పాపం మెస్సీకి ఇలా జరిగిందేంటి?- వెక్కి వెక్కి ఏడ్చేశాడు - Lionel Messi Copa America 2024

Lionel Messi Crying Copa America: అర్జెంటీనా స్టార్ ఫుట్​బాల్ ప్లేయర్ లియోనల్ మెస్సీ కోపా అమెరికా ఫైనల్ మ్యాచ్​లో వెక్కి వెక్కి ఏడ్చాడు. ఎందుకో తెలుసా?

Lionel Messi Crying Copa America: అర్జెంటీనా స్టార్ ఫుట్​బాల్ ప్లేయర్ లియోనల్ మెస్సీ 2024 కోపా అమెరికా ఫైనల్ మ్యాచ్​లో కన్నీళ్లు పెట్టుకున్నాడు. మెస్సీ ఈ ఫైనల్​లో ఆఖరి వరకూ గ్రౌండ్​లో లేడు. అయితే గేమ్ ఫస్ట్ హాఫ్​లో మెస్సీ కుడికాలి చీలమండకి గాయమైంది. దీంతో నొప్పితో మెస్సీ విలవిల్లాడాడు. వెంటనే ఫిజియోలు చికిత్స అందించారు. తర్వాత మెస్సీ మళ్లీ ఆటలో కొనసాగాడు. దీంతో అతడి చీలమండ వాపుతో ఉబ్బింది. ఫిజియోల సూచన మేరకు మెస్సీ మైదానాన్ని వీడాల్సి వచ్చింది.

అయితే తన కెరీర్​లో ఇదే ఆఖరి మ్యాచ్ కావడం వల్ల ఆట ముగిసేదాకా గ్రౌండ్​లో ఉండాలనే ఉద్దేశంతో మెస్సీ బరిలోకి దిగాడు. కానీ, ఇలా ఆట మధ్యలో గాయం కారణంగా డగౌట్​లో కూర్చోవాల్సి వచ్చింది. దీంతో మెస్సీ ఒక్కసారిగా ఎమోషనల్ అయ్యాడు. డగౌట్​లో కూర్చోని వెక్కి వెక్కి ఏడ్చేశాడు. ప్రేక్షకులు మెస్సీని అలా చూడలేకపోయారు. మైదానంలో ఇది చూసిన మెస్సీ ఫ్యాన్స్​ కూడా కన్నీళ్లు పెట్టుకున్నారు. ఇక అర్జెంటీనా 2024 కోపా అమెరికా టైటిల్ నెగ్గింది. సోమవారం కొలంబియాతో జరిగిన ఫైనల్​లో 1- 0 తేడాతో నెగ్గి ఛాంపియన్​గా నిలిచింది.

Lionel Messi fans made fun of Cristiano Ronaldo crying at the EUROS only for Messi to end like this.

Life comes at you fast.pic.twitter.com/QRAUlyinsb

— The CR7 Timeline. (@TimelineCR7) July 15, 2024

అప్పట్నుంచే : 2021కి ముందు మెస్సీ ఒక్క ఇంటర్నేషనల్ టైటిల్ కూడా నెగ్గలేదు. 2021 జూన్ తర్వాత మెస్సీకి గుడ్​ టైమ్ స్టార్ట్ అయ్యిందనే చెప్పాలి. అప్పట్నుంచి మెస్సీ వరుసగా నాలుగు ఇంటర్నేషనల్ ట్రోఫీలు నెగ్గాడు. 2021 కోపా అమెరికా, 2022 ఫైనలిసిమా, 2022 ఫిఫా వరల్డ్​కప్, 2024 కోపా అమెరికా టైటిళ్లు నెగ్గాడు.

THE MOMENT WE'VE ALL BEEN WAITING FOR ✨👏

LEO MESSI AND ARGENTINA LIFT THE COPA AMÉRICA TROPHY 🇦🇷🏆 pic.twitter.com/AX3N8z2D5v

— FOX Soccer (@FOXSoccer) July 15, 2024

ప్రపంచంలో ఒక్కడే: ఈ విజయంతో మెస్సీ ఖాతాలోకి 45వ టైటిల్ వచ్చి చేరింది. ఈ క్రమంలో బ్రెజిల్ ప్లేయర్ డానీ అల్వీల్ (44 టైటిళ్లు)ను అధిగమించాడు. దీంతో ఫుట్​బాల్ హిస్టరీలో అత్యధిక​ టైటిళ్లు (డొమెస్టిక్ అండ్ ఇంటర్నేషనల్) నెగ్గిన ప్లేయర్​గా మెస్సీ రికార్డు కొట్టాడు. ఇక ఫుట్​బాల్​లో మరో స్టార్ పోర్చుగల్ ప్లేయర్ క్రిస్టియానొ రొనాల్డో ఖాతాలో 35 టైటిళ్లు ఉన్నాయి.

View this post on Instagram

A post shared by Leo Messi (@leomessi)