Sarfaraz Khan Century : న్యూజిలాండ్తో జరుగుతున్న తొలి టెస్టులో టీమ్ఇండియా యంగ్ బ్యాటర్ సర్ఫరాజ్ ఖాన్ భారీ సెంచరీతో అదరగొట్టాడు. తొలి ఇన్నింగ్స్లో పరుగుల ఖాతా తెరవకుండానే పెవిలియన్ చేరిన సర్ఫరాజ్, సెకండ్ ఇన్నింగ్స్లో ఏకంగా 150 పరుగులతో సత్తా చాటాడు. ఈ నేపథ్యంలో కెరీర్లో ఓ అరుదైన క్లబ్లో దిగ్గజ ఆటగాళ్ల సరసన చోటు దక్కించుకున్నాడు.
ఒకే టెస్టు మ్యాచ్లో తొలి ఇన్నింగ్స్లో డకౌట్ అయ్యి, రెండో ఇన్నింగ్స్లో సెంచరీ బాదిన భారత ఆటగాళ్ల లిస్ట్లో సర్ఫరాజ్ తొమ్మిదో బ్యాటర్గా నిలిచాడు. ఈ మ్యాచ్లో సర్ఫరాజ్ (0, 150) పరుగులు నమోదు చేశాడు. మరి ఈ జాబితాలో ఉన్న టీమ్ఇండియా ప్లేయర్లు ఎవరంటే?
| ప్లేయర్ | తొలి ఇన్నింగ్స్ | రెండో ఇన్నింగ్స్ | ప్రత్యర్థి |
| మాధవ్‌ ఆప్టే | 0 | 163 | వెస్టిండీస్ |
| సునీల్‌ గావస్కర్‌ | 0 | 118 | ఆస్ట్రేలియా |
| దిలీప్‌ వెంగసర్కార్‌ | 0 | 103 | ఇంగ్లాండ్ |
| మహ్మద్‌ అజారుద్దీన్‌ | 0 | 109 | పాకిస్థాన్‌ |
| సచిన్‌ తెందూల్కర్‌ | 0 | 136 | పాకిస్థాన్‌ |
| శిఖర్‌ ధావన్‌ | 0 | 114 | న్యూజిలాండ్ |
| విరాట్ కోహ్లీ | 0 | 104 | శ్రీలంక |
| శుభ్‌మన్‌ గిల్‌ | 0 | 119 | బంగ్లాదేశ్‌ |
కాగా, ఇదే ఏడాది ఇంగ్లాండ్పై టెస్టుల్లో అరంగేట్రం చేసిన సర్ఫరాజ్ ఆకట్టుకుంటున్నాడు. అరంగేట్ర మ్యాచ్ తొలి ఇన్నింగ్స్లోనే హాఫ్ సెంచరీ బాదాడు. ఇక ఇప్పటివరకు 4 మ్యాచ్ల్లో 7 ఇన్నింగ్స్ ఆడిన సర్ఫరాజ్ 58.33 సగటుతో 350 పరుగులు చేశాడు. అందులో 1 సెంచరీ, 3 హాఫ్ సెంచరీలు ఉన్నాయి. 150 పరుగులు అతడి అత్యధిక స్కోర్. మరోవైపు టీమ్ఇండియా సెకండ్ ఇన్నింగ్స్లో రాణిస్తోంది. ఇక తొలి ఇన్నింగ్స్లో భారత్ 46 పరుగులకే ఆలౌట్ కాగా, న్యూజిలాండ్ 402 భారీ పరుగులు సాధించింది.
No fan of sarfaraj khan passed without liking
— Saheb Siddiqui (@SahebSiddiqui16) October 19, 2024
#sarfarajkhanpic.twitter.com/St1AbrUufI
'వద్దు బాబోయ్‌ వద్దు' - పంత్ను ఆపేందుకు సర్ఫరాజ్ ఫన్నీ స్టంట్ - నవ్వులే నవ్వులు
సింపుల్ లైఫ్, కానీ ఖరీదైన లగ్జరీ కార్లు - సర్ఫరాజ్ నెట్ వర్త్ ఎన్ని కోట్లంటే?
