బుమ్రా డేంజరస్​ బౌలర్- అతడిలా సక్సెస్ అవ్వాలంటే స్కిల్స్​తోపాటు అది కూడా! - Ind vs Ban Test Series 2024

Tamim Iqbal On Jasprit Bumrah : టీమ్ఇండియా స్టార్ పేసర్ జస్ప్రీత్ బుమ్రాపై బంగ్లా సీనియర్ ప్లేయర్ తమిమ్ ఇక్బాల్ ప్రశంసల జల్లు కురిపించాడు.

Tamim Iqbal On Jasprit Bumrah : టీమ్ఇండియా స్టార్ పేసర్ జస్ప్రీత్ బుమ్రా బంగ్లాదేశ్​తో జరుగుతున్న టెస్టులో అదరగొట్టాడు. తొలి ఇన్నింగ్స్​లో 4 వికెట్లతో బంగ్లా పతనాన్ని శాసించాడు. ఈ క్రమంలోనే బుమ్రా అంతర్జాతీయ క్రికెట్​లో మూడు ఫార్మాట్లలో కలిపి 400 వికెట్ల మైలురాయి అందుకున్నాడు. అయితే బుమ్రాపై బంగ్లాదేశ్ స్టార్ ప్లేయర్ తమిమ్ ఇక్బాల్ ప్రశంసలు కురిపించాడు. స్కిల్స్​కు టాలెంట్ తోడైతే బుమ్రా లాంటి భయంకర బౌలర్​ను చూస్తామని అన్నాడు.

'జస్ప్రీత్​ బుమ్రా నైపుణ్యాలు అద్భుతం. బుమ్రాకు నమ్మశక్యం కాని స్కిల్స్​తోపాటు ఆలోచన విధానం కూడా బాగా ఉంది. ఎన్ని స్కిల్స్​ ఉన్నప్పటికీ షార్ప్ బ్రెయిన్ లేకపోతే బ్రుమా వలె కెరీర్​లో సక్సెస్​ఫుల్ అవ్వలేరు. ఈ రెండిటి కలయిక అతి భయంకరమైనది. దీన్ని ప్రస్తుతం ప్రపంచం చూస్తోంది. కేవలం భారత్​లోనే కాదు, ప్రపంచ క్రికెట్​లో బుమ్రా ఇంపాక్ట్ కచ్చితంగా ఉంటుంది. అతడికి మంచి ప్లాట్​ఫామ్ ఇచ్చిన ముంబయి ఇండియన్స్ ఫ్రాంచైజీకి కూడా ఈ క్రెడిట్ దక్కుతుంది' అని ఇక్బాల్ అన్నాడు.

Tamim Iqbal said, " jasprit bumrah has incredible skills, but he has incredible brains as well. you may have a lot of skills, but if you don't have brains, you won't be as succcesful as bumrah. this is what the world is watching". pic.twitter.com/EIyVbL0dOH

— Mufaddal Vohra (@mufaddal_vohra) September 20, 2024

Bumrah 400 wickets : బుమ్రా భారత్ తరఫున 400 వికెట్లు పూర్తి చేసిన 6వ పేసర్​గా నిలిచాడు.ఈ లిస్ట్​లో దిగ్గజ క్రికెటర్ కపిల్ దేవ్ 687 వికెట్లతో టాప్​లో ఉన్నాడు. ఇక ఓవరాల్​గా భారత్​ నుంచి 400+ వికెట్లు తీసిన 10వ బౌలర్​గానూ బుమ్రా నిలిచాడు.

Boom Boom Bumrah 🎇

Cleans up Shadman Islam with a peach of a delivery.

Live - https://t.co/jV4wK7BgV2… #INDvBAN@IDFCFIRSTBank | @Jaspritbumrah93 pic.twitter.com/RYi9AX30eA

— BCCI (@BCCI) September 20, 2024

మ్యాచ్ విషయానికొస్తే, రెండో రోజు ఆట ముగిసే సరికి టీమ్ఇండియా 308 పరుగుల లీడ్​లో కొనసాగుతోంది. ప్రస్తుతం భారత్ ఇన్నింగ్స్​లో 81-3 స్కోర్​తో ఉంది. తొలి ఇన్నింగ్స్ ముగిసే సరికి 227 పరుగుల ఆధిక్యంతో సెకండ్ ఇన్నింగ్స్ ప్రారంభించిన టీమ్ఇండియా 3 వికెట్లు కోల్పోయింది. కెప్టెన్ రోహిత్ శర్మ (5 పరుగులు), విరాట్ కోహ్లీ (17 పరుగులు) మరోసారి నిరాశ పర్చారు.

ఇక ఓపెనర్ యశస్వి జైస్వాల్‌ (10) కూడా తక్కువ స్కోర్​కే పెవిలియన్ చేరాడు. క్రీజులో శుభ్‌మన్‌ గిల్‌ (33), రిషభ్‌ పంత్‌ (12) ఉన్నారు. అంతకుముందు తొలి ఇన్నింగ్స్​లో టీమ్ఇండియా 379 పరుగులు చేయగా, బంగ్లా 149 వద్ద కుప్పకూలింది.