BALAKRISHNA CHANDRABABU UNSTOPPABLE 4 PROMO : ప్రముఖ తెలుగు ఓటీటీ ప్లాట్ఫామ్ ఆహాలో సినీ నటుడు, ఎమ్మెల్యే నందమూరి బాలకృష్ణ హోస్ట్గా వ్యవహరిస్తోన్న టాక్ షో అన్స్టాపబుల్ సీజన్-4 అక్టోబర్ 25 నుంచి ప్రారంభం కానుంది. ఈ మధ్యే ఆంధ్రప్రదేశ్ సీఎం చంద్రబాబుతో మొదటి ఎపిసోడ్ను షూట్ చేసిన సంగతి తెలిసిందే. ఈ షోకు సంబంధించి రీసెంట్గానే షూటింగ్ కూడా పూర్తైంది. తాజాగా ఈ ఎపిషోడ్కు సంబంధించిన ప్రోమోను మేకర్స్ రిలీజ్ చేశారు. ఈ ప్రోమో సుమారు 5 నిమిషాల 30 సెకండ్ల పాటు సాగింది. బాలయ్య, చంద్రబాబు మధ్య కాస్త సరదాగా, కాస్త సీరియస్గా సంభాషణలు సాగాయి.
ఈ షోలో బాలయ్య కొంతమంది ప్రముఖుల ఫొటోలను తెరపై చూపిస్తూ వీరిలో ఎవరంటే మీకు ఇష్టం అంటూ చంద్రబాబును ప్రశ్నలు వేశారు. ఈ క్రమంలోనే క్రీడారంగానికి చెందిన క్రికెట్ దిగ్గజాలు మహేంద్ర సింగ్ ధోనీ, విరాట్ కోహ్లీ ఫొటోలను చూపిస్తూ, బావ మీరేమో ధోనీ లాంటి లీడర్, నేనేమో విరాట్ కోహ్లీ లాంటి ప్లేయర్ - మరి మీరు ఆ ఇద్దరిలో ఎవరంటే ఇష్టం అని బాలయ్య చంద్రబాబును అడిగారు.
Two unstoppable forces, one epic show! 💥🔥
— ahavideoin (@ahavideoIN) October 22, 2024
విజయసాధనలో పడ్డ ఇబ్బందులు,
జనసేనానితో తనకున్న అప్యాయతలు,
ఇలా ఎన్నో అంశాలు, అనుభూతులు,
బాలచంద్రుల ముచ్చట్లలో మీ ముందుకు!#UnstoppableS4 premieres on Oct 25, 8:30 PM.#Chandrababunaidu #UnstoppableWithNBK #NandamuriBalakrishna pic.twitter.com/V3UkpxyxoI
దీనికి చంద్రబాబు సమాధానమిస్తూ "నేను ఎప్పుడూ విరాట్ కోహ్లీని ఇష్టపడతాన'ని పేర్కొన్నారు. తాజాగా రిలీజైన ఈ ప్రోమో సోషల్ మీడియాలో తెగ వైరల్ అవుతోంది. పూర్తి ఎపిసోడ్ అక్టోబర్ 25 రాత్రి 8.30 గంటలకు ఆహాలో స్ట్రీమ్ కానుంది. అప్పటి వరకు ఈ ప్రోమోను మీరు చూసేయండి.
ఇకపోతే ఏపీ డిప్యూటీ సీఎం, స్టార్ హీరో పవన్ కల్యాణ్ కూడా తొలి ఎపిసోడ్లో కనిపించనున్నారని టాక్ వినిపిస్తోంది. కానీ దీనిపై అఫీషియల్ అనౌన్స్మెంట్ ఏమీ రాలేదు. అలానే మొదటి ఎపిసోడ్ తర్వాత పాన్ ఇండియా చిత్రం 'పుష్ప ది రూల్' మూవీ టీమ్ కూడా షోకు రానుందట. ఐకాన్ స్టార్ అల్లు అర్జున్, సుకుమార్, రష్మిక మందన్నా రెండో ఎపిసోడ్లో గెస్ట్లుగా సందడి చేయనున్నట్లు తెలిసింది. ఆ తర్వాత కోలీవుడ్ స్టార్ హీరో సూర్య 'కంగువ' టీమ్తో సందడి చేయనున్నారని సమాచారం.
'అన్స్టాపబుల్' సీజన్ 4 - ఫస్ట్ ఎపిసోడ్లోనే పవర్ఫుల్ గెస్ట్-ఎవరంటే?
బావ బామ్మర్దిల అనుబంధంతో కార్తి ఎమోషనల్ మూవీ! - ఓటీటీలో ఎక్కడ చూడొచ్చంటే?
