IRCTC Mata Vaishno Devi With Haridwar Rishikesh Yatra Tour: ఇండియన్ ర్వైల్వే క్యాటరింగ్ అండ్ టూరిజం కార్పొరేషన్.. భారత్ గౌరవ్ టూరిస్ట్ రైలు ద్వారా ఎన్నో ప్యాకేజీలను ఆపరేట్ చేస్తోన్న సంగతి తెలిసిందే. తాజాగా మరో ప్యాకేజీని టూరిస్టుల కోసం అందుబాటులోకి తెచ్చింది. ఈ ప్యాకేజీలో ఉత్తర భారత దేశంలోని పలు దేవాలయాలు, పర్యాటన ప్రదేశాలను సందర్శించవచ్చు. ఇంతకీ ఆ ప్యాకేజీ ఏంది? ధర ఎంత? ఎన్ని రోజులు సాగుతుంది? ప్రయాణం ఎలా ఉంటుంది? ఏఏ ప్రదేశాలు విజిట్ చేయవచ్చు అనే వివరాలు ఈ స్టోరీలో తెలుసుకుందాం..
ఐఆర్సీటీసీ.. భారత గౌరవ టూరిస్ట్ ట్రైన్ ద్వారా మాత వైష్ణో దేవీ విత్ హరిద్వార్ రిషికేశ్ యాత్ర పేరుతో ప్యాకేజీ ఆపరేట్ చేస్తోంది. ఈ ప్యాకేజీ మొత్తం 9 రాత్రులు, 10 పగళ్లు అందుబాటులో ఉంటుంది. ఈ ప్యాకేజీలో ఆగ్రా, మథుర, శ్రీ మాత వైష్ణో దేవి, హరిద్వార్, రిషికేశ్ ప్రదేశాలు విజిట్ చేయవచ్చు. ప్రయాణ వివరాలు చూస్తే..
- మొదటి రోజు విజయవాడ రైల్వే స్టేషన్ నుంచి మధ్యాహ్నం 12 గంటలకు భారత్ గౌరవ్ టూరిస్ట్ ట్రైన్ బయలుదేరుతుంది. అక్కడి నుంచి గుంటూరు, మిర్యాలగూడ, నల్లగొండ, సికింద్రాబాద్, బోనగిరి, జనగాం, కాజీపేట మీదుగా జర్నీ సాగుతుంది.
- రెండో రోజు పెద్దపల్లి, మంచిర్యాల, బెల్లంపల్లి, సిర్పూర్ కాగజ్నగర్, బల్హర్షా, వార్ధా, నాగ్పూర్ మీదుగా మూడో రోజు ఉదయం ఆగ్రా కాంట్కు చేరుకుంటారు.
- మూడో రోజు ఉదయం ఆగ్రాకు చేరుకుంటారు. అక్కడి నుంచి ముందుగానే బుక్ చేసిన హోటల్కు తీసుకెళ్తారు. అక్కడి చెకిన్ అయ్యి ఫ్రెషప్ అనంతరం తాజ్మహల్ విజిట్ చేస్తారు. ఆ తర్వాత ఆగ్రా ఫోర్ట్ సందర్శిస్తారు. ఆ రాత్రికి ఆగ్రాలోనే స్టే చేయాలి.
- నాలుగో రోజు బ్రేక్ఫాస్ట్ అనంతరం హోటల్ నుంచి చెక్ అవుట్ అయ్యి మధుర బయలుదేరుతారు. అక్కడ శ్రీ కృష్ణ జన్మ భూమిని దర్శించుకుంటారు. మధుర రైల్వే స్టేషన్ నుంచి మాతా వైష్ణోదేవి కత్రాకు బయలుదేరుతారు.
- ఐదో రోజు మాతా వైష్ణోదేవి కత్రా రైల్వే స్టేషన్కు చేరుకున్నాక అక్కడి నుంచి హోటల్కు తీసుకెళ్తారు. అక్కడ వైష్ణోదేవి దర్శనానికి సంబంధించిన రిజిస్ట్రేషన్ వివరాలు ఫిల్ చేస్తారు. అయితే అక్కడ మాతా వైష్ణోదేవిని దర్శించుకోవాలనుకున్నవారు సొంత ఖర్చు ద్వారానే దర్శించుకోవాలి. ఆ రాత్రికి అక్కడే స్టే చేస్తారు.
ఐఆర్సీటీసీ కేరళ టూర్ - ప్రకృతి సోయగాల్లో తడిసి ముద్దైపోవచ్చు! ధర చాలా తక్కువ!
- ఆరో రోజు కత్రా రైల్వే స్టేషన్ నుంచి హరిద్వార్కు ట్రైన్ జర్నీ స్టార్ట్ అవుతుంది.
- ఏడో రోజు ఉదయం హరిద్వార్ చేరుకోగా ముందుగానే బుక్ చేసిన హోటల్కు తీసుకెళ్తారు. అక్కడ ఫ్రెషప్ అనంతరం మానస దేవి ఆలయాన్ని దర్శించుకుంటారు. సాయంత్రం గంగా హారతి దర్శనం ఉంటుంది. ఆ రాత్రికి అక్కడే స్టే చేస్తారు.
- ఎనిమిదో రోజు ఉదయం గంగా స్నానాలు చేస్తారు. ఆ తర్వాత రోడ్డు మార్గం ద్వారా రిషికేశ్ వెళ్లి రామ్ ఝులా, లక్ష్మణ్ ఝులా దర్శించుకుంటారు. అక్కడి నుంచి రిషికేశ్ రైల్వే స్టేషన్కు చేరుకుని తిరుగు ప్రయాణం అవుతారు.
- తొమ్మిదో రోజు మొత్తం రైలు ప్రయాణం ఉంటుంది.
- పదో రోజు నాగ్పూర్, వార్ధా, బల్హర్షా, కాగజ్నగర్, బెల్లంపల్లి, మంచిర్యాల, పెద్దపల్లి, కాజీపేట, జనగాం, భువనగిరి, సికింద్రాబాద్, నల్లగొండ, మిర్యాలగూడ, గుంటూరు, విజయవాడకు రాత్రి 11:45 గంటలకు చేరుకోవడంతో టూర్ పూర్తవుతుంది.
ధర వివరాలు చూస్తే:
- ఎకానమీ(SL)లో పెద్దలకు రూ.17,940 కాగా, 5 నుంచి 11 సంవత్సరాల చిన్నారులకు రూ.16,820గా ఉంది.
- స్టాండర్డ్(3AC)లో పెద్దలకు రూ.29,380 కాగా, 5 నుంచి 11 సంవత్సరాల చిన్నారులకు రూ.28,070గా ఉంది.
- కంఫర్ట్ (2AC)లో పెద్దలకు రూ.38,770 కాగా, 5 నుంచి 11 సంవత్సరాల చిన్నారులకు రూ.37,200గా ఉంది.
ప్యాకేజీలో కవర్ అయ్యేవి ఇవే:
- ట్రైన్ టికెట్లు(SL, 3AC, 2AC)
- హోటల్ అకామిడేషన్
- లోకల్ ట్రాన్స్పోర్ట్ కోసం వెహికల్
- ట్రావెల్ ఇన్సూరెన్స్
- మార్నింగ్ టీ, బ్రేక్ఫాస్ట్, లంచ్, డిన్నర్ అందుబాటులో ఉంటాయి.
- ప్రస్తుతం ఈ ప్యాకేజీ అక్టోబర్ 17వ తేదీన అందుబాటులో ఉంది.
- ఈ ప్యాకేజీకి సంబంధించిన పూర్తి వివరాలు, ప్యాకేజీ బుకింగ్ కోసం ఈ లింక్పై క్లిక్ చేయండి..
ఐఆర్సీటీసీ "మ్యాజికల్ మధ్యప్రదేశ్" - సాంచి స్థూపంతో పాటు ఈ ప్రదేశాలు చూడొచ్చు! ధర చాలా తక్కువ!
అయోధ్య రామయ్యతో పాటు కాశీ విశ్వనాథుని దర్శనం - రూ.16వేలకే ఐఆర్సీటీసీ అద్దిరిపోయే ప్యాకేజీ!
