Tips to Overcome Stage Fear : ఉద్యోగ జీవితంలో తొందరగా ఎదగాలంటే.. వర్క్ టాలెంట్ ఒకటే ఉంటే సరిపోదు. మరికొన్ని లక్షణాలు కూడా ఉండాలి. అందులో నలుగురిలో ధైర్యంగా మాట్లాగలగడం కూడా ఒకటి. చాలామంది స్నేహితులు, సహోద్యోగులతో చక్కగా మాట్లాడతారు. కానీ, ఏదైనా ప్రాజెక్ట్ గురించి వివరించాల్సినప్పుడు చేతులు షివర్ అవుతాయి. ఒక్కసారిగా ఒళ్లంతా చల్లబడిపోతుంది. అక్కడికి వెళ్లగానే మాటలు తడబడతాయి. దీనివల్ల కెరీర్లో మంచి అవకాశాలను కోల్పోతారు. అయితే, కొన్ని టిప్స్ పాటించడం వల్ల ఆత్మవిశ్వాసంతో మాట్లాడి అందరి మెప్పూ పొందవచ్చని నిపుణులు చెబుతున్నారు. అవేంటో మీరు చూసేయండి.
బాగా వినాలి :
చాలా మందికి ఎదుటివారు చెప్పే వినే ఓపిక ఉండదు. ఏదైనా అంశం గురించి అనర్గళంగా మాట్లాడాలంటే ముందు బాగా వినడం నేర్చుకోవాలి. అప్పుడే మంచి స్పీకర్ కాగలుగుతారు.
పూర్తిగా అవగాహన తెచ్చుకోవాలి :
మనం ఏ టాపిక్ గురించి మాట్లాడాలనుకుంటున్నామో.. ఆ అంశంపై పూర్తి పట్టు సాధించాలి. ఇందుకోసం ముందుగానే ప్రిపేర్ కావాలి. ఎంతలా ప్రిపేర్ అవ్వాలంటే.. మనం మాట్లాడేటప్పుడు ఎవరైనా ప్రశ్న అడిగితే సమాధానం చెప్పగలిగేలా ఉండాలి. ఇలా సబ్జెక్ట్పై పూర్తి అవగాహన తెచ్చుకుంటే ఆత్మవిశ్వాసంతో మాట్లాడవచ్చు.
ఫోకస్గా ఉండాలి :
మీటింగ్లో మాట్లాడుతున్నంత సేపు కూడా.. మీ ఫోకస్, మీ ఎయిమ్ అంతా మీరు చెబుతున్న అంశంపైనే ఉండాలి. మీ దృష్టి కొంచెం మళ్లితే.. స్పీచ్ ఎక్కడ ఆపారో గుర్తుండదు. ఆపై ఏం మాట్లాడాలో తెలియదు. కాబట్టి మాట్లాడేటప్పుడు ఫోకస్గా ఉండండి.
బాడీ లాంగ్వేజ్ ముఖ్యం :
కంపెనీ మీటింగ్స్లో మాట్లాడుతున్నప్పుడు మన బాడీ లాంగ్వేజ్ కూడా పరిశీలిస్తారు. కాబట్టి, వంగిపోయి, నీరసంగా కాకుండా ధైర్యంగా నిలబడి మాట్లాడాలి. కొంతమంది చేతులు కట్టుకుని ఉండడం, గోక్కోవడం, బిగుసుకుపోవడం చేస్తుంటారు. అలా కాకుండా రిలాక్స్గా, చేతులు ఊపుతూ, ముఖం మీద చిన్న చిరునవ్వుతో మాట్లాడాలి.
కొన్ని ఫన్నీ జోక్స్:
మీరు ఎక్స్ప్లేయిన్ చేయాలనుకున్న విషయాలన్నీ క్రమ పద్ధతిలో రాసుకోండి. అప్పుడు ఏవీ మర్చిపోకుండా అన్నింటి గురించి మాట్లాడవచ్చు. అయితే, టాపిక్ సీరియస్గా డిస్కస్ చేస్తే అందరూ వినరు. అందుకు కొన్ని ఫన్నీ జోక్స్ని స్పీచ్లో యాడ్ చేయాలి. దీనివల్ల అందరూ కాసేపు నవ్వి ఆ తర్వాత శ్రద్ధగా వింటారు.
కాగితం మీద రాసుకోండి :
అసలు మీరు నలుగురిలో మాట్లాడటానికి ఎందుకు భయపడుతున్నారో ఎప్పుడైనా గమనించుకున్నారా? జ్ఞాపకశక్తి ఉండకపోవడమా? టాపిక్పై పట్టు లేకపోవడమా? లేక మీ ఆహార్యాన్నో, అందాన్నో తక్కువ చేస్తారనే భయమా? అయితే, మీ ఆందోళనకు గల కారణాలను ఓ కాగితంపై రాసుకోండి. అలాగే మీకున్న పాజిటివ్ అంశాలను కూడా రాసుకోండి. రెండింటినీ పోల్చి చూడండి. అప్పుడు సమస్య ఎక్కడ ఉందో గుర్తించి మిమ్మల్ని మీరు ఇంప్రూవ్ చేసుకోండి.
చివరిగా.. స్టేజి మీద మాట్లాడాలంటే సౌకర్యంగా ఉండాలి. ఈ క్రమంలో సౌకర్యంగా ఉండే చక్కటి దుస్తులు ధరించాలి. అలాగే హాయిగా నడవగలిగే చెప్పులు వేసుకోవాలి. ఆందోళనని తగ్గించుకోవడానికి బ్రీత్‌ ఎక్సర్‌సైజ్‌ చేయాలి. ఇవన్నీ పాటించడం ద్వారా చక్కగా మాట్లాడవచ్చని నిపుణులు చెబుతున్నారు.
స్టేజ్ ఫియర్ పోగొట్టుకోవాలనుకుంటున్నారా? ఈ టిప్స్ పాటిస్తే సక్సెస్ మీ వెంటే!
ఆఫీస్లో ఇలా చేస్తున్నారా? - అయితే మీ కెరీర్ ఇబ్బందుల్లో పడ్డట్లే!
