Border Gavaskar Trophy 2024 Schedule: ప్రతిష్ఠాత్మక బోర్డర్- గావస్కర్‌ ట్రోఫీ 2024-25 షెడ్యూల్ మంగళవారం విడుదలైంది. ఈమేరకు ఐసీసీ (International Cricket Council) ఎక్స్ (ట్విట్టర్)లో షెడ్యూల్ షేర్ చేసింది. ఆస్ట్రేలియా వేదికగా 2024 నవంబర్- 2025 జనవరి మధ్యలో ఈ సిరీస్ జరగనుంది. ఈ ఏడాది నవంబర్ 22న తొలి మ్యాచ్ ప్రారభం కానుంది. అయితే ఈ సిరీస్లో ఓ డే/ నైట్ టెస్టు (రెండో మ్యాచ్) కూడా ఉంది. అడిలైడ్ వేదికగా డిసెంబర్ 6-10 మధ్య ఈ మ్యాచ్ జరగనుంది.
2024-25 బోర్డర్- గావస్కర్‌ ట్రోఫీ షెడ్యూల్
- తొలి టెస్టు: నవంబర్ 22-26- పెర్త్
- రెండో టెస్టు: డిసెంబరు 6-10- అడిలైడ్ (డే/నైట్)
- మూడో టెస్టు: డిసెంబరు 14-18- బ్రిస్బేన్‌
- నాలుగో టెస్టు: డిసెంబరు 26-30- మెల్‌బోర్న్‌
- అయిదో టెస్టు: జనవరి 3-7- సిడ్నీ
ఇక 1996- 97లో ప్రారంభమైన ఈ టోర్నీ ఈసారి గతంలో కంటే భిన్నంగా ఈ టోర్నీ జరగనుంది. ఇప్పటి వరకూ 4 మ్యాచ్‌ల సిరీస్‌గా కొనసాగిన ఈ ట్రోఫీలో మరో టెస్టు జోడించారు. దీంతో ఇప్పటి నుంచి ఈ సిరీస్లో 5 టెస్టు మ్యాచ్లు జరగనున్నాయి. ఇక ఇప్పటివరకు 16సార్లు ఈ సిరీస్ జరగ్గా భారత్ అత్యధికంగా 10సార్లు విజేతగా నిలిచింది. 5సార్లు ఆస్ట్రేలియా నెగ్గగా, 2003-04లో డ్రా అయ్యింది.
గత నాలుగింట్లోనూ భారత్దే ఆధిపత్యం: ఆడిన చివరి నాలుగు సిరీస్‌ల (2016-17, 2018-19, 2020-21, 2022- 23)లో టీమ్‌ఇండియా విజయం సాధించింది. ఇందులో రెండు సార్లు ఆస్ట్రేలియా గడ్డపైనే ఖంగారూలను ఓడించడం విశేషం. ఇక 2024 సిరీస్ గురించి క్రికెట్ ఆస్ట్రేలియా ఛైర్మన్ మైక్ బైర్డ్ మాట్లాడారు. ఈ సిరీస్లో ఒక టెస్టు మ్యాచ్ పెంచినందుకు సంతోషంగా ఉందని ఇటీవల తెలిపారు.'మా రెండు గొప్ప క్రికెట్ దేశాల మధ్య తీవ్రమైన పోటీ ఉంటుంది. ఈ ఉత్సాహం కారణంగా బోర్డర్-గవాస్కర్ ట్రోఫీని ఐదు టెస్టులకు పొడిగించినందుకు సంతోషంగా ఉన్నాం' అని ఛైర్మన్ మైక్ బైర్డ్ అన్నారు.
బోర్డర్-గావస్కర్‌ ట్రోఫీలో ఐదు టెస్టులు - బీసీసీఐ కీలక నిర్ణయం - Border Gavaskar Trophy 2024
ఐపీఎల్ ఫుల్ షెడ్యూల్ ఔట్ - ఫైనల్ మ్యాచ్ చెన్నైలోనే - IPL 2024 Schedule
