Australia T20 World Cup 2024: ప్రపంచ క్రికెట్లో అత్యంత పటిష్ఠమైన జట్లలో ఆస్ట్రేలియా ఒకటి. గతేడాది 2023 డబ్ల్యూటీసీ, 2023 వన్డే వరల్డ్కప్ ఖాతాలో వేసుకున్న ఆసీస్ తాజాగా 2024 టీ20 ప్రపంచకప్పైనా కన్నేసింది. వరుసగా మూడో ఐసీసీ ట్రోఫీ పట్టేయాలన్న కసితో ఆసీస్ రెడీ అవుతోంది. వన్డే వరల్డ్కప్లో అత్యధిక ట్రోఫీలు నెగ్గిన ఆసీస్, టీ20 ప్రపంచకప్ను ఆలస్యంగా (2021) సాధించినా, ఆ జట్టును ఈజీగా తీసుకోడానికి లేదు. అటు బ్యాటింగ్, ఇటు బౌలింగ్, ఫీల్డింగ్ అన్ని విభాగాల్లో పటిష్ఠంగా ఉన్న కంగారూలు ప్రత్యర్థులకు గట్టి పోటీ ఇవ్వనున్నారు.
బ్యాటింగ్లో ట్రావిస్ హెడ్, బౌలింగ్లో మిచెల్ స్టార్క్ ఆ జట్టుకు కీలక ఆటగాళ్లు అనడంలో ఎలాంటి సందేహం లేదు. ఈ ఇద్దరూ రీసెంట్గా ముగిసిన ఐపీఎల్లో ఏ స్థాయిలో రాణించారో ఇప్పుటికే చూశాం. ఇక కెప్టెన్‌ మిచెల్ మార్ష్, మ్యాక్స్‌వెల్, స్టాయినిస్, గ్రీస్‌ రూపంలో ఆసీస్‌కు ఆల్‌రౌండర్లకూ కొదవ లేదు. బౌలింగ్లో స్టార్క్తోపాటు కమిన్స్, హేజిల్‌వుడ్‌ బుల్లెట్ లాంటి బంతులతో ప్రత్యర్థులను హడలెత్తిస్తారు. ఇక గత 12నెలల్లో ఆసీస్ 10.11 రన్‌రేట్‌తో పరుగులు సాధించడం విశేషం.
- ప్రదర్శన: 2021లో ఛాంపియన్
డిఫెండింగ్ ఛాంప్గా బరిలోకి: 2024 టీ20 వరల్డ్కప్లో ఇంగ్లాండ్ డిఫెండింగ్ ఛాంప్ హోదాలో బరిలోకి దిగనుంది. టెస్టుల్లో దూకుడైన ఆటతో ప్రత్యర్థులను బెంబేలిస్తున్న ఇంగ్లాండ్, ఇక టీ20ల్లో ఏ రకంగా రెచ్చిపోగలదో అర్థం చేసుకోవచ్చు. 2010, 2022లో టైటిల్ నెగ్గిన ఇంగ్లాండ్ ముచ్చటగా మూడోసారి హాట్ ఫేవరెట్గా బరిలోకి దిగనుంది. ఫిల్‌ సాల్ట్‌, విల్ జాక్స్, బెయిర్‌స్టో, హ్యారీ బ్రూక్, బెన్ డకెట్తో బ్యాటింగ్ బలంగా ఉంది. ఇక మొయిన్‌ అలీ, శామ్‌ కరన్, లియమ్ లివింగ్‌స్టోన్తో ఆల్రౌండ్ విభాగం, ఆదిల్‌ రషీద్‌, ఆర్చర్, జోర్డాన్, టాప్లీ, మార్క్‌వుడ్‌తో బౌలింగ్లోనూ పటిష్ఠంగా ఉంది. ఇలా జట్టునిండా స్టార్లతో ఉన్న ఇంగ్లాండ్ మూడోసారి టైటిల్ వేటలో దిగేందుకు సిద్ధమవుతోంది.
- ఉత్తమ ప్రదర్శన: 2010, 2022లో ఛాంపియన్
వరల్డ్ కప్ హిస్టరీలో టాప్ - 5 వికెట్ టేకర్స్ వీరే! - T20 World Cup 2024
అన్ని టోర్నీల్లోనూ భాగమైన ఆ ఇద్దరు ప్లేయర్స్ ఎవరంటే? - T20 World cup 2024
