YS Jagan and Raghu Rama Conversation: ఆంధ్రప్రదేశ్ అసెంబ్లీ సమావేశాల సందర్భంగా తొలిరోజు ఆసక్తికర సన్నివేశాలు చోటుచేసుకున్నాయి. అధికారంలో ఉన్నన్నాళ్లు నలుపు రంగు అంటేనే పడని మాజీ ముఖ్యమంత్రి జగన్ అసెంబ్లీ సమావేశాలకు నల్ల కండువాతో హాజరయ్యారు. అదే విధంగా ఉప్పు, నిప్పులా ఉండే జగన్, టీడీపీ ఉండి ఎమ్మెల్యే రఘురామ కృష్ణరాజు ఒకరినొకరు పలకరించుకోవడం శాసన సభలో ఆసక్తికరమైన దృశ్యంగా నిలచింది.
మాజీ ముఖ్యమంత్రి వైఎస్ జగన్ మోహన్ రెడ్డి, ఉండి ఎమ్మెల్యే రఘురామ కృష్ణరాజు మధ్య అసెంబ్లీ హాల్లో జరిగిన సంభాషణ తోటి ఎమ్మెల్యేలను ఆశ్చర్యపరచింది. ఈ ఘటనను ఎమ్మెల్యే రఘురామ మీడియాతో పంచుకున్నాడు. జగన్ తన భుజంపై రెండు సార్లు చేయి వేసి మాట్లాడారని ఎమ్మెల్యే రఘురామకృష్ణ రాజు అన్నారు. కనిపించిన వెంటనే 'హాయ్' అని జగన్ పలకరించారని తెలిపారు.
'అదే నాకు చివరి రోజు అవుతుందనుకున్నా'- నాటి భయానక అనుభవంపై రఘురామ - RRR Interview
రోజూ అసెంబ్లీకి రావాలని ఆయన్ని కోరానని రఘురామ తెలిపారు. "రెగ్యులర్గా వస్తాను, మీరే చూస్తారుగా" అని జగన్ చెప్పారని అన్నారు. తనకు జగన్ ప్రక్కనే సీట్ వేయించాలని పయ్యావుల కేశవ్ను రఘురామ కృష్ణ రాజు కోరారు. తప్పని సరిగా అంటూ శాసనసభ వ్యవహారాల మంత్రి కేశవ్ లాబీలోకి నవ్వుకుంటూ వెళ్లారు. ఈ మేరకు జగన్తో జరిగిన సంభాషణ వివరాలను రఘురామ కృష్ణంరాజు మీడియాతో పంచుకున్నారు.
గతంలో వైఎస్సార్సీపీ ఎంపీగా విజయం సాధించిన రఘురామ అప్పటి రాష్ట్ర ప్రభుత్వం, జగన్పై తీవ్రస్థాయిలో ఆరోపణలు చేశారు. వైఎస్సార్సీపీ ప్రభుత్వం, జగన్ తీరును ఎప్పటికప్పుడు ఎండగట్టేవారు. ఈ క్రమంలో రఘురామకృష్ణ అరెస్ట్‌ తదితర పరిణామాలు జరిగాయి. ఆ తర్వాత కూడా రఘురామ వెనక్కి తగ్గలేదు. దీంతో ఆయన్ను అరెస్టు చేయించిన జగన్ ప్రభుత్వం పోలీస్ కస్టడీలో తీవ్రస్థాయిలో వేధించింది. తనపై థర్డ్ డిగ్రీ కూడా ప్రయోగించారని, హత్యాయత్నానికి పాల్పడ్డారంటూ రఘురామ పోలీసులకు ఫిర్యాదు చేయడం విదితమే. ఇదిలా ఉండగా కూటమి ప్రభుత్వం కొలువుదీరిన వెంటనే జగన్ పై నమోదైన తొలి కేసు కూడా రఘురామ ఫిర్యాదు తోనే కావడం గమనార్హం.
మీడియా వల్లే బతికాను - గుంటూరు ఎస్పీ కార్యాలయానికి వచ్చిన రఘురామ - Mla Raghu Rama Raju Met Guntur SP
