MLC Jeevan Reddy Counter to KTR : కేటీఆర్ ఇలాగే మాట్లాడితే పార్లమెంట్ ఎన్నికల్లో బీఆర్ఎస్ ఒక్క సీటు కూడా గెలవదని కాంగ్రెస్ ఎమ్మెల్సీ జీవన్ రెడ్డి జోస్యం చెప్పారు. రాజీనామా చేసి మల్కాజిగిరిలో పోటీ చేద్దామని సీఎం రేవంత్ రెడ్డికి మాజీ మంత్రి విసిరిన సవాల్పై జీవన్రెడ్డి ఘాటుగా స్పందించారు. జగిత్యాలలోని తన నివాసంలో మాట్లాడిన ఆయన, సీఎం పదవికి, ఎమ్మెల్యే పదవికి నక్కకు - నాకలోకానికి ఉన్నంత తేడా ఉందని పేర్కొన్నారు.
ముఖ్యమంత్రి పదవికి రాజీనామా చేయమని కేటీఆర్ అనడం విడ్డూరంగా ఉందని జీవన్ రెడ్డి అన్నారు. భారత్ రాష్ట్ర సమితికి కేవలం మెదక్‌ ఎంపీ సీటు గెలిచే అవకాశం ఉందని, కానీ కేటీఆర్ మాట్లాడే తీరు చూస్తే అది కూడా గెలిచేలా లేదని జోస్యం చెప్పారు. ఈ క్రమంలోనే దమ్ముంటే నిజామాబాద్, కరీంనగర్ నుంచి పోటీ చేసి గెలవాలని కేటీఆర్కు సవాల్ విసిరారు.
రేవంత్కు కేటీఆర్ ఛాలెంజ్ - మల్కాజిగిరి ఎంపీ బరిలో తేల్చుకుందామంటూ సవాల్
కేటీఆర్ ఇలాగే మాట్లాడితే ఒక్క ఎంపీ సీటు కూడా గెలవలేరు. రేవంత్ను సీఎం పదవికి రాజీనామా చేయమనడం విడ్డూరంగా ఉంది. ముఖ్యమంత్రి పదవికి, ఎమ్మెల్యే పదవికి నక్కకు - నాకలోకానికి మధ్య ఉన్నంత తేడా ఉంది. కేటీఆర్కు దమ్ముంటే నిజామాబాద్, కరీంనగర్ నుంచి పోటీ చేసి గెలవాలి. - ఎమ్మెల్సీ జీవన్రెడ్డి
వివాదానికి తెరలేసింది ఇలా : అసెంబ్లీ ఎన్నికల సమయంలో రేవంత్ రెడ్డిని సీఎం అభ్యర్థిగా ప్రకటిస్తే, కాంగ్రెస్ పార్టీకి కనీసం 3 సీట్లు కూడా వచ్చేవి కావని ఇటీవల జరిగిన ఓ సభలో కేటీఆర్ వ్యాఖ్యానించారు. దీనిపై చేవెళ్ల సభలో ముఖ్యమంత్రి రేవంత్ రెడ్డి ఘాటుగా స్పందించారు. పార్లమెంట్ ఎన్నికల్లో ఒక్క సీటైనా గెలిచి చూపించాలంటూ బీఆర్ఎస్కు సవాల్ విసిరారు.
లోక్సభ ఎన్నికల్లో ఒక్క స్థానమైనా గెలవాలంటూ ముఖ్యమంత్రి రేవంత్ రెడ్డి చేసిన సవాల్కు బీఆర్ఎస్ కార్యనిర్వాహక అధ్యక్షుడు, ఎమ్మెల్యే కేటీఆర్ ప్రతి సవాల్ విసిరారు. ఇద్దరం రాజీనామా చేసి, మల్కాజిగిరి పార్లమెంట్ బరిలో నిలిచి తేల్చుకుందామని ఛాలెంజ్ చేశారు. ముఖ్యమంత్రి పదవికి, శాసనసభ్యత్వానికి రేవంత్ రాజీనామా చేయాలని, తానూ ఎమ్మెల్యే పదవికి రాజీనామా చేస్తానని వ్యాఖ్యానించారు. దీనిపైనే తాజాగా ఎమ్మెల్సీ జీవన్రెడ్డి కేటీఆర్కు కౌంటర్ ఇచ్చారు. ఎమ్మెల్యే పదవికి, సీఎం పదవికి నక్కకు - నాకలోకానికి మధ్య ఉన్నంత తేడా ఉందంటూ మాజీ మంత్రికి చురకలు అంటించారు.
మేడిగడ్డపై కాంగ్రెస్ది రాజకీయం - రైతులకు నీళ్లివ్వకుండా కాలయాపన చేయడం దారుణం : కేటీఆర్
