'రంజీల్లో ఆడడం వల్ల ఎలాంటి ఉపయోగం లేదా?'- సెలక్టర్లపై భజ్జీ ఫైర్!

బీసీసీఐ సెలక్టర్లపై భజ్జీ ఫైరయ్యాడు- టీమ్ఇండియాకు ప్లేయర్లను ఎంపిక చేస్తున్న విధానాన్ని తప్పుబట్టాడు

Harbhajan Singh On Selectors : టీమ్ఇండియా మాజీ ప్లేయర్ హర్భజన్ సింగ్, బీసీసీఐ సెలక్టర్లపై అసంతృప్తి వ్యక్తం చేశాడు. రంజీల్లో ప్రదర్శన కాకుండా ఐపీఎల్​లో పెర్ఫార్మెన్స్​ ఆధారంగా జాతీయ జట్టుకు ఎంపిక చేస్తున్నారని ఫైర్ అయ్యాడు. మధ్యప్రదేశ్​కు చెందిన జలజ్ సక్సెనా రంజీల్లో 6వేల పరుగులు, 400 వికెట్లు పడగొట్టినా, కనీసం టీమ్ఇండియా Aలో చోటు దక్కకపోవడంతో డొమెస్టిక్ క్రికెట్ వల్ల లాభమేంటని భజ్జీ అన్నాడు. ఈ క్రమంలోనే రంజీల్లో ఆడడం వల్ల ఎలాంటి ఉపయోగం లేదని షాకింగ్ కామెంట్ చేశాడు.

అయితే ప్రస్తుత రంజీ ట్రోఫీలో మధ్య ప్రదేశ్ ప్లేయర్ జలజ్ సక్సేనా అరుదైన రికార్డు సొంతం చేసుకున్నాడు. అతడు రీసెంట్​ మ్యాచ్​తో రంజీల్లో 6వేల పరుగులు, 400 వికెట్లు పూర్తి చేసుకున్నాడు. ఈ క్రమంలో లిస్ట్​ ఎ కెరీర్​లో ఈ ఫీట్ సాధించిన తొలి ఆటగాడిగా సక్సెనా రికార్డు సృష్టించాడు. అయితే గత కొన్నేళ్లుగా రంజీ, డొమెస్టిక్ క్రికెట్​లో నిలకడగా రాణిస్తున్నా అతడ్ని టీమ్ఇండియా సెలక్టర్లు పక్కనపెడుతున్నారని ఓ నెటిజన్ సోషల్ మీడియాలో పోస్ట్ చేశాడు.

'జలజ్ సక్సెనా రంజీల్లో 400 వికెట్లు, 6000 పరుగులు పూర్తి చేశాడు. భారత డొమెస్టిక్ టోర్నీల్లో ఈ ఘనత సాధించిన ఒకే ఒక్కడు సక్సెనా. కానీ, అతడు టీమ్ఇండియాకు ఆడడానికి మాత్రం ఈ ప్రదర్శన సరిపోవడం లేదు. అది ఒక ఛాంపియన్ ప్లేయర్ పెర్ఫార్మెన్స్. అంతకన్నా అతడు ఇంకా ఎం చేయగలడు?' అని ట్విట్టర్​లో నెటిజన్ షేర్ చేశారు. దీనికి భజ్జీ స్పందించాడు. 'మీతో ఏకీభవిస్తున్నాను. అతడిని కనీసం ఇండియా ఎ తరుఫున ఎంపిక చేయాడానికైనా పరిగణించాలి. కానీ, రంజీల్లో ఆడడం ఉపయోగం లేకుండా పోయిందా? ఇప్పుడు ఐపీఎల్​​ ప్రదర్శనలు చూసి ఎంపిక చేస్తున్నారు' అని రిప్లై ఇచ్చాడు.

400 wickets and 6000 runs for @jalajsaxena33 in the Ranji Trophy. The first man to achieve the feat in India's national tournament. But still not good enough to play for India. Hard to comprehend. A champion and consistent performer. What more should he do?
Pic: Sportstar.. pic.twitter.com/bnBArC3ZM9

— Vijay Lokapally 🇮🇳 (@vijaylokapally) November 7, 2024

కాగా, 37ఏళ్ల సక్సెనా తన కెరీర్​లో ఇప్పటివరకు 143 మ్యాచ్​ల్లో ఫస్ట్​ క్లాస్ క్రికెట్​లో 6795 పరుగులు చేశాడు. అందులో 14 సెంచరీలు, 33 హాఫ్ సెంచరీలు ఉన్నాయి. అలాగే 452 వికెట్లు పడగొట్టాడు. ఇక 2024-25 రంజీ సీజన్​లో రెండు మ్యాచ్​ల్లో 101 పరుగులు చేసి, 8 వికెట్లు దక్కించుకున్నాడు.