India C vs India D Duleep Trophy 2024: దులీప్ ట్రోఫీ 2024లో ఇండియా C జట్టు బోణీ కొట్టింది. ఇండియా Dతో జరిగిన మ్యాచ్లో 4 వికెట్ల తేడాతో నెగ్గింది. శనివారం 206/8 స్కోరుతో రెండో ఇన్నింగ్స్‌ను కొనసాగించిన ఇండియా D 236 పరుగులకు ఆలౌటైంది. ఇక 233 పరుగుల టార్గెట్ను ఇండియా C 6 వికెట్లు కోల్పోయి 61 ఓవర్లలో ఛేదించింది. రుతురాజ్‌ గైక్వాడ్ (46 పరుగులు), ఆర్యన్ జుయల్ (47 పరుగులు), రజత్ పటీదార్‌ (44 పరుగులు) రాణించారు. చివర్లో అభిషేక్ పొరెల్ (35* పరుగులు), మానవ్ సుతార్ (19* పరుగులు) ఆకట్టుకున్నారు. సారన్ష్ జైన్ 4, అక్షర్ పటేల్ 1 వికెట్ దక్కించుకున్నారు. కాగా, రెండో ఇన్నింగ్స్లో 7 వికెట్లతో సత్తా చాటిన (ఇండియా C) మానవ్ సుతార్కు 'మ్యాన్ ఆఫ్ ది మ్యాచ్' అవార్డు లభించింది.
సుతార్ అదరహో
ఇండియా Cకి ప్రాతినిధ్యం వహిస్తున్న మానవ్ సుతార్ బంతితో అదరగొట్టాడు. సెకండ్ ఇన్నింగ్స్లో ప్రత్యర్థి పతనాన్ని శాసించాడు. 19.1 ఓవర్లు బౌలింగ్ చేసిన మానవ్ 7 వికెట్లతో సత్తా చాటాడు. అందులో 7 మెయిడెన్ ఓవర్లు ఉండడం విశేషం. ఇక తొలి ఇన్నింగ్స్లోనూ కట్టుదిట్టంగా బౌలింగ్ చేసిన మానవ్ 1 వికెట్ దక్కించుకున్నాడు. ఈ మ్యాచ్లో మానవ్ మొత్తం 8 వికెట్లు పడగొట్టాడు.
కాగా, తొలి ఇన్నింగ్స్లో ఇండియా D 164 పరుగులకు ఆలౌటైంది. అక్షర్ పటేల్ (86 పరుగులు; 118 బంతుల్లో 6 ఫోర్లు, 6 సిక్స్‌లు) మినహా మిగతావారెవరూ పెద్దగా రాణించలేదు. కెప్టెన్ శ్రేయస్ అయ్యర్ (9 పరుగులు) కూడా స్వల్ప స్కోరుకే వెనుదిరిగాడు. అటు ఇండియా D తొలి ఇన్నింగ్స్లో 168 పరుగులకు కుప్పకూలింది. ఇంద్రజీత్ (72 పరుగులు; 149 బంతుల్లో 9 ఫోర్లు) రాణించాడు. అభిషేక్ పొరెల్ (34) ఆకట్టుకున్నాడు.
సంక్షిప్త స్కోర్లు
- IND- D 164-10 & 236-10
- IND- C 168-10 & 233- 6
𝐕𝐢𝐜𝐭𝐨𝐫𝐲 𝐟𝐨𝐫 𝐈𝐧𝐝𝐢𝐚 𝐂! 🙌
— BCCI Domestic (@BCCIdomestic) September 7, 2024
Abishek Porel (35*) and Manav Suthar (19*) hold their nerve to take India C past the finish line. They win by 4 wickets 👏
What an exciting roller-coaster of a match 🔥#DuleepTrophy | @IDFCFIRSTBank
Scorecard ▶️ https://t.co/PcAyYzIC6z pic.twitter.com/4eUCQUBrK5
దులీప్ ట్రోఫీకి మన స్టార్లు రెడీ- లైవ్ మ్యాచ్ ఎక్కడ చూడాలో తెలుసా? - Duleep Trophy 2024
