బీఆర్​ఎస్​ ఎమ్మెల్యే - ఆయన బంధువుల ఇళ్లల్లో ఈడీ సోదాలు - ED Raids MLA Mahipal Reddy house

ED Raids on Patancheru MLA Mahipal Reddy : పటాన్​చెరు బీఆర్​ఎస్​ ఎమ్మెల్యే మహిపాల్​ రెడ్డి ఇంట్లో ఈడీ సోదాలు నిర్వహిస్తోంది. తెల్లవారుజామున 5 గంటల నుంచి సోదాలు కొనసాగుతున్నాయి. అతడి సోదరుడి ఇంట్లోనూ సోదాలు జరుగుతున్నాయి.

ED Searches Patancheru MLA House : బీఆర్​ఎస్​కు చెందిన పటాన్​చెరు ఎమ్మెల్యే మహిపాల్​రెడ్డి నివాసంలో ఎన్​ఫోర్స్​మెంట్​ డైరెక్టరేట్​ సోదాలు జరుపుతోంది. పటాన్​చెరులోని ఎమ్మెల్యే మహిపాల్​రెడ్డి నివాసం, అతని సోదరుడు మధుసూదన్​రెడ్డి నివాసంలో ఈడీ అధికారులు తనిఖీలు జరుపుతున్నారు. తెల్లవారుజామున 5 గంటల నుంచి పటాన్​చెరులోని మూడు ప్రాంతాల్లో ఈ సోదాలు జరుగుతున్నాయి.

గతంలో లగ్డారం గనుల వ్యవహారంలో పటాన్​చెరు పోలీసులు గతంలో మధుసూదన్​రెడ్డిని అరెస్ట్​ చేశారు. క్రషర్​కు సంబంధించి తహసీల్దార్​ ఫిర్యాదు మేరకు పటాన్​చెరు పోలీసులు గతంలో సోదాలు జరిపి, నిర్వహించిన మధుసూదన్​రెడ్డిని అరెస్టు చేశారు. అనంతరం సంగారెడ్డి జైలుకు కూడా తరలించారు. ఈ కేసు ఆధారంగానే ఈడీ మరో కేసు నమోదు చేసి దర్యాప్తు జరుపుతున్నట్లు తెలుస్తోంది.

ED Raids against BRS MLA Mahipal Reddy : ఇందులో భాగంగానే ఎమ్మెల్యే సోదరులతో పాటు నిజాంపేట్​లోని వారి బంధువుల ఇళ్లలోనూ ఈడీ సోదాలు నిర్వహిస్తున్నట్లు తెలుస్తోంది. తెల్లవారుజామున 5 గంటల నుంచి సీఆర్పీఎఫ్​ బలగాల బందోబస్తు మధ్య ఈ తనిఖీలు జరుపుతున్నాయి. మరికాసేపు ఈ సోదాలు కొనసాగే అవకాశం ఉంది. మనీలాండరింగ్​కు ఏమైనా పాల్పడినట్లు తేలితే ఈడీ కేసు నమోదు చేసే అవకాశం ఉంది.