మల్కాజిగిరిలో ఓడిపోతే మాట్లాడని సీఎంకి మెదక్​ గురించి ఎందుకు : రఘునందన్​ రావు - BJP Raghunandan Fires On CM revanth

BJP Raghunandan Fires On CM Revanth : సిట్టింగ్ స్థానం మల్కాజిగిరిలో కాంగ్రెస్​ అభ్యర్థి ఓడిపోతే మాట్లాడని రేవంత్ రెడ్డికి మెదక్ గురించి ఎందుకని బీజేపీ నేత రఘునందన్​ రావు ప్రశ్నించారు. కాళేశ్వరం ప్రాజెక్ట్ అవినీతిలో నీళ్ల మంత్రిగా ఉన్న బీఆర్ఎస్​ నేత హరీశ్​రావును ఎందుకు అరెస్ట్ చేయడం లేదని ప్రశ్నించారు. తెలంగాణ పౌరుషం ఉంటే 25రోజుల్లో కేసీఆర్​, హరీశ్​ రావును రేవంత్ రెడ్డి అరెస్ట్ చేయించాలని సవాల్​ విసిరారు.

BJP Raghunandan Fires On CM Revanth : సొంత జిల్లాలో ఎమ్మెల్సీ, ఎంపీ అభ్యర్థులను గెలిపించుకోలేని సీఎం రేవంత్ రెడ్డి పొంకణాలు కొడుతున్నారని బీజేపీ నేత రఘునందన్​ రావు విమర్శించారు. సిట్టింగ్ సీటు మల్కాజిగిరిలో ఓడిపోతే మాట్లాడని రేవంత్ రెడ్డికి మెదక్ గురించి ఎందుకని ప్రశ్నించారు. బీజేపీ రాష్ట్ర కార్యాలయంలో ఏర్పాటు చేసిన మీడియా సమావేశంలో ఆయన మాట్లాడారు. ఈ సందర్భంగా కాంగ్రెస్​పై పలు విమర్శలు గుప్పించారు.

హరీశ్​ రావును ఎందుకు అరెస్టు చేయడం లేదు : కాళేశ్వరం ప్రాజెక్ట్ అవినీతిలో నీళ్ల మంత్రిగా ఉన్న బీఆర్ఎస్​ నేత హరీశ్​ను ఎందుకు అరెస్ట్ చేయడం లేదని ​రఘనందన్​ ప్రశ్నించారు. తెలంగాణ పౌరుషం ఉంటే 25రోజుల్లో కేసీఆర్​, హరీశ్​ రావును సీఎం రేవంత్ అరెస్ట్ చేయించాలని సవాల్​ విసిరారు. సీఎం ప్రియమిత్రుడు హరీశ్​ రావును సిద్దిపేటలో ఓడించేది బీజేపీనే అని జోస్యం చెప్పారు.

Raghunandan On False propaganda : హరీశ్​రావు తనకు మద్దతు ఇచ్చారనే తప్పుడు ప్రచారం చేయడం సరైంది కాదని రఘనందన్ హితవుపలికారు. తనకు హరీశ్​ ఓట్లు వేయించారని భాగ్యలక్ష్మి అమ్మవారి ఆలయానికి వచ్చి రేవంత్ రెడ్డి ప్రమాణం చేయాలి అని సవాల్​ విసిరారు. పట్టపగలు నోట్ల కట్టలతో దొరికిన దొంగ రేవంత్ రెడ్డి అని సమాజానికి తెలుసని విమర్శించారు. తాను ఎవరి దయాదాక్షిణ్యాలతో గెలవలేదని అన్నారు.

మల్కాజిగిరి సీటు ఎంతకు అమ్ముకున్నావని సీఎం రేవంత్​కు రఘనందన్​ సూటి ప్రశ్న వేశారు. బీఆర్ఎస్​ అభ్యర్థి వెంకట్ రాంరెడ్డి డబ్బులు పంచుతుంటే ఎందుకు ఆపలేకపోయావని ఎద్దేవా చేశారు. తాను జై తెలంగాణ అని రోడ్డు ఎక్కినవాడినని, మాట్లాడేటప్పు​డు ఒళ్లు దగ్గర పెట్టుకుని మాట్లాడాలని సూచించారు. నీలం మధు హరీశ్​రావు శిష్యుడు కాదా? అన్న రఘనందన్​ అతడిని హరీశ్​ రావు, రేవంత్​ రెడ్డి కలిసి బకరాను చేశారని విమర్శించారు. ఎనిమిది చోట్ల విజయం సాధించిన కాంగ్రెస్​కు బీఆర్ఎస్​ ఓటు బ్యాంకు బదిలీ అయ్యిందా అని ప్రశ్నించారు.

"సొంత జిల్లాలో ఎమ్మెల్సీ, ఎంపీలను గెలిపించుకోలేని సీఎం రేవంత్​ రెడ్డి పొంకణాలు కొడుతున్నారు. హరీశ్​ రావు నాకు మద్దతు ఇచ్చారని తప్పుగా ప్రచారం చేయడం సరికాదు. నేను ఎవరి దయాదాక్షిణ్యాలపై గెలవలేదు. మల్కాజిగిరిలో అభ్యర్థిగా పక్క జిల్లా వారికి ఎందుకు నిలబెట్టారు. సిట్టింగ్ స్థానం మల్కాజిగిరిలో ఓడిపోతే మాట్లాడని రేవంత్​ రెడ్డికి మెదక్​ గురించి ఎందుకు" - రఘునందన్​ రావు, బీజేపీ నేత