Horoscope Today 8th October 2024 : 2024 అక్టోబర్ 8వ తేదీ (మంగళవారం) మీ రాశి ఫలం ఎలా ఉందంటే?
మేషం (Aries) : మేషరాశి వారికి ఈ రోజు సరదాగా గడిచిపోతుంది. కొన్ని ఏళ్లుగా అనుభవిస్తున్న కష్టాల నుంచి విముక్తి లభిస్తుంది. వృత్తి, వ్యాపారాలలో, కీలక వ్యవహారాలలో దూకుడు నిర్ణయాలు చేటు తెస్తాయి. ప్రతి విషయంలో ఆచితూచి అడుగు వేయాలి. కుటుంబంతో సరదాగా గడిపితే ఒత్తిడి దూరమవుతుంది. ఆదాయం సంతృప్తికరంగా ఉంటుంది. ఆరోగ్యం సహకరిస్తుంది. దుర్గాదేవి ఆరాధన మేలు చేస్తుంది.
వృషభం (Taurus) : వృషభరాశి వారికి ఈ రోజు అనుకూలంగా ఉంటుంది. అన్ని రంగాల వారికి వృత్తి, వ్యాపారాలలో ఆశించిన ఫలితాలుంటాయి. ఉద్యోగంలో పదోన్నతులకు అవకాశముంది. మీ మాటకు విలువ పెరుగుతుంది. ఆరోగ్యం బాగుంటుంది. అనుకున్న పనులు అనుకున్నట్లుగా జరుగుతాయి. దీనితో మానసికంగా ప్రశాంతంగా ఉంటారు. కుటుంబసభ్యులతో, స్నేహితులతో కలిసి విహారయాత్రలకు వెళతారు. విందు, వినోదాలలో పాల్గొంటారు. దూర దేశాల నుంచి శుభవార్తలు అందుకుంటారు. అనుకోకుండా సంపదలు కలిసి రావడంతో ఆనందంగా ఉంటారు. ఇష్ట దేవతారాధన శుభకరం.
మిథునం (Gemini) : మిథున రాశి వారికి ఈ రోజు ఫలవంతంగా ఉంటుంది. అన్ని రంగాల వారికి ఈ రోజు గ్రహసంచారం అనుకూలంగా ఉన్నందున చేపట్టిన ప్రతి పనిలోనూ విజయం చేకూరుతుంది. మీ స్వధర్మమే మిమ్మల్ని కాపాడుతుంది. కుటుంబంలో సుఖశాంతులు నెలకొంటాయి. ఉద్యోగులు సహోద్యోగుల సహకారంతో అన్ని పనులు సకాలంలో పూర్తి చేస్తారు. అదనపు ఆదాయ వనరులు సమకూరుతాయి. వృథా ఖర్చులు పెరగవచ్చు. ఆర్థిక క్రమశిక్షణ పాటించడం అవసరం. శివాలయ సందర్శన శుభకరం.
కర్కాటకం (Cancer) : కర్కాటకరాశి వారికి ఈ రోజు అనుకూలంగా లేదు. ముఖ్యంగా ఈ రాశివారికి ఈ రోజు అనారోగ్య సమస్యలు తీవ్రమవుతాయి. వృత్తి, వ్యాపారాలలో ఏర్పడిన గందరగోళ పరిస్థితుల కారణంగా అశాంతికి గురవుతారు. యోగా, ధ్యానం వంటివి చేయడం వలన ప్రశాంతత పొందుతారు. వైద్య చికిత్స నిమిత్తం అధిక ధనవ్యయం ఉండవచ్చు. కుటుంబ కలహాలతో మానసికంగా కలవరంతో ఉంటారు. ఎవరితోనూ వాదనలకు దిగకుండా ప్రశాంతంగా ఉంటే మంచిది. కోపాన్ని అదుపులో ఉంచుకోవడం అవసరం. ఆదిత్య హృదయం పారాయణతో మెరుగైన ఫలితాలు ఉంటాయి.
సింహం (Leo) : సింహరాశి వారికి ఈ రోజు సామాన్యంగా ఉంటుంది. గ్రహసంచారం అనుకూలంగా లేనందున చేసే ప్రతి పనిలోనూ జాగ్రత్తగా ఉండాలి. మాతృవర్గంతో విభేదాలు ఏర్పడే అవకాశముంది. కోపావేశాలు అదుపు చేసుకోండి. అనవసరపు వాదనలకు దూరంగా ఉండండి. స్థిరాస్తి వ్యహారాలలో అప్రమత్తంగా ఉండాలి. వ్యాపారంలో నష్ట సూచన ఉంది. ఆదాయాన్ని మించిన ఖర్చులుండవచ్చు. ఆరోగ్యం పట్ల శ్రద్ధ అవసరం. సూర్య ఆరాధన శ్రేయస్కరం.
కన్య (Virgo) : కన్యారాశి వారికి ఈ రోజు మిశ్రమ ఫలితాలు ఉంటాయి. ముఖ్యంగా వ్యాపారులు భాగస్వామ్య ప్రాజెక్టులకు దూరంగా ఉండటం మంచిది. వ్యాపారంలో ఎదురయ్యే పోటీని ఒంటరిగానే సమర్థవంతంగా ఎదుర్కొంటారు. సమాజంలో పేరు ప్రతిష్టలు పెరుగుతాయి. కుటుంబ ప్రతిష్ట దెబ్బ తీసే పనులకు దూరంగా ఉంటే మంచిది. బంధువుల ప్రవర్తన మనస్తాపాన్ని కలిగిస్తుంది. హనుమాన్ చాలీసా పారాయణతో ఆపదలు తొలగుతాయి.
తుల (Libra) : తులారాశి వారికి ఈ రోజు మిశ్రమ ఫలితాలుంటాయి. వృత్తి, వ్యాపారాలలో శ్రమకు తగిన ఫలితాలుంటాయి. ఇతరులు చెప్పిన మాటలు నమ్మి మోసపోయే ప్రమాదముంది. స్వబుద్ధితో అలోచించి వివేకంతో చేసే పనులు సత్ఫలితాలనిస్తాయి. ఉద్యోగులకు ప్రమోషన్ ఛాన్స్ ఉంది. ఆర్థికంగా బలోపేతం అవుతారు. ఆరోగ్యం సహకరిస్తుంది. శివారాధన శ్రేయస్కరం.
వృశ్చికం (Scorpio) : వృశ్చికరాశి వారికి ఈ రోజు మిశ్రమ ఫలితాలు ఉంటాయి. ఆత్మవిశ్వాసంతో, ఉత్సాహంతో పనిచేసి అనుకున్నది సాధిస్తారు. అతి సర్వత్ర వర్జయేత్ అన్నట్లు ఎందులోనూ అతిగా వ్యవహరించకపోవడమే మంచిది. నమ్మించి మోసం చేసే వారిపట్ల జాగ్రత్తగా ఉండండి. వ్యాపారంలో పురోగతి, ఆర్థిక ప్రయోజనాలుంటాయి. ఆరోగ్యం సహకరిస్తుంది. ఇష్ట దేవతారాధన శుభకరం.
ధనుస్సు (Sagittarius) : ధనుస్సురాశి వారికి ఈ రోజు సామాన్యంగా ఉంటుంది. ముఖ్యమైన వ్యవహారాలలో జాగ్రత్తగా వ్యవహరించకపోతే నష్టం వాటిల్లుతుంది. మీ మాటతీరుతో చిక్కుల్లో పడతారు. తీవ్రమైన అనారోగ్య సమస్యలు చుట్టుముడతాయి. ఆర్థిక లావాదేవీల్లో మోసపోయే ప్రమాదముంది. అభయ ఆంజనేయ స్వామి ఆలయ సందర్శనతో ఆపదలు తొలగిపోతాయి.
మకరం (Capricorn) : మకరరాశి వారికి ఈ రోజు అనుకూలంగా ఉంటుంది. కుటుంబంలో శుభకార్యాలు జరుగుతాయి. బంధుమిత్రుల రాకతో ఇంట్లో సందడి వాతావరణం నెలకొంటుంది. ఆర్థికంగా శుభ ఫలితాలున్నాయి. అనుకోకుండా సంపదలు కలిసివస్తాయి. అవివాహితులకు వివాహం నిశ్చయమవుతుంది. స్నేహితుల నుంచి బహుమతులు అందుకుంటారు. వ్యాపారులకు ప్రయాణాలు అనుకూలిస్తాయి. ఊహించని ధనలాభాలు అందుకుంటారు. ఆదాయాన్ని మించిన ఖర్చులు ఉండవచ్చు. ఆరోగ్యం సామాన్యంగా ఉంటుంది. శ్రీలక్ష్మీ గణపతి ఆలయ సందర్శన శుభప్రదం.
కుంభం (Aquarius) : కుంభరాశి వారికి ఈ రోజు అద్భుతంగా ఉంటుంది. అన్ని రంగాలవారికి చేపట్టిన పనులు సులభంగా, సకాలంలో పూర్తవుతాయి. కుటుంబంలో సంతోషకరమైన వాతావరణం ఉంటుంది. వ్యాపారులు, వృత్తినిపుణులు ఊహించని విజయాన్ని అందుకుంటారు. భాగస్వామ్య వ్యాపారాలు కలిసివస్తాయి. ఆర్థికంగా గొప్ప శుభఫలితాలను అందుకుంటారు. శ్రీవేంకటేశ్వర స్వామి ఆలయ సందర్శన శుభకరం.
మీనం (Pisces) : మీన రాశి వారికి ఈ రోజు మిశ్రమ ఫలితాలుంటాయి. వృత్తిపరంగా, వ్యక్తిగతంగా అప్రమత్తంగా ఉండాల్సిన సమయం. అనుకోని ఆపదలు ఎదురవుతాయి. మనోనిబ్బరంతో చేసే పనులు విజయాలను అందిస్తాయి. ఉద్యోగులు తీరికలేని పనితో ఒత్తిడికి గురవుతారు. తగినంత విశ్రాంతి అవసరం. వ్యాపారులు ప్రయాణాలలో జాగ్రత్తగా ఉండాలి. ఆదాయానికి సరిపడా ఖర్చులుంటాయి. ఈశ్వర ఆరాధన శ్రేయస్కరం.
