Congress Manifesto Committee Meeting at Sachivalayam : తెలంగాణలో ఏర్పాటైన నూతన ప్రభుత్వంపై ప్రతిపక్షం చేస్తున్న విమర్శలు చాలా తొందరపాటుగా ఉన్నాయని మంత్రి శ్రీధర్ బాబు ఆక్షేపించారు. ప్రజలు కాంగ్రెస్ పార్టీపై ఎంతో విశ్వాసాన్ని చూపారని తెలిపారు. ప్రజలకిచ్చిన హామీలను అమలు చేసేందుకు ప్రభుత్వం కృషి చేస్తుందని స్పష్టం చేశారు. మేనిఫెస్టోలో ఆరు గ్యారంటీలన(Congress Six Guarantees) ఇచ్చామని అధికారంలోకి రాగానే వాటిని అమలు చేసే దిశగా అడుగులు వేస్తున్నామన్నారు. గాంధీభవన్లో టీపీసీసీ మేనిఫెస్టో కమిటీ సమావేశం పరిశ్రమలశాఖ మంత్రి శ్రీధర్ బాబు అధ్యక్షతన ప్రారంభమయింది. ఇటీవలే సేకరించిన ప్రజాపాలన దరఖాస్తులు గురించి నిర్ణయం తీసుకునే అవకాశం ఉందని పార్టీ వర్గాలు తెలిపాయి.
ఎమ్మెల్సీలుగా మహేశ్‌కుమార్‌ గౌడ్, బల్మూరి వెంకట్ ఎన్నిక ఏకగ్రీవం - ఈసీ ప్రకటన
Minister Sridhar Babu on Manifeso Committee : ఆరు గ్యారంటీల అమలుకు తదుపరి కార్యచరణ రూపొందించేందుకు తగిన నిర్ణయాలు తీసుకునే అవకాశం ఉందని కాంగ్రెస్ నాయకులు అభిప్రాయం వ్యక్తం చేస్తున్నారు. ఇప్పటికే ప్రజాపాలన ప్రక్రియలో భాగమైన కంప్యూటరీకరణ చివరి దశకు చేరుకుందని తెలుస్తోంది. ఈ సమావేశంలో ఏఐసీసీ ఇంచార్జ్ దీపదాస్ మున్షి, ఏఐసీసీ ప్రొఫెషనల్ కాంగ్రెస్ చైర్మన్ ప్రవీణ్ చక్రవర్తి, రాష్ట్ర రోడ్లు, భవనాల శాఖ మంత్రి కోమటిరెడ్డి వెంకట్ రెడ్డి, ఏఐసీసీ కార్యదర్శులు రోహిత్ చౌదరీ, మన్సూర్ అలీ ఖాన్, ఎమ్మెల్సీ, టీపీసీసీ వర్కింగ్ ప్రెసిడెంట్ మహేష్ కుమార్ గౌడ్(Mahesh Kumar Gowd), మేనిఫెస్టో కమిటీ సభ్యులు తదితరులు పాల్గొన్నారు.
"రాష్ట్రంలో ఏర్పాటైన కొత్త ప్రభుత్వంపై ప్రతిపక్షం తొందరపాటు విమర్శలు చేస్తోంది. ప్రజలకిచ్చిన హామీలను అమలు చేసేందుకు ప్రభుత్వం కృషి చేస్తుంది. మేనిఫెస్టోలో ఇచ్చిన ఆరు గ్యారంటీలను తప్పక అమలు చేస్తాం. ఆ దిశగా అడుగులు వేస్తున్నాం."- శ్రీధర్ బాబు, పరిశ్రమల శాఖ మంత్రి
వేగంగా కొనసాగుతున్న ప్రజాపాలన కంప్యూటరీకరణ - తెల్లకాగితాల దరఖాస్తులకు నో ఛాన్స్
Opposition Leaders Comments on Telangana Government : కాంగ్రెస్ నెరవేర్చలేని హామీలను ఇచ్చి అధికారంలోకి వచ్చిందని కొద్దిరోజులుగా బీఆర్ఎస్ నాయకులు ఆరోపణలు చేస్తున్నారు. ఇటీవల బీఆర్ఎస్ కార్యనిర్వాహక అధ్యక్షుడు కేటీఆర్ జనవరి నెల నుంచి కరెంట్ బిల్లుల కట్టువద్దని చేసిన వ్యాఖ్యలు సంచలనం సృష్టించాయి. ఆరు గ్యారంటీలకు అమలు చేయలేని పరిస్థితిలో కాంగ్రెస్ ప్రభుత్వం ఉందని, కాలక్షేపన చేస్తోందని ఆరోపిస్తున్నారు. పార్లమెంట్ ఎన్నికలు అయ్యేంత వరకు ఇలాగే ప్రభుత్వాన్ని కొనసాగిస్తుందని మండిపడ్డారు. వంద రోజుల్లోపే కాంగ్రెస్ ఇచ్చిన హామీలు అమలు చేయాలని ఒత్తిడి తెస్తున్నారు. ఇప్పటికే అమలు చేసిన మహాలక్ష్మి పథకం ద్వారా మహిళలు గొడవలు పడే ఘటనలు జరుగుతున్నాయని ప్రతిపక్ష నాయకులు ధ్వజమెత్తారు. దీనికి దీటుగా కాంగ్రెస్ నాయకులు కూడా వంద రోజుల్లో ఇచ్చిన ఆరు గ్యారంటీలు అమలు చేసి తీరుతామని పలుమార్లు స్పష్టం చేశారు.
అధికారులు సమర్థవంతంగా పని చేసి లక్ష్యాలు సాధించాలి : మంత్రి దుద్దిళ్ల శ్రీధర్ బాబు
