4 Balls 4 Wickets Record : ఐసీసీ పురుషుల టీ20 ప్రపంచ కప్ సబ్ రీజినల్ అమెరికా క్వాలిఫైయర్లో అర్జెంటీనా బౌలర్ హెర్నాన్ ఫెన్నెల్ చరిత్ర సృష్టించాడు. కేమన్ ఐలాండ్స్ టీమ్ పై వరుసగా 4 బంతుల్లో 4 వికెట్లు పడగొట్టి డబుల్ హ్యాట్రిక్ సాధించాడు. ఈ క్రమంలో టీ20ల్లో డబుల్ హ్యాట్రిక్ సాధించిన ఆరో బౌలర్గా నిలిచాడు.
నాలుగు బంతుల్లో 4 వికెట్లు
వరుసగా నాలుగు బంతుల్లో నాలుగు తీస్తే క్రికెట్లో దాన్ని డబుల్ హ్యాట్రిక్గా పిలుస్తారు. డిసెంబరు 15న కేమన్ ఐలాండ్స్తో జరిగిన మ్యాచ్లో హెర్నెన్ ఫెన్నెల్ డబుల్ హ్యాట్రిక్ను తన ఖాతాలో వేసుకున్నాడు. ఆఖరి ఓవర్ మూడో బంతికి ట్రాయ్ టేలర్‌, తర్వాతి మూడు బంతుల్లో అలెస్టర్ ఇఫిల్, రోనాల్డ్ ఎబాంక్స్, అలెజాండ్రో మోరిస్ల వికెట్లను తీసి రికార్డు సృష్టించాడు. ఈ మ్యాచ్లో ఫెన్నెల్ 14 పరుగులిచ్చి మొత్తం 5 వికెట్లు తీశాడు. అయినప్పటికీ అర్జెంటీనా జట్టు మ్యాచ్లో ఓడిపోయింది. కేమన్ ఐలాండ్స్ 116 పరుగులు చేసింది. అర్జెంటీనా 94 పరుగులకే ఆలౌట్ అయ్యింది. దీంతో ఈ మ్యాచ్లో అర్జెంటీనా 22 పరుగుల తేడాతో ఓడిపోయింది.
అంతర్జాతీయ టీ20 క్రికెట్లో డబుల్ హ్యాట్రిక్ సాధించిన బౌలర్లు
1. రషీద్ ఖాన్ (అఫ్గానిస్థాన్)- ఐర్లాండ్, 2019
2. లసిత్ మలింగ (శ్రీలంక)- న్యూజిలాండ్. 2019
3. కర్టిస్ కాంఫర్ (ఐర్లాండ్)- నెదర్లాండ్స్, 2021
4. జాసన్ హోల్డర్ (వెస్టిండీస్)- ఇంగ్లాండ్, 2022
5. వాసిమ్ యాకూబ్ (లెసోతో)- మాలి, 2024
6. హెర్నాన్ ఫెన్నెల్ (అర్జెంటీనా)- కేమన్ ఐలాండ్స్, 2024
ఇంతకుముందు, ఐసీసీ పురుషుల టీ20 ప్రపంచకప్ అమెరికాస్ రీజినల్ క్వాలిఫైయర్ 2021లో పనామాపై ఫెన్నెల్ హ్యాట్రిక్ వికెట్లు పడగొట్టాడు. తాజాగా జరిగిన మ్యాచ్లోనూ నాలుగు వికెట్లు తీశాడు. దీంతో టీ20 క్రికెట్లో ఒకటి కన్నా ఎక్కువ హ్యాట్రిక్లు సాధించిన ఆరో బౌలర్గా నిలిచాడు అర్జెంటీనా పేసర్ హెర్నాన్ ఫెన్నెల్. ఇప్పటి వరకు వసీం అబ్బాస్, పాట్ కమిన్స్, మార్క్ పావ్లోవిచ్, టిమ్ సౌథీ, లసిత్ మలింగ మాత్రమే ఒకటి కన్నా ఎక్కువ హ్యాట్రిక్లు తీశారు.
హమ్మయ్యా! - భారత్‌కు తప్పిన ఫాలో ఆన్‌ గండం!
ఈ క్రికెటర్లు బోర్డర్ గావస్కర్తోనే టెస్ట్ కెరీర్ ముగించారు - ఎందుకంటే?
