ఎమర్జింగ్ ఆసియా కప్- పాకిస్థాన్​పై భారత్ గ్రాండ్ విక్టరీ

ఎమ‌ర్జింగ్ ​ఆసియాక‌ప్‌ - 2024లో టీమ్ఇండియా ఎ శుభారంభం చేసింది. పాకిస్థాన్​తో జరిగిన మ్యాచ్​లో విజయం నమోదు చేసింది.

IND VS PAK Emerging Asia cup 2024 : ఎమ‌ర్జింగ్ ​ఆసియాక‌ప్‌ - 2024లో టీమ్ఇండియా ఎ శుభారంభం చేసింది. శనివారం మస్కట్‌ అల్ అమెరత్ క్రికెట్ స్టేడియం (Al Amerat Cricket Ground Oman) వేదికగా పాకిస్థాన్​తో జరిగిన మ్యాచ్​లో భారత్ 7 పరుగుల తేడాతో నెగ్గింది. టోర్నీలో తొలి మ్యాచ్​లోనే దాయాది పాకిస్థాన్​ను ఢీ కొట్టిన యువ భారత్ సత్తా చాటింది. భారత్​ నిర్దేశించిన 184 పరుగుల లక్ష్య ఛేదనలో పాకిస్థాన్ ఓవర్లన్నీ ఆడి 7 వికెట్ల నష్టానికి 176 స్కోర్​కే పరిమితమైంది.

చివరి ఓవర్లో పాకిస్థాన్ విజయానికి 17 పరుగులు అవసరం అయ్యాయి. ఈ దశలో తొలి బంతికే అబ్దుల్ సమద్ ఔటయ్యాడు. దీంతో సమీకరణం 5 బంతుల్లో 17 పరుగులుగా మారింది. రెండో బంతికి సింగిల్​ రాగా, మూడో బంతికి 4 లభించింది. 3 బంతుల్లో 12 పరుగులు అవసరం అయ్యాయి. ఈ దశలో నాలుగు, ఐదు బంతులు డాట్ అయ్యాయి. ఇక ఆఖరి బంతికి ఫోర్ వచ్చింది. దీంతో భారత్ 7 పరుగుల తేడాతో నెగ్గింది.

India ‘A’ clinched victory against Pakistan ‘A’ by 7 runs in a nail-biting match! A thrilling finish that kept everyone on the edge till the last ball! 🙌🥶#MensT20EmergingTeamsAsiaCup #ACC pic.twitter.com/OgCzabLrzs

— AsianCricketCouncil (@ACCMedia1) October 19, 2024

అంతకుముందు బ్యాటింగ్ చేసిన టీమ్ఇండియా నిర్ణీత 20 ఓవర్లలో 8 వికెట్ల నష్టానికి 183 పరుగులు చేసింది. కెప్టెన్ తిలక్ వర్మ (44 పరుగులు, 35 బంతుల్లో : 2x4, 2x6), అభిషేక్ శర్మ (35 పరుగులు), ప్రభ్‌సిమ్రన్ సింగ్ (36 పరుగులు) రాణించారు.

ONE OF THE FINEST SHOTS FROM CAPTAIN TILAK VARMA TONIGHT. ⭐pic.twitter.com/xzxSpssVnB

— Mufaddal Vohra (@mufaddal_vohra) October 19, 2024

తుదిజట్లు
భారత్ : తిలక్ వర్మ (కెప్టెన్), అభిషేక్ శర్మ, ప్రభ్​సిమ్రన్ సింగ్, రమణ్​దీప్ సింగ్, అన్షుల్ కంబోజ్, ఆయుశ్ బదోనీ, నేహాల్ వధేర, నిషాంత్ సింధు, రాహుల్ చాహర్, రసిక్ దార్ సలామ్, వైభవ్ అరోరా

పాకిస్థాన్ : మహ్మద్ హారిస్ (కెప్టెన్), హైదర్ అలీ, యాసిర్ ఖాన్, ఖాసిమ్ అక్రమ్, ఒమర్ యూసుఫ్, అరాఫత్ మిన్హాస్, అబ్బాస్ అఫ్రిదీ, మహ్మద్ ఇమ్రాన్, జమన్ ఖాన్, సఫియాన్ ముఖిమ్

ఫైనల్ జరిగేది అప్పుడే - మొత్తం ఈ టోర్నీలో 8 జట్లు తలపడతాయి. గ్రూప్-ఏలో అఫ్గానిస్థాన్, బంగ్లాదేశ్, హాంగ్ కాంగ్, శ్రీలంక ఉన్నాయి. గ్రూప్-బీతో భారత్, ఒమన్, పాకిస్థాన్, యూఏఈ టీమ్స్​ ఉన్నాయి. గ్రూప్‌లలో తొలి రెండు స్థానాల్లో నిలిచిన జట్లు సెమీ ఫైనల్స్‌కు అర్హత సాధిస్తాయి. అక్టోబర్ 25న సెమీస్, అక్టోబర్ 27న ఫైనల్ నిర్వహించనున్నారు.

𝐓𝐡𝐞 𝐎𝐦𝐚𝐧 𝐂𝐫𝐢𝐜𝐤𝐞𝐭 𝐆𝐫𝐨𝐮𝐧𝐝 𝐢𝐬 𝐛𝐮𝐳𝐳𝐢𝐧𝐠! 🎉🌟#MensT20EmergingTeamsAsiaCup #ACC pic.twitter.com/qivsQCLOgP

— AsianCricketCouncil (@ACCMedia1) October 19, 2024