Gummadikaya Pappu Charu Recipe : ఆరోగ్యానికి ఎంతో మేలు చేసే గుమ్మడికాయతో ఏ రెసిపీ చేసినా టేస్ట్ అద్దిరిపోతుంది. చాలా మంది గుమ్మడికాయతో హల్వా, కూర వంటి రకరకాల వంటలను ప్రిపేర్ చేస్తుంటారు. అయితే, ఈ సారి గుమ్మడికాయతో ఎంతో కమ్మగా పప్పు చారు చేసుకోండి. ఈ స్టోరీలో చెప్పిన విధంగా పప్పు చారు చేస్తే అన్నం రెండు ముద్దలు ఎక్కువే తింటారు. పైగా ఈ పప్పు చారు ఆరోగ్యానికి ఎంతో మేలు చేస్తుంది. మరి ఇక ఆలస్యం చేయకుండా సింపుల్గా గుమ్మడికాయ పప్పు చారు ఎలా చేయాలో ఓ లుక్కేయండి..
కావాల్సిన పదార్థాలు :
- కందిపప్పు- కప్పు
- నీళ్లు - సరిపడా
- గుమ్మడికాయ ముక్కలు- 2 కప్పులు
- ఉల్లిపాయలు- 2
- కారం- 2 టీస్పూన్లు
- ధనియాల పొడి-టీస్పూన్
- క్యారెట్-1
- టమాటా-2
- పసుపు- అరటీస్పూను
- జీలకర్ర-టీస్పూను
- కొత్తిమీర తరుగు
- చింతపండు రసం - కప్పు
- బెల్లంతురుము- 2 టేబుల్‌స్పూన్లు
- పచ్చి కొబ్బరి తురుము- 2 టేబుల్‌స్పూన్లు
తాలింపు కోసం..
- ఆవాలు- టీస్పూను
- జీలకర్ర-టీస్పూను
- కరివేపాకు- 2 రెబ్బలు
- వెల్లుల్లి రెబ్బలు-4
- ఎండుమిర్చి- 2
- నూనె- 2 టేబుల్‌స్పూన్లు
తయారీ విధానం :
- ముందుగా కందిపప్పు శుభ్రంగా కడిగి ప్రెషర్ కుక్కర్లోకి తీసుకోవాలి. అందులోకి రెండున్నర కప్పుల నీళ్లు, కొద్దిగా పసుపు యాడ్‌, జీలకర్ర వేసి సన్నని మంట మీద 3 విజిల్స్‌ వచ్చే వరకు ఉడికించుకోవాలి.
- తర్వాత ఉడికించుకున్న పప్పుని గరిటెతో మెదుపుకోవాలి.
- అలాగే గుమ్మడికాయ చెక్కు తీసుకుని ముక్కలుగా కట్ చేయాలి. పచ్చిమిర్చి, ఉల్లిపాయ, టమాటా, క్యారెట్ ముక్కలుగా కట్ చేయండి.
- ఇప్పుడు స్టౌపై పప్పు చారు చేయడం కోసం గిన్నె పెట్టండి. ఇందులో నూనె వేసి వేడి చేయండి.
- ఆపై ఉల్లిపాయ, పచ్చిమిర్చి వేసి ఫ్రై చేయండి. ఉల్లిపాయలు మెత్తబడిన తర్వాత గుమ్మడికాయ, క్యారెట్ ముక్కలు వేసి మగ్గించండి.
- తర్వాత టమాటా ముక్కలు వేసి వేపండి.
- టమాటాలు మెత్తబడిన తర్వాత కారం, ధనియాల పొడి, ఉప్పు వేసి మిక్స్ చేయండి. ఇప్పుడు బెల్లం తరుగు వేసి కలపండి.
- అనంతరం చింతపండు రసం పోసి మిక్స్ చేయండి. ఒక రెండు నిమిషాల తర్వాత ఉడికించుకున్న పప్పు వేసుకోండి.
- అలాగే సరిపడా వాటర్ పోసుకుని.. పప్పుని స్టౌ మీడియం ఫ్లేమ్లో ఉంచి 10-15 నిమిషాలు మరిగించుకోండి.
- ఇప్పుడు పచ్చి కొబ్బరి తురుము వేసి కలపండి.
- ఆపై తాలింపు కోసం మరో స్టౌపై పాన్ పెట్టండి. ఇందులో 2 టేబుల్స్పూన్ల ఆయిల్ వేసి ఆవాలు, జీలకర్ర వేసి వేపండి. ఇప్పుడు ఎండుమిర్చి, కచ్చాపచ్చాగా దంచిన వెల్లుల్లి వేసి ఫ్రై చేయండి. తాలింపు దోరగా వేగిన తర్వాత మరుగుతున్న పప్పు చారులో వేసి కలపండి.
- అలాగే కాస్త కొత్తిమీర తరుగు చల్లండి. ఒక రెండు నిమిషాల తర్వాత స్టౌ ఆఫ్ చేస్తే సరిపోతుంది.
- ఇలా చేస్తే ఎంతో రుచికరమైన ఘుమఘుమలాడే గుమ్మడికాయ పప్పు చారు మీ ముందుంటుంది.
- ఈ పప్పు చారు వేడివేడి అన్నంలోకి టేస్ట్ సూపర్గా ఉంటుంది.
- ఈ పప్పు చారు నచ్చితే మీరు ఓ సారి ట్రై చేయండి.
బరువు తగ్గించే "జొన్న గుమ్మడికాయ సూప్" - ప్రిపరేషన్ చాలా ఈజీ! - బీపీ, షుగర్కూ చక్కటి మెడిసిన్!
క్రిస్పీ అండ్ టేస్టీ "గుమ్మడికాయ ఫ్రైస్" - సింపుల్గా చేసుకోండిలా! - ఫ్రెంచ్ ఫ్రైస్ కంటే ఈజీ!
