Arati Poratu Recipe : ఏడాది పొడవునా లభ్యమవుతూ, అందరికీ అందుబాటులో ఉండే వాటిలో అరటికాయ కూడా ఒకటి. సాధారణంగా మనలో చాలా మంది అరటికాయతో పులుసు, వేపుడు, కర్రీ వంటి రెసిపీలను ట్రై చేస్తుంటాం. అలాగే చిప్స్, అరటికాయ బజ్జీ స్నాక్స్ చేసుకుని ఎంతో ఇష్టంగా ఆరగిస్తుంటాం. అయితే, అరటికాయలతో ఎప్పుడూ ఒకేలా కాకుండా ఈ సారి కాస్త కొత్తగా అరటి పొరటు ట్రై చేయండి. వేడివేడి అన్నంలోకి ఈ రెసిపీ టేస్ట్ అద్దిరిపోతుంది. అరటి పొరటు చేయడానికి ఎక్కువ టైమ్ పట్టదు. ఇలా చేస్తే నిమిషాల్లోనే తయారైపోతుంది. మరి ఇక ఆలస్యం చేయకుండా.. కమ్మటి అరటిపొరటు ఎలా చేయాలో ఓ లుక్కేయండి..
కావాల్సిన పదార్థాలు :
- కూర అరటికాయలు-2
- పచ్చికొబ్బరి తురుము- అర కప్పు
- నూనె-సరిపడా
- ఆవాలు- అర టీస్పూన్‌
- ఇంగువ- చిటికెడు
- మినప్పప్పు-ఒక టీస్పూన్‌
- శనగపప్పు- ఒక టీస్పూన్‌
- పసుపు- పావు టీస్పూన్‌
- ఎండుమిర్చి- 2
- పచ్చిమిర్చి-1
- అల్లం-చిన్న ముక్క (తురుముకోవాలి)
- ఉల్లిపాయ- 1
- ఉప్పు- రుచికి సరిపడా
- కారం- టీస్పూన్‌
- కొత్తిమీర తరుగు- కొద్దిగా
- నిమ్మరసం- రెండు టీస్పూన్లు
తయారీ విధానం :
- ముందుగా అరటికాయలను శుభ్రంగా కడిగి కుక్కర్లో వేసుకోవాలి. ఆ తర్వాత కొన్ని నీళ్లు పోసుకుని కుక్కర్లో ఒక కూత వచ్చేవరకు ఉడకబెట్టాలి.
- ఆ తర్వాత స్టౌ ఆఫ్ చేసి.. కుక్కర్లో ఉన్న ప్రెషర్ మొత్తం పోయిన తర్వాత బయటకు తీసి చల్లార్చాలి. ఆపై తొక్క తీసేసి సన్నగా తురుముకోవాలి.
- అలాగే ఉల్లిపాయ, పచ్చిమిర్చి సన్నగా కట్ చేసి పెట్టుకోవాలి.
- ఇప్పుడు స్టౌపై పాన్ పెట్టి కొద్దిగా ఆయిల్ వేయండి. నూనె వేడయ్యాక జీలకర్ర, ఆవాలు, మినప్పప్పు, శనగపప్పు వేసి ఫ్రై చేసుకోండి.
- ఆ తర్వాత ఎండుమిర్చి, అల్లం తురుము, ఉల్లిపాయ, పచ్చిమిర్చి ముక్కలు వేసి కలపాలి.
- ఉల్లిపాయలు రంగు మారిన తర్వాత అరటి కాయ తురుము వేసి మిక్స్ చేయాలి. ఆపై కారం, ఉప్పు, పసుపు, ఇంగువ వేసి కలపండి.
- మసాలా మిశ్రమం కర్రీకి బాగా పట్టేలా కలపండి. అవసరమైతే కొన్ని నీళ్లను చల్లుకోండి.
- స్టౌ మీడియం ఫ్లేమ్లో అడ్జస్ట్ చేసుకుని 5 నిమిషాలు మగ్గించుకోండి.
- ఆ తర్వాత కొబ్బరి తురుము, నిమ్మరసం, కొత్తిమీర తరుగు చల్లి కలిపి.. స్టౌ ఆఫ్ చేయండి.
- ఇంతే.. ఇలా చేస్తే ఎంతో టేస్టీగా ఉండే అరటికాయ పొరటు మీ ముందుంటుంది.
- ఈ రెసిపీనీ చాలా సింపుల్గా ప్రిపేర్ చేయడంతోపాటు.. అద్దిరిపోయే టేస్ట్ ను ఆస్వాదించొచ్చు. పిల్లలు చాలా ఇష్టంగా లాగిస్తారు.
- మీకు నచ్చితే.. ఓసారి తప్పకుండా ఈ అరటికాయ పొరటు ట్రై చేయండి.
ఇవి కూడా చదవండి :
