Ashwin 100th Test: టీమ్ఇండియా స్టార్ స్పిన్నర్ రవిచంద్రన్ అశ్విన్ తన 100వ టెస్టు మ్యాచ్ సందర్భంగా హెచ్కోచ్ రాహుల్ ద్రవిడ్ చేతులమీదుగా స్పెషల్ క్యాప్ అందుకున్నాడు. టాస్కు ముందు నిర్వహించిన ఈ కార్యక్రమానికి టీమ్ఇండియా ప్లేయర్లు అశ్విన్కు గ్రాండ్ వెల్కమ్ చెప్పారు. గ్రౌండ్లో ఇరువైపులా నిలబడి అతడికి చప్పట్లతో స్వాగతం పలికారు.
అనంతరం టీమ్మేట్స్, తన సతీమణి ప్రీతీ నారాయణ్ పిల్లల సమక్షంలో అశ్విన్ క్యాప్ అందుకున్నాడు. దీంతో, అశ్విన్ భారత్ తరఫున 100 టెస్టులు ఆడిన 14వ ప్లేయర్గా నిలిచాడు. ఈ సందర్భంగా కెప్టెన్ రోహిత్ అశ్విన్ను ప్రశంసించాడు.'భారత క్రికెట్కు అశ్విన్ ఓ స్ట్రాంగ్ ప్లేయర్. 100వ టెస్టు ఆడటం అతడికి, తన ఫ్యామిలీకే కాదు దేశానికీ గర్వకారణం' అని రోహిత్ అన్నాడు.
ఇప్పటివరకు 100 టెస్టు మ్యాచ్లు ఆడిన అశ్విన్ 507 వికెట్లు పడగొట్టాడు. ఇందులో 35 ఐదు వికెట్ల ప్రదర్శన, 8సార్లు 10 వికెట్ల ప్రదర్శన చేశాడు. అటు బ్యాటింగ్లోనూ జట్టుకు అవసరమైనప్పుడు అనేక సార్లు కీలకమైన ఇన్నింగ్స్ ఆడాడు. ఇప్పటిదాకా 3309 పరుగులు చేశాడు. అందులో 5 సెంచరీలు, 14 హాఫ్ సెంచరీలు ఉన్నాయి.
ఇక ఇదే మ్యాచ్లో ఇంగ్లాండ్ ప్లేయర్ జాని బెయిర్ స్టో కూడా 100వ మ్యాచ్ ఆడుతున్నాడు. బెయిస్టో ఫ్యామిలీ కూడా ధర్మశాల టెస్టుకు హాజరయ్యారు. దీనిపై క్రికెట్ గాడ్ సచిన్ తెందూల్కర్ ట్వీట్ చేశారు.'ధర్మశాలలో ఇది చరిత్రాత్మక రోజు. అశ్విన్, బెయిర్ స్టో 100వ టెస్టు మ్యాచ్ ఆడుతున్నారు. ఇద్దరికీ ఆల్ ది బెస్ట్' అని రాశారు. ఈ మ్యాచ్లో టీమ్ఇండియా యంగ్ ప్లేయర్ దేవదత్ పడిక్కల్ టెస్టు అరంగేట్రం చేశాడు. దీంతో భారత్కు టెస్టుల్లో ప్రాతినిధ్యం వహించిన 314వ ప్లేయర్గా నిలిచాడు. ఇక టాస్ నెగ్గిన ఇంగ్లాండ్ కెప్టెన్ బెన్ స్టోక్స్ బ్యాటింగ్ ఎంచుకున్నాడు.
భారత్ తుది జట్టు: రోహిత్ శర్మ(కెప్టెన్), యశస్వి జైస్వాల్, శుభ్మన్ గిల్, దేవదత్ పడిక్కల్, రవీంద్ర జడేజా, సర్ఫరాజ్ ఖాన్, ధ్రువ్ జురెల్, రవిచంద్రన్ అశ్విన్, కుల్దీప్ యాదవ్, జస్ప్రీత్ బుమ్రా, మహ్మద్ సిరాజ్
ఇంగ్లండ్ తుది జట్టు: జాక్ క్రాలే, బెన్ డకెట్, ఒల్లీ పోప్, జో రూట్, బెన్ స్టోక్స్(కెప్టెన్), జానీ బెయిర్‌స్టో, బెన్ ఫోక్స్, టామ్ హార్ట్లీ, షోయబ్ బషీర్, మార్క్ వుడ్, జేమ్స్ ఆండర్సన్
ఒకేసారి నలుగురు స్టార్ ప్లేయర్స్ సెంచరీ టెస్ట్ - క్రికెట్ చరిత్రలో ఇదే తొలిసారి!
100వ టెస్ట్ : అతడు ఉంటే కెప్టెన్‌కు భరోసా - ప్రత్యర్థులకు హెచ్చరిక!
