగరం ఆతిథ్యమివ్వనుంది. ఈ పోటీలు 2025 జులై 23 నుంచి ఆగస్టు 2 వరకు జరగనున్నాయి. అయితే ఈ టోర్నీని తొలుత ఆస్ట్రేలియాలోని విక్టోరియాలో నిర్వహించేందుకు సన్నాహాలు చేశారు. కానీ, పెరుగుతున్న ఖర్చుల కారణంగా ఆతిథ్యమిచ్చేందుకు విక్టోరియా నో చెప్పింది. దీంతో పోటీలు స్కాట్లాండ్​కు షిఫ్ట్ అయ్యాయి.

కారణం అదే!
ఇక 2022 బర్మింగ్‌హామ్​ కామన్వెల్త్ గేమ్స్​లో మొత్తం 19 ఈవెంట్‌లు నిర్వహించారు. అయితే, ఖర్చులను తగ్గించుకోవడం కోసం ఈ సారి 9 ఈవెంట్లు తగ్గించి కేవలం 10 క్రీడాంశాలతోనే టోర్నీని నిర్వహించాలని ప్లాన్ చేస్తున్నట్లు తెలుస్తోంది. ఈ క్రమంలోనే హాకీ, రోడ్‌ రేసింగ్‌, నెట్‌ బాల్​తోపాటు మరో ఆరు ఈవెంట్‌లను తొలగిస్తారని ప్రచారం సాగుతోంది. దీనిపై త్వరలోనే అఫీషియల్ అనౌన్స్​మెంట్ కూడా రానుందని విశ్వసనీయ వర్గాల సమాచారం.

HEARTBREAKING NEWS FOR INDIAN SPORTS LOVER.

Field hockey will not be played in 2026 Commonwealth Games, OFFICIAL announcement most probably to be made today.

PS: India won the Bronze medal in Paris Olympic this year. pic.twitter.com/eCeeMDVexU

— Parav Sharma (@ParavSharma23) October 21, 2024

భారత్​కు పెద్ద దెబ్బ!
అయితే కామన్వెల్త్ గేమ్స్​లో నుంచి హాకీ ఆటను తొలగిస్తే భారత్‌కు పెద్దదెబ్బ తగిలినట్లవుతుంది. ప్రతిసారి భారత్ పతకం సాధించే క్రీడాంశాల్లో హాకీ ఉంటుంది. అలా ఈసారి కూడా భారత హాకీ జట్టుపై అంచనాలు భారీగానే ఉన్నాయి. ఈ పోటీల్లో పురుషుల హాకీ జట్టు ఇప్పటిదాకా మూడుసార్లు సిల్వర్, రెండుసార్లు బ్రాంజ్​ పతకాలు సాధించింది. ఇక 2022 కామన్వెల్త్ క్రీడల్లో భారత్ మొత్తం 61 పతకాలతో సత్తా చాటింది. ఓవరాల్​గా టోర్నీలో పతకాల సంఖ్యలో నాలుగో స్థానంలో నిలిచింది. ఇందులో 22 పసిడి, 16 రజతాలు, 23 కాంస్యాలు ఉన్నాయి. రెజ్లింగ్‌లో అత్యధికంగా 12 పతకాలు రాగా, వెయిట్ లిప్టింగ్‌లో 10 మెడల్స్​ వచ్చాయి.

భారత హాకీ జట్టు రీసెంట్​గా అత్యుత్తమ ప్రదర్శన కనబర్చింది. ఇటీవల ముగిసిన పారిస్ ఒలింపిక్స్​లో కాంస్యం నెగ్గిన భారత హాకీ జట్టు, రీసెంట్​గా 2024 ఆసియా ఛాంపియన్స్‌ ట్రోఫీలో స్వర్ణం ముద్దాడింది.