'సికింద్రాబాద్​ టికెట్​ను బీఆర్​ఎస్​ బీజేపీకి తాకట్టు పెట్టింది - కేసీఆర్​ను నమ్ముకుంటే పద్మారావు మునిగినట్లే' - revanth lok sabha election campaign

CM Revanth Lok Sabha Election Campaign : కేసీఆర్​, కేటీఆర్​లు ఎందుకు బీఆర్​ఎస్​ సికింద్రాబాద్​ ఎంపీ అభ్యర్థి పద్మారావుకు మద్దతు ఇవ్వడం లేదని సీఎం రేవంత్​ రెడ్డి ప్రశ్నించారు. సికింద్రాబాద్​లో ఏ పార్టీ గెలిస్తే ఆ పార్టీదే అధికారం అంటూ జోస్యం చెప్పారు. సికింద్రాబాద్​లో నిర్వహించిన కార్నర్​ మీటింగ్​, ఎన్నికల ప్రచారంలో సీఎం రేవంత్​ పాల్గొన్నారు.

CM Revanth Lok Sabha Election Campaign : సికింద్రాబాద్​లో ఏ పార్టీ గెలిస్తే ఆ పార్టీ అధికారంలోకి వస్తుందని సీఎం రేవంత్​ రెడ్డి పేర్కొన్నారు. సికింద్రాబాద్​లో కాంగ్రెస్​ గెలవబోతుందని, కేంద్రంలో హస్తం పార్టీ అధికారంలోకి రాబోతుందని జోస్యం చెప్పారు. సికింద్రాబాద్​లో నిర్వహించిన కార్నర్​ మీటింగ్​, సికింద్రాబాద్​ కాంగ్రెస్​ ఎంపీ అభ్యర్థి దానం నాగేందర్​ ఎన్నికల ప్రచారంలో సీఎం రేవంత్​ రెడ్డి పాల్గొన్నారు. ఆయనకు ఓటేసి గెలిపించాలని ఓటర్లకు విజ్ఞప్తి చేశారు. ఈ సందర్భంగా బీఆర్​ఎస్​, బీజేపీలపై తీవ్రస్థాయిలో సీఎం రేవంత్​ రెడ్డి విమర్శలు చేశారు.

పద్మారావు మంచోడే కానీ కేసీఆర్​ను నమ్ముకుంటే పద్మారావు మునిగిపోతారని బీఆర్​ఎస్​ అభ్యర్థిని ఉద్దేశిస్తూ సీఎం రేవంత్​ రెడ్డి విమర్శలు గుప్పించారు. కేవలం పద్మారావు పరువు తీయడానికే బీఆర్​ఎస్​ అధినేత సికింద్రాబాద్​ ఎంపీ అభ్యర్థిగా నిలబెట్టారని అన్నారు. పద్మారావు నామినేషన్​కు కేటీఆర్​, కేసీఆర్​ ఎందుకు రాలేదో చెప్పాలని ప్రశ్నించారు. ఎందుకంటే ఆయనకు కేసీఆర్​, కేటీఆర్​ మద్దతు ఇవ్వడం లేదని ఆరోపించారు. సికింద్రాబాద్​ టికెట్​ను బీజేపీకి బీఆర్​ఎస్​ తాకట్టు పెట్టిందని సీఎం రేవంత్​ రెడ్డి ఆరోపించారు. అందుకే బీఆర్​ఎస్​కు ఓటేస్తే మూసీ కాలువలో వేసినట్లేనన్నారు.

దేవుడిని బజారులోకి తెచ్చిన వ్యక్తి ప్రధాని మోదీ : దానం నాగేందర్​ ఎంపీగా గెలిస్తే, కేంద్రంలో కాంగ్రెస్​ ప్రభుత్వం ఏర్పడితే మంత్రి పదవి వస్తుందని సీఎం రేవంత్​ రెడ్డి వివరించారు. కేంద్రమంత్రిగా ఉండి కిషన్​ రెడ్డి సికింద్రాబాద్​కు ఏం చేశారని మండిపడ్డారు. హైదరాబాద్​ను అభివృద్ధి చేసిందే కాంగ్రెస్​ అంటూ ఆనందం వ్యక్తం చేశారు. మత సామరస్యాన్ని కాపాడింది కాంగ్రెస్సే అంటూ వివరించారు. ఈ క్రమంలోనే దేవుడు గుడిలో ఉండాలి, భక్తి గుండెల్లో ఉండాలన్నారు. కానీ ప్రధాని మోదీ దేవుడిని బజారులోకి తీసుకువచ్చి, మతం చిచ్చుపెట్టి ఎన్నికల్లో నెగ్గాలని చూస్తున్నారని సీఎం రేవంత్​ రెడ్డి ధ్వజమెత్తారు.

"సికింద్రాబాద్​లో ఏ పార్టీ గెలిస్తే ఆ పార్టీ అధికారంలోకి వస్తుంది. సికింద్రాబాద్​లో కాంగ్రెస్​ గెలుస్తుంది. కేంద్రంలో కాంగ్రెస్​ రాబోతుంది. దానం నాగేందర్​ ఎంపీగా గెలిస్తే, కేంద్రంలో కీలకమైన మంత్రి పదవి వస్తుంది. కేంద్రమంత్రిగా ఉండి కిషన్​రెడ్డి సికింద్రాబాద్​కు ఏం చేశారు. పద్మారావు మంచోడే, కేసీఆర్​ను నమ్ముకుంటే పద్మారావు మునిగినట్లే. పద్మారావు పరువు తీయడానికే సికింద్రాబాద్​ అభ్యర్థిని నిలబెట్టారు. పద్మారావు నామినేషన్​కు కేటీఆర్​, కేసీఆర్​ ఎందుకు రాలేదు. సికింద్రాబాద్​ టికెట్​ను బీజేపీకు బీఆర్​ఎస్​ తాకట్టు పెట్టింది. హైదరాబాద్​ను అభివృద్ధి చేసిందే కాంగ్రెస్​. దేవుడు గుడిలో ఉండాలి, భక్తి గుండెల్లో ఉండాలి. ప్రధాని మోదీ దేవుడిని బజారులోకి తెచ్చారు. మతం చిచ్చుపెట్టి ఎన్నికల్లో నెగ్గాలని బీజేపీ చూస్తుంది." - రేవంత్​ రెడ్డి, సీఎం