How to Prevent Ice Buildup in Freezer: నార్మల్గా ప్రతి ఫ్రీజర్లోనూ ఐస్ ఏర్పడుతుంటుంది. కానీ కొన్ని ఫ్రిడ్జ్లలో ఇది అసాధారణంగా ఫామ్ అవుతుంటుంది. ఎన్నిసార్లు తొలగించినా ఫ్రీజర్ నిండా ఐస్ గడ్డల్లాగా ఏర్పడుతూ ఆ ప్లేస్ మొత్తం ఆక్రమిస్తుంటుంది. దీన్ని అలాగే వదిలేస్త్ ఫ్రీజర్లో ఏ పదార్థాలు పెట్టడానికి వీలుండదు. ఇలా ఫ్రీజర్లో ఎక్కువ మొత్తంలో ఐస్ పేరుకుపోవడం రిఫ్రిజిరేటర్ పనితీరుపై ప్రభావం చూపుతుందని నిపుణులు చెబుతున్నారు. అయితే, కొన్ని టిప్స్ పాటించడం వల్ల ఇలా ఫ్రీజర్లో ఐస్ పేరుకుపోకుండా చూసుకోవచ్చని అంటున్నారు. ఆ చిట్కాలు మీ కోసం.
అవసరమున్నప్పుడే డోర్ తీయాలి! కొందరు చీటికిమాటికి ఫ్రిడ్జ్ తలుపులు ఓపెన్ చేస్తుంటారు. మరికొంతమంది డోర్ ఎక్కువసేపు తెరిచి ఉంచుతుంటారు. ఈ క్రమంలో ఫ్రీజర్ డోర్ సరిగ్గా మూసుకోకపోతే వెచ్చని గాలి లోపలికి ప్రవేశించి, ఫ్రీజర్లో ఐస్ పేరుకుపోతుంది. కాబట్టి, అవసరమున్నప్పుడే ఫ్రిడ్జ్ డోర్ తీసి వెంటనే క్లోజ్ చేయాలని చెబుతున్నారు.
రబ్బర్‌ సీలింగ్‌ గ్యాస్కెట్స్‌ : ఫ్రిడ్జ్ డోర్స్కు ఉన్న రబ్బర్‌ సీలింగ్‌ గ్యాస్కెట్స్‌ సరిగ్గా పనిచేస్తున్నాయా? లేదా? అనేది చెక్ చేసుకోవాలి. అవసరమైతే వీటిని మీ ఫ్రిడ్జ్ కంపెనీని బట్టి 2 నుంచి 5 ఏళ్ల మధ్య కాలంలో మార్చుకోవడం మంచిది. దీనివల్ల ఫ్రీజర్/ఫ్రిడ్జ్ పనితీరు మెరుగుపడుతుందని సూచిస్తున్నారు.
దేశంలోనే అతి చిన్న రైలు ఏమిటో తెలుసా? - కేవలం మూడు బోగీలతో ప్రయాణం!
మాన్యువల్ చెక్ చేయండి : ఫ్రీజర్లో ఐస్ ఎక్కువగా ఏర్పడేవారు మీరు ఫ్రిడ్జ్ కొన్నప్పుడు అందించిన మాన్యువల్ని ఓసారి చెక్ చేయండి. అందులో ఫ్రీజర్ థర్మోస్టాట్‌కు సంబంధిత సెట్టింగ్స్ వివరాలు ఉంటాయి. వాటిని చూసి సెట్టింగ్స్ మార్చుకోండి. దీనివల్ల ఫ్రీజర్లో ఐస్ ఫామ్ని తగ్గించుకోవచ్చు.
డీఫ్రాస్ట్‌ బటన్‌ ప్రెస్ చేయండి! కొన్ని ఫ్రిడ్జ్లలో ఆటో డీఫ్రాస్ట్‌ (Auto defrost) అనే ఆప్షన్‌ ఉంటుంది. మరికొన్ని ఫ్రిడ్జ్లలో ఇది ఉండదు. అలాంటి సందర్భాల్లో కూలింగ్‌ సిస్టమ్తో సంబంధం లేకుండా నిర్ణీత వ్యవధుల్లో మనమే డీఫ్రాస్ట్‌ బటన్‌ ప్రెస్ చేయాలి. దీనివల్ల అప్పటిదాకా పేరుకున్న ఐస్ కరిగిపోతుంది.
ఎక్కువ వస్తువులు వద్దు! ఫ్రీజర్లో అవసరమైన వస్తువులనే సర్దుకోవాలి. ఎక్కువ వస్తువులు ఉంటే, చల్లటి గాలి సరిగ్గా ప్రవహించలేదు. ఫలితంగా ఫ్రీజర్ అంతటా ఉష్ణోగ్రత సమానంగా ఉండదు. ఇది ఫ్రీజర్లో ఐస్ పేరుకుపోవడానికి కారణమవుతుంది. కాబట్టి, ఫ్రీజర్ ఎంత ఖాళీగా ఉంటే ఎక్కువ మొత్తంలో ఐస్ పేరుకుపోకుండా ఉంటుందని గుర్తుంచుకోండి.
ఇవి కూడా:
- వీలైనంత వరకు ఫ్రిడ్జ్ కిటికీలు, వేడి ఉత్పత్తి చేసే వస్తువులకు దూరంగా ఉంచడం మంచిది.
- ఫ్రీజర్‌ను క్రమం తప్పకుండా క్లీన్ చేయడం వల్ల ఐస్ పేరుకుపోకుండా ఉంటుంది.
- మీ ఫ్రిడ్జ్లో ఆటో డిఫ్రాస్ట్ వ్యవస్థ పనిచేయకపోతే, దానిని రిపేర్ చేయించండి.
- అలాగే ఫ్రీజర్ ఉష్ణోగ్రతను చాలా తక్కువగా ఉంచవద్దని నిపుణులు సూచిస్తున్నారు.
రోజుకు ఎవరెన్ని నీళ్లు తాగాలో తెలుసా? - అధ్యయనాలు ఏం చెప్తున్నాయంటే!
బొడ్డుతాడు ప్రాధాన్యమేంటి! - సెలబ్రిటీలు ఎందుకు దాచుకుంటున్నారు?
