How to Clean Stainless Steel Taps Easily: ఇంటిని అందంగా మార్చడానికి మహిళలు నిత్యం ప్రయత్నిస్తూనే ఉంటారు. ఇందులో భాగంగానే సింక్, బాత్రూమ్లను తరచుగా క్లీన్ చేస్తుంటారు. అయితే, చాలా మంది మహిళలు బాత్రూమ్, కిచెన్ మొత్తం క్లీన్ చేస్తారు. కానీ.. స్టెయిల్‌లెస్‌ స్టీల్ ట్యాప్స్పై పేరుకుపోయిన మరకలను అంతగా పట్టించుకోరు. దీంతో వాటిపై మరకలు పేరుకపోయి జిడ్డుగా తయారవుతుంటాయి. కొంతమంది ఈ మరకలను మాయం చేయడానికి మార్కెట్లో దొరికే ఏవేవో కెమికల్స్ను ఉపయోగిస్తారు. అయితే, ఇవేవి లేకుండా ఇంట్లో ఉండే పదార్థాలతోనే ట్యాప్స్ను కొత్త వాటిలా మెరిపించవచ్చని నిపుణులు సూచిస్తున్నారు. అవేంటో మీరు చూసేయండి..
నిమ్మరసం : చిన్న గిన్నెలో కొద్దిగా సర్ఫ్‌ తీసుకుని అందులో నిమ్మరసం పిండండి. దీనిని బాగా కలపండి. తర్వాత జిడ్డు మరకలున్న ట్యాప్‌పైన ఈ మిశ్రమాన్ని కొద్దిగా పూయండి. ఇప్పుడు స్క్రబర్‌తో రుద్దండి. ఐదు నిమిషాల తర్వాత క్లీన్ చేయండి. అంతే ఇలా సులభంగా ట్యాప్‌పైన ఉన్న మొండి మరకలను తొలగించుకోవచ్చు.
టూత్ పేస్ట్ : మనం బ్రష్‌ చేయడానికి డైలీ యూజ్ చేసే.. టూత్‌పేస్ట్‌తోనూ ట్యాప్‌లను క్లీన్ చేయొచ్చు. అదేలాగో ఇప్పుడు చూద్దాం. ఫస్ట్ పాత బ్రష్‌పై కొద్దిగా పేస్ట్ అప్లై చేసి మురికిగా ఉన్న ట్యాప్‌లను బాగా రుద్దాలి. ఒక పది నిమిషాల తర్వాత వాటర్తో క్లీన్ చేస్తే సరిపోతుంది. ఇలా చేస్తే ట్యాప్లపైన ఉన్న ఎలాంటి మొండి మరకలైనా తొలగిపోతాయి.
వెనిగర్ : ఒక గిన్నెలో కొద్దిగా వైట్‌ వెనిగర్ తీసుకుని.. అందులో కొద్దిగా వాటర్ కలపండి. తర్వాత ఇందులో స్పాంజ్‌ లేదా స్క్రబర్‌ వేసి.. 5 నిమిషాలు అలా వదిలేయండి. ఇప్పుడు స్క్రబర్‌తో మురికిగా ఉన్న స్టీల్ ట్యాప్‌లను బాగా రుద్దండి. ఐదు నిమిషాల తర్వాత వాటర్తో కడిగేయండి. ఇలా వారానికి ఒకసారి క్లీన్ చేయడం వల్ల ట్యాప్‌లు ఎప్పుడూ కొత్తవాటిలా మెరుస్తాయి.
బేకింగ్ సోడా, నిమ్మరసం : ముందుగా ఒక గిన్నెలో రెండు టేబుల్స్పూన్ల బేకింగ్ సోడా తీసుకుని.. అందులో ఒక నిమ్మకాయ పిండుకోవాలి. ఈ మిశ్రమాన్ని బాగా కలపాలి. తర్వాత జిడ్డుగా ఉన్న ట్యాప్స్పై ఈ మిశ్రమాన్ని కొద్దిగా వేసి నిమ్మచెక్కతో రుద్దాలి. ఇలా చేస్తే ఈజీగా ట్యాప్స్ క్లీన్ చేసుకోవచ్చు. ఈ చిన్న టిప్స్ పాటించడం వల్ల స్టెయిన్లెస్ స్టీల్ ట్యాప్స్ ఈజీగా క్లీన్ చేసుకోవచ్చని నిపుణులు సూచిస్తున్నారు.
ఇవి కూడా చదవండి :
ఎంత తోమినా గిన్నెల మీద జిడ్డు పోవడం లేదా? - ఇలా చేస్తే చాలు చిటికెలో మాయం!
