తెలంగాణ నుంచి రాజ్యసభకు అభిషేక్​ మను సింఘ్వీ ఎన్నిక ఏకగ్రీవం - Abhishek Singhvi elect Rajya Sabha

Abhishek Manu Singhvi Elected to Rajya Sabha : రాజ్యసభకు అభిషేక్​ సింఘ్వీ ఏకగ్రీవంగా ఎన్నికయ్యారు. తెలంగాణ నుంచి రెండు నామినేషన్లు రాగా స్వతంత్ర అభ్యర్థిని ఎమ్మెల్యేలు బలపరచకపోవడంతో నామినేషన్​ తిరస్కరణకు గురైంది. దీంతో అభిషేక్​ మను సింఘ్వీ ఏకగ్రీవంగా రాజ్యసభకు ఎన్నికయ్యారు.

Abhishek Manu Singhvi Elected to Rajya Sabha : తెలంగాణ నుంచి రాజ్యసభ అభ్యర్థిగా అభిషేక్​ మనుసింఘ్వీ ఏకగ్రీవంగా ఎన్నికయ్యారు. రాజ్యసభ అభ్యర్థిత్వానికి రెండు నామినేషన్లు దాఖలు అయ్యాయి. వీటిలో కాంగ్రెస్​ నుంచి అభిషేక్​ మను సింఘ్వీ నామినేషన్​ వేయగా, రెండోది స్వతంత్ర అభ్యర్థిగా పద్మరాజన్​ నామినేషన్​ దాఖలు చేశారు. ఎమ్మెల్యేలు బలపరచకపోవడంతో పద్మరాజన్​ నామినేషన్​ను ఎన్నికల సంఘం తిరస్కరించింది. దీంతో అభిషేక్​ మను సింఘ్వీ ఏకగ్రీవంగా రాజ్యసభకు ఎన్నిక అయ్యారు.​ అభిషేక్​ మను సింఘ్వీ తరఫున కాంగ్రెస్​ పార్టీ ఉపాధ్యక్షుడు నిరంజన్​ ఎన్నికల అధికారి నుంచి ధ్రువీకరణ పత్రాన్ని తీసుకోనున్నారని పార్టీ వర్గాలు తెలిపాయి.

కాంగ్రెస్​లో అభిషేక్​ మను సింఘ్వీ ప్రస్థానం : అభిషేక్​ సింఘ్వీ సుధీర్ఘకాలంగా కాంగ్రెస్​ పార్టీకి సేవలందిస్తున్నారు. 2001 నుంచి కాంగ్రెస్​ జాతీయ అధికార ప్రతినిధిగా పని చేస్తున్నారు. రెండు దఫాలు రాజ్యసభ సభ్యుడు అయ్యాయి. అవి 2006, 2018లో రెండుసార్లు ఆ హోదాను పొందారు. ఈ ఏడాది మార్చిలో జరిగిన రాజ్యసభ ఎన్నికల్లో హిమాచల్​ప్రదేశ్​ నుంచి పోటీ చేసి బీజేపీ చేతిలో ఓటమి పాలయ్యారు. ఈ క్రమంలో ఆయనను తెలంగాణ నుంచి పోటీ చేయాలని ఏఐసీసీ నిర్ణయించింది. కానీ తెలంగాణలో రాజ్యసభ సభ్యత్వం కోసం స్థానిక నాయకులు కొందరు ప్రయత్నించారు. కానీ జాతీయ రాజకీయాల్లో సింఘ్వీ సేవలు కాంగ్రెస్​కు కీలకమైనందున ఆయనకే అధిష్ఠానం అవకాశం ఇచ్చింది. ఇప్పుడు ఆయన రాజ్యసభకు ఏకగ్రీవంగా ఎన్నిక అయ్యారు.

ఎవరూ నామినేషన్​ వేయకపోవడంతో సింఘ్వీ ఏకగ్రీవం : తెలంగాణ రాజ్యసభ అభ్యర్థిగా ఎంపికైన కాంగ్రెస్​ సీనియర్​ నేత అభిషేక్​ మను సింఘ్వీ ఆగస్టు 19వ తేదీన శానససభలో నామినేషన్​ వేశారు. ఈ కార్యక్రమంలో సీఎం రేవంత్​ రెడ్డి, ఉపముఖ్యమంత్రి భట్టి విక్రమార్క, మంత్రులు పాల్గొన్నారు. కేశవరావు రాజీనామా చేయడంతో ఏర్పడిన ఖాళీకి కేంద్ర ఎన్నికల సంఘం ఉప ఎన్నిక నిర్వహించాలని నోటిఫికేషన్​ ఇచ్చింది. ఈ నెల 21వ తేదీ వరకు నామినేషన్​ వేసేందుకు గడువు ఇచ్చారు.

అయితే అభిషేక్​ సింఘ్వీతో పాటు స్వతంత్ర అభ్యర్థిగా పద్మరాజన్​ నామినేషన్​ దాఖలు చేశారు. రెంజు నామినేషన్​ వచ్చినట్లు అయితే ఎన్నిక నిర్వహించాలి. కానీ స్వతంత్ర అభ్యర్థికి ఎమ్మెల్యేల మద్దతు లేకపోవడంతో సింఘ్వీనే ఏకగ్రీవంగా ఎన్నికయ్యారు. లేకపోతే వచ్చే నెల 3వ తేదీన ఎన్నిక జరగాల్సి ఉండేది.