Meal Maker Masala Curry in Telugu: మీల్ మేకర్తో చేసే ఏ వంటకమైనా సరే నిమిషాల్లో రెడీ అవుతుంది. అంతే కాదు టేస్ట్ కూడా సూపర్గా ఉంటుంది. అందుకే చాలా మంది వీటిని తినేందుకు ఇంట్రెస్ట్ చూపిస్తుంటారు. ఇక వెజ్ ప్రియులైతే వీటితో వెరైటీ వంటకాలు చేస్తుంటారు. అయితే ఎప్పుడూ ఒకటే రకం కాకుండా.. ఈసారి కాస్త కొత్తగా మీల్ మేకర్ మసాలా కర్రీని ట్రై చేయండి. ఈ కర్రీని చాలా ఈజీగా ఫాస్ట్గా చేసుకోవచ్చు. దీనిని అన్నం, చపాతీ, బిర్యానీ ఇలా ఎందులోకి తిన్నా సరే.. చాలా రుచిగా ఉంటుంది. చాలా ప్రోటీన్లతో నిండిన ఆహారం కావడం వల్ల ఆరోగ్యానికి కూడా మంచిదట. మరి ఇందులోకి కావాల్సిన పదార్థాలు ఏంటి? తయారీ విధానం ఎలాగో ఇప్పుడు తెలుసుకుందాం.
కావాల్సిన పదార్థాలు
- ఒక కప్పు మీల్ మేకర్
- ఒక టీ స్పూన్ జీలకర్ర
- ఒక ఇంచు దాల్చిన చెక్క
- 4 లవంగాలు
- రెండు యాలకలు
- ఒక కప్పు ఉల్లిపాయ ముక్కలు
- ఒక టీ స్పూన్ అల్లం వెల్లుల్లి పేస్ట్
- 2 రెబ్బల కరివేపాకు
- 2 పచ్చిమిరపకాయ ముక్కలు
- పావు టీ స్పూన్ పసుపు
- ఒకటిన్నర టీ స్పూన్ కారం
- రుచికి సరిపడా ఉప్పు
- నూనె
- వెన్న (ఆప్షనల్)
మసాలా కోసం కావాల్సిన పదార్థాలు
- రెండు ఇంచుల దాల్చిన చెక్క
- 4 లవంగాలు
- 2 యాలకులు
- ఒక టీ స్పూన్ గసగసాలు
- ఒక టేబుల్ స్పూన్ జీడిపప్పు
- ఒక టీ స్పూన్ ధనియాలు
- అర టీ స్పూన్ జీలకర్ర
- 3 ఇంచుల ఎండు కొబ్బరి
- ఒక టమాట ముక్కలు
- 2 టేబుల్ స్పూన్ల పెరుగు
- ఒక టీ స్పూన్ కసూరి మెతి(ఆప్షనల్)
- ఒక టేబుల్ స్పూన్ పుదీనా
- కొద్దిగా కొత్తిమీర
- తయారీ విధానం
- ముందుగా మసాలా కోసం మిక్సీ జార్లో దాల్చిన చెక్క, లవంగాలు, యాలకలు, గసగసాలు, జీడిపప్పు, ధనియాలు, జీలకర్ర, ఎండు కొబ్బరి వేసుకుని గ్రైండ్ చేసుకోవాలి.
- ఆ తర్వాత ఇందులోకి టమాట ముక్కలు, పెరుగు వేసి మరోసారి గ్రైండ్ చేసుకుంటే మసాలా రెడీ అయిపోతుంది.
- ఇప్పుడు స్టౌ ఆన్ చేసి ఓ గిన్నెలో రెండు కప్పుల నీటిని పోసి మూతపెట్టి మరిగించాలి.
- నీరు మరిగాక స్టౌ ఆఫ్ చేసి ఇందులోకి ఒక కప్పు మీల్ మేకర్ వేసుకుని మెత్తపడేవరకు 2 నిమిషాలు ఉంచాలి.
- అనంతరం వాటిని గట్టిగా పిండి నీరు లేకుండా చేసి పక్కకు పెట్టుకోవాలి.
- ఇప్పుడు స్టౌ ఆన్ చేసి కడాయి పెట్టుకుని నూనె, వెన్న పోసి వేడి చేసుకోవాలి.
- ఆ తర్వాత జీలకర్ర, లవంగాలు, యాలకలు, దాల్చిన చెక్క వేసి ఫ్రై చేయండి.
- అనంతరం ఉల్లిపాయ ముక్కలు వేసి ఎర్రగా మారేవరకు వేగనివ్వండి
- ఇప్పుడు అల్లం వెల్లుల్లి పేస్ట్ వేసి పచ్చి వాసన పోయే వరకు ఫ్రై చేయాలి.
- ఇందులోకి కరివేపాకు, పచ్చిమిరపకాయ ముక్కలు వేసి లైట్గా వేగనివ్వండి
- అనంతరం పసుపు, కారం, ఉప్పు వేసి బాగా కలిపి.. ఆ తర్వాత మిక్సీ పట్టుకున్న మసాలాను వేసుకోవాలి.
- ఆయిల్ పైకి తేలేంత వరకు ఫ్రై చేసుకున్న తర్వాత ఉడికించుకున్న మీల్ మేకర్ను వేసుకోవాలి.
- ఇందులోనే కసూరి మెతి, పుదీనా వేసుకుని బాగా కలపి.. గ్రేవీ కోసం నీళ్లు పోసుకోవాలి.
- ఇప్పుడు దీనిని ఒకసారి కలిపి మూత పెట్టుకుని సుమారు 5 నిమిషాల పాటు ఉడికించాలి.
- ఆ తర్వాత స్టౌ ఆఫ్ చేసి కొత్తిమీరను గార్నిష్ చేసుకుంటే టేస్టీ టేస్టీ మసాలా మీల్ మేకర్ కర్రీ రెడీ!
