How to Make Gunta Ponganalu in Telugu : చాలా మంది ఇళ్లలో ఎప్పుడూ ఇడ్లీ, దోశ, వడ, ఉప్మా, పెసరట్లేనా.. అంటూ పిల్లల నుంచి పెద్దల వరకు బోరింగ్గా ఫీల్ అవుతుంటారు. అలాంటి వారికోసమే ఒక సూపర్ రెసిపీ పట్టుకొచ్చాం. అదే.. "గుంట పొంగనాలు విత్ పచ్చిమిర్చి చట్నీ". ఈ కాంబినేషన్లో గుంట పొంగనాలను తిన్నారంటే పిల్లలే కాదు ఎవరైనా మళ్లీ మళ్లీ కావాలనాల్సిందే. అంత రుచికరంగా ఉంటుంది గుంట పొంగనాలు విత్ పచ్చిమిచ్చి పచ్చడి కాంబినేషన్! ఇంతకీ, వీటి తయారీకి కావాల్సిన పదార్థాలేంటి? ఎలా ప్రిపేర్ చేసుకోవాలి? అనే వివరాలు ఇప్పుడు తెలుసుకుందాం.
కావాల్సిన పదార్థాలు :
- మినపపప్పు - 1 గ్లాసు
- బియ్యం - 3 గ్లాసులు
- శనగపప్పు - 5 చెంచాలు
- మెంతులు - 1 చెంచా
- ఉల్లిపాయలు - 2
- కరివేపాకు - కొద్దిగా
పచ్చడి కోసం :
- పచ్చిమిర్చి - 25
- టమాటాలు - 2
- ఉల్లిపాయ - 1
- జీలకర్ర - 1 చెంచా
- వెల్లుల్లి రెబ్బలు - 8(పొట్టు తీసినవి)
- చింతపండు - చిన్న నిమ్మకాయ సైజంత
- కరివేపాకు - కొద్దిగా
- ఉప్పు - రుచికి సరిపడా
- నూనె - 2 చెంచాలు
సూపర్ బ్రేక్ఫాస్ట్ రెసిపీ - పుల్లపుల్లని "సేమియా పులిహోర" - నిమిషాల్లో ప్రిపేర్ చేసుకోండిలా!
తయారీ విధానం :
- ఇందుకోసం ముందుగా రెసిపీలోకి కావాల్సిన బియ్యం, మినపపప్పు, 2 చెంచాల శనగపప్పు, మెంతులన్నింటినీ కలిపి ఒక గిన్నెలో సుమారు 4 గంటలపాటు నానబెట్టుకోవాలి.
- ఆ తర్వాత రెండు, మూడు సార్లు శుభ్రంగా కడుక్కోవాలి. ఆపై మిక్సీ జార్లో కొద్దికొద్దిగా వేసుకుంటూ కొన్ని వాటర్ యాడ్ చేసుకుంటూ మెత్తగా గ్రైండ్ చేసుకొని రాత్రంతా పులియబెట్టుకోవాలి.
- అనంతరం నెక్ట్ డే పొంగనాలు ప్రిపేర్ చేసుకోవడానికి మూడు గంటల ముందు మూడు చెంచాల శనగపప్పును ఒక చిన్న బౌల్లో నానబెట్టుకోవాలి. ఆపై పొంగనాలు వేసుకునేటప్పుడు ఆ పప్పును పిండిలో కలుపుకొని వాటిని వేసుకుంటే చాలా రుచికరంగా వస్తాయి.
- ఇప్పుడు రాత్రి మొత్తం పులియబెట్టుకున్న పిండిని తీసుకొని ఉప్పు వేసి ఒకసారి బాగా కలుపుకొని పక్కన పెట్టుకోవాలి.
- తర్వాత పిండిలో కలుపుకోవడానికి ఉల్లిపాయలను సన్నగా తరుక్కోవాలి. అలాగే కరివేపాకును సన్నగా తరిగి పెట్టుకోవాలి.
- అనంతరం తరిగి పెట్టుకున్న ఉల్లిపాయ, కరివేపాకు సన్నని తరుగు, నానబెట్టుకున్న శనగపప్పును పిండిలో వేసుకొని అన్నీ కలిసేలా బాగా మిక్స్ చేసుకొని పక్కన ఉంచుకోవాలి.
దోశలు క్రిస్పీగా రావడం లేదా? ఈ టిప్స్ పాటిస్తూ వేస్తే సూపర్ క్రిస్పీతో పాటు టేస్ట్ అద్దిరిపోతాయి!
- అయితే, పొంగనాలు వేసుకోవడానికి ముందుగా పచ్చిమిర్చి పచ్చడిని ప్రిపేర్ చేసుకుందాం. ఇందుకోసం మొదటగా ఉల్లిపాయ, టమాటాలను తరిగిపెట్టుకోవాలి. అలాగే పచ్చిమిర్చిని మీడియం సైజ్ ముక్కలుగా కట్ చేసుకోవాలి.
- ఇప్పుడు స్టౌపై పాన్ పెట్టుకొని ఆయిల్ వేసుకోవాలి. నూనె కాస్త వేడయ్యాక తరిగి పెట్టుకున్న ఉల్లిపాయ, టమాటా ముక్కలు, జీలకర్ర, వెల్లుల్లి రెబ్బలు, చింతపండు, కరివేపాకు ఇలా ఒక్కొక్కటిగా వేసుకొని కాసేపు వేయించుకోవాలి.
- ఆ తర్వాత పచ్చిమిర్చి, ఉప్పు కూడా వేసుకొని ఇంగ్రీడియంట్స్ అన్నీ బాగా మగ్గే వరకు ఉడికించుకోవాలి.
- ఆవిధంగా ఉడికించుకున్నాక మిశ్రమాన్ని కొద్దిగా చల్లారనివ్వాలి. ఆపై మిక్సీ జార్లో వేసుకొని మెత్తగా రుబ్బుకొని పక్కన ఉంచుకోవాలి.
- ఒక ఇప్పుడు పొంగనాలు వేసుకోవాలి. అందుకోసం స్టౌపై గుంట పొంగనాల పాత్ర పెట్టుకొని అన్నీ గుంటలలో అర చెంచా చొప్పున ఆయిల్ పోసుకోవాలి.
- అనంతరం ముందుగా ప్రిపేర్ చేసుకున్న పిండిని తీసుకొని మరోసారి కలుపుకొని కొద్దికొద్దిగా తీసుకుంటూ ఒక్కో గుంటలో పిండిని నింపుకోవాలి.
- తర్వాత స్టౌను మీడియం ఫ్లేమ్లో ఉంచి ఒక వైపు బాగా కాలాక మరోవైపునకు తిప్పుకొని కాల్చుకోవాలి. ఇలా రెండు వైపులా గోల్డెన్ కలర్ వచ్చేంత వరకు కాల్చుకొని ఒక బౌల్లోకి తీసుకోవాలి.
- ఆపై ఈ పొంగనాలను వేడివేడిగా ఒక సర్వింగ్ ప్లేట్లోకి తీసుకొని ముందుగా ప్రిపేర్ చేసుకున్న టమాటా చట్నీ వేసుకొని తింటుంటే ఉంటుంది ఆ టేస్ట్ నా సామిరంగా అనాల్సిందే. అంత అద్భుతమైన ఫీలింగ్ కలుగుతుంది!
- మరి, ఇంకెందుకు ఆలస్యం మీరూ ఈ సూపర్ టేస్టీ "గుంట పొంగనాలు + స్పైసీ పచ్చిమిర్చి చట్నీ" డెడ్లీ కాంబినేషన్ను ఇంట్లో ఓసారి ట్రై చేయండి!
సేమియా ఉప్మా ముద్ద ముద్దగా అవుతోందా? - ఇలా చేస్తే పొడిపొడిగా చాలా రుచికరంగా ఉంటుంది!
