IRCTC Mesmerizing Meghalaya and Assam : ఫ్యామిలీ, ఫ్రెండ్స్తో కలిసి.. కూల్ ప్లేస్లో ఎంజాయ్ చేయాలనుకునేవారికి.. ఇండియన్ రైల్వే క్యాటరింగ్ అండ్ టూరిజం కార్పొరేషన్ గుడ్ న్యూస్ చెప్పింది. ఎన్నో జ్ఞాపకాలను పోగేసుకునేందుకు సూపర్ ప్యాకేజీని తీసుకొచ్చింది. ప్రశాంతమైన, సుందరమైన, ఉత్కంఠ భరితమైన ప్రదేశాలు చూడాలని భావించే వారు ఈ టూర్‌కు వెళ్లొచ్చు. మరి ఈ టూర్ ఎప్పుడు? ఎన్ని రోజులు సాగుతుంది? ఏఏ ప్రదేశాలు కవర్ చేయొచ్చు? ధర ఎంత? అనే వివరాలు ఈ స్టోరీలో తెలుసుకుందాం..
ఐఆర్సీటీసీ మెస్మరైజింగ్ మేఘాలయ అండ్ అస్సాం పేరుతో ఈ టూర్ ప్యాకేజీని అందిస్తోంది. మీరు ఈ టూర్‌లో భాగంగా షిల్లాంగ్, చిరపుంజి, గువాహటి వంటి ప్రాంతాలను చుట్టేసి రావొచ్చు. హైదరాబాద్ నుంచి ఫ్లైట్ జర్నీ ద్వారా ఈ టూర్ స్టార్ట్ అవుతుంది. మెుత్తం 5 రాత్రులు, 6 పగళ్లు ఫుల్గా ఎంజాయ్ చేయొచ్చు.
ప్రయాణ వివరాలు చూస్తే..
మొదటి రోజు హైదరాబాద్ నుంచి టూర్ ప్రారంభం అవుతుంది. ఉదయం 9:25 గంటలకు హైదరాబాద్‌లో ఫ్లైట్ ఎక్కితే మధ్యాహ్నానికి గువాహటి చేరుకుంటారు. అక్కడ ఎయిర్పోర్ట్లో పికప్ చేసుకుని షిల్లాంగ్ తీసుకెళ్తారు. షిల్లాంగ్ చేరుకున్న తర్వాత లోకల్ మార్కెట్ సందర్శించొచ్చు. రాత్రికి షిల్లాంగ్‌లోనే బస చేయాలి.
రెండో రోజు హోటల్లో బ్రేక్ఫాస్ట్ తర్వాత చిరపుంజి ట్రిప్ ఉంటుంది. అక్కడ ఎలిఫాంటా ఫాల్స్, వ్యూ పాయింట్, నోహ్కలికై జలపాతం, మావ్స్మై గుహలు, సెవన్ సిస్టర్ వాటర్ఫాల్స్ విజిట్ చేయొచ్చు. రాత్రికి తిరిగి షిల్లాంగ్ చేరుకుని అక్కడే బస చేస్తారు.
మూడో రోజు ఉదయం బ్రేక్ఫాస్ట్ తర్వాత దావ్కీ లేక్ విజిట్ చేస్తారు. ఆ తర్వాత మావ్లిన్‌నాంగ్, లివింగ్ రూట్ బ్రిడ్జ్ సందర్శిస్తారు. సాయంత్రానికి షిల్లాంగ్ చేరుకుని ఆ రాత్రికి అక్కడే బస చేస్తారు.
సింగపూర్ వెళ్తారా? - తక్కువ ధరలోనే IRCTC సూపర్ ప్యాకేజీ - మలేసియా కూడా చుట్టేయొచ్చు!
నాలుగో రోజు హోటల్లో బ్రేక్ఫాస్ట్ తర్వాత కజరంగి బయలుదేరుతారు. అక్కడ హోటల్లో చెకిన్ అయ్యి ఆ రాత్రికి అక్కడే బస చేస్తారు.
ఐదో రోజు తెల్లవారుజామున సఫారికి వెళ్తారు. ఆ తర్వాత హోటల్లో బ్రేక్ఫాస్ట్ చేసి చెక్ అవుట్ అయ్యి గువాహటి బయలుదేరుతారు. అక్కడ సమయం కుదిరితే బ్రహ్మపుత్ర రివర్ను విజిట్ చేస్తారు. ఆ తర్వాత హోటల్లో చెకిన్ అయ్యి ఆ రాత్రికి అక్కడే బస చేస్తారు.
ఆరో రోజు బ్రేక్ఫాస్ట్ తర్వాత చెక్ అవుట్ అయ్యి కామాఖ్య దేవాలయాన్ని దర్శించుకుంటారు. ఆ తర్వాత గువాహటి ఎయిర్పోర్ట్లో డ్రాప్ చేస్తారు. అక్కడి నుంచి హైదరాబాద్ రావడంతో టూర్ పూర్తవుతుంది.
ధర వివరాలు చూస్తే:
- కంఫర్ట్లో సింగిల్ ఆక్యూపెన్సీకి రూ.53,250, డబుల్ ఆక్యూపెన్సీకి రూ.46,500, ట్రిపుల్ ఆక్యూపెన్సీకి రూ. 44,750 చెల్లించాలి.
- 5 నుంచి 11 సంవత్సరాల చిన్నారులకు విత్ బెడ్ అయితే రూ. 40,650, విత్ అవుట్ బెడ్ అయితే రూ.36,650 చెల్లించాలి.
- 2 నుంచి 4 సంవత్సరాల చిన్నారులకు విత్ అవుట్ బెడ్ అయితే రూ.30,500 పే చేయాలి.
ప్యాకేజీలో కవర్ అయ్యేవి ఇవే:
- ఫ్లైట్ టికెట్లు(హైదరాబాద్ - గువాహటి- హైదరాబాద్)
- హోటల్ అకామిడేషన్
- 5 బ్రేక్ఫాస్ట్లు, 5 డిన్నర్లు
- లోకల్ ట్రాన్స్పోర్ట్ కోసం వెహికల్
- ట్రావెల్ ఇన్సూరెన్స్
- ప్రస్తుతం ఈ ప్యాకేజీ నవంబర్ 7వ తేదీన అందుబాటులో ఉంది.
- ఈ ప్యాకేజీకి సంబంధించిన పూర్తి వివరాలు, ప్యాకేజీ బుకింగ్ కోసం ఈ లింక్పై క్లిక్ చేయండి..
అల "ఊటీ అందాల్లో" విహరించండి? - తక్కువ ధరకే ఆరు రోజుల పాటు IRCTC ప్యాకేజీ! - వివరాలివే!
హైదరాబాద్ to అండమాన్ - ఐఆర్సీటీసీ స్పెషల్ ప్యాకేజీ - ప్రకృతి ఒడిలో హాయిగా సేదతీరొచ్చు!
