పాకిస్థాన్​పై భారత్ గ్రాండ్ విక్టరీ- వరుసగా ఐదో విజయం - Asian Champions Trophy 2024

India vs Pakistan Hockey: ఆసియా ఛాంపియన్స్ ట్రోఫీలో భారత్ తిరుగులేని ఆధిపత్యం ప్రదర్శిస్తోంది. శనివారం పాకిస్థాన్​తో జరిగిన మ్యాచ్​లో 2 - 1తేడాతో విజయం సాధించింది.

India vs Pakistan Hockey: ఆసియా ఛాంపియన్స్ ట్రోఫీలో భారత్ తిరుగులేని ఆధిపత్యం ప్రదర్శిస్తోంది. శనివారం పాకిస్థాన్​తో జరిగిన థ్రిల్లింగ్​ మ్యాచ్​లో టీమ్ఇండియాదే పైచేయి అయ్యింది. దాయాది జట్టు పాకిస్థాన్​పై భారత్ 2 - 1తేడాతో విజయం సాధించింది. పెనాల్టీ కార్నర్స్​లో కెప్టెన్ హర్మన్​ప్రీత్ సింగ్ 2 గోల్స్ (13వ నిమిషం, 19వ నిమిషం) చేసి జట్ట విజయంలో కీలక పాత్ర పోషించాడు. పాకిస్థాన్ పోరాడినప్పటికీ ఓటమి తప్పలేదు. పాకిస్థాన్​ తరఫున అహ్మద్ నదీమ్ ఒక్కడే 1 గోల్ (8న నిమిషం) సాధించాడు. కాగా, ఈ టోర్నీలో భారత్​కు ఇది వరుసగా 5వ విజయం.

తొలి గోల్ వాళ్లదే
ఈ మ్యాచ్​ను ఇరుజట్లు దూకుడుగా ప్రారంభించాయి. స్టార్ ప్లేయర్ అహ్మద్ నదీమ్ 8వ నిమిషంలో గోల్ చేసి పాక్​ను ముందుంచాడు. దీంతో టీమ్ఇండియా ఫ్యాన్స్​లో కాస్త ఆందోళన మొదలైంది. కానీ అంతలోనే కెప్టెన్ హర్మన్​ప్రీత్ పెనాల్టీ కార్నర్​లో తొలి గోల్ సాధించి ఫస్ట్​ హాఫ్​లో స్కోర్ సమం చేశాడు. సెకండ్ హాఫ్​లో మరో గోల్ చేసి జట్టును లీడ్​లోకి తీసుకెళ్లాడు.

17వ విజయం
అయితే హాకీలో పాకిస్థాన్​పై భారత్ విజయ పరంపర కొనసాగుతోంది. పాక్​పై టీమ్ఇండియాకు ఇది వరుసగా 17వ విజయం. గత 8ఏళ్లుగా దాయాది దేశంపై ఏ టోర్నీయైనా భారత్​దే పైచేయిగా నిలుస్తోంది. 2016 తర్వాత ఆ జట్టు భారత్​పై ఒక్కసారి కూడా నెగ్గలేదు.

పాకిస్థాన్​ ఫైట్​తో టోర్నీలో భారత్​ లీగ్​ మ్యాచ్​లు ముగిశాయి. రౌండ్ రాబిన్ పద్ధతిలో జరుగుతున్న ఈ టోర్నీలో టీమ్ఇండియా ఓటమి లేకుండా దూసుకెళ్తోంది. తొలి మ్యాచ్‌లో చైనా (3-0), రెండో మ్యాచ్‌లో జపాన్‌ (5- 1), మూడో మ్యాచ్​లో మలేసియ (1- 8), నాలుగో మ్యాచ్​లో కొరియా (1-3)పై వరుస విజయాలు నమోదు చేసింది. ఇక టోర్నీలో మొత్తం ఆరు జట్లలో టాప్-4లో ఉన్న టీమ్స్ సెమీఫైనల్​కు అర్హత సాధిస్తాయి. ఈ క్రమంలో భారత్ ఇప్పటికే సెమీస్​కు అర్హత సాధించింది. టోర్నీలో సెప్టెంబర్ 16న సెమీస్, సెప్టెంబర్ 17న ఫైనల్ మ్యాచ్​లు జరగనున్నాయి.

What a game! 🇮🇳💥 India vs Pakistan lived up to the hype with non-stop action and intense rivalry! Which moment was your favorite? Comment down below and let’s relive the action together!#IndVsPak #MenInBlue #PrideOfIndia #GameOn #IndiaKaGame #HockeyIndia #ACT24
.
.
.… pic.twitter.com/MuKefEDdDl

— Hockey India (@TheHockeyIndia) September 14, 2024