Best Food to Avoid Irregular Periods as per Ayurveda: ఈరోజుల్లో చాలా మంది మహిళలు పీరియడ్స్ ప్రాబ్లమ్స్తో ఇబ్బందులు ఎదుర్కొంటున్నారు. ముఖ్యంగా నెలసరి సక్రమంగా రాకపోవడం, బ్లీడింగ్ సరిగా కాకపోవడం వంటి సమస్యలను ఫేస్ చేస్తున్నారు. దీని కారణంగా శరీరంలో అంతర్గతంగా పలు ఆరోగ్య సమస్యలు స్టార్ట్ అవుతాయి. అంతేకాదు.. పీరియడ్స్(Periods) టైమ్కు రాకపోవడం మానసిక ఆరోగ్యంపై ప్రభావం చూపుతుంది. మరి మీరూ ఇలాంటి సమస్యతో ఇబ్బందిపడుతున్నారా? అయితే, నేచురల్గా ఈ ప్రాబ్లమ్ను తగ్గించుకోవచ్చంటున్నారు ఆయుర్వేదిక్ కన్సల్టెంట్ డాక్టర్ గాయత్రీ దేవీ. అందుకోసం మీరు చేయాల్సిందల్లా.. ఇప్పుడు చెప్పబోయే కర్రీని మీ ఆహారంలో భాగం చేసుకోవాలని సూచిస్తున్నారు. ఇంతకీ, ఆ కర్రీ ఏంటి? కావాల్సిన పదార్థాలేంటి? ఎలా ప్రిపేర్ చేసుకోవాలి? ఏవిధంగా తీసుకోవాలి? అనే వివరాలు ఈ స్టోరీలో తెలుసుకుందాం.
పీరియడ్స్ సక్రమంగా రావడానికి ఆయుర్వేద నిపుణులు సూచిస్తున్న ఆ కర్రీ పేరు.. పచ్చిబొప్పాయి కూర. దీన్ని నెలసరి సమస్య ఉన్న వారు వారంలో కనీసం రెండు నుంచి మూడు సార్లు తీసుకోవడం ద్వారా మంచి ఫలితం ఉంటుందంటున్నారు డాక్టర్ గాయత్రీ దేవీ. తరచుగా ఈ కర్రీని తీసుకుంటున్నట్లయితే నెలసరి సమస్య ఉన్నవారిలో హార్మోన్ల అసమతుల్యత తగ్గి నెలనెలా పీరియడ్స్ సక్రమంగా రావడానికి దోహదపడుతుందంటున్నారు. ఎందుకంటే.. బొప్పాయికి(Papaya) శరీరంలో వేడిని పుట్టించి నెలసరి సక్రమంగా వచ్చేలా చేసే గుణం ఉంటుందని చెబుతున్నారు. ఇకపోతే ఈ కర్రీకి కావాల్సిన పదార్థాలను ఇప్పుడు చూద్దాం.
కావాల్సిన పదార్థాలు :
- పచ్చిబొప్పాయి - 1
- చింతపండు - మీడియం సైజ్ నిమ్మకాయంత
- నువ్వుల నూనె - 2 టేబుల్ స్పూన్లు
- కొత్తిమీర తరుగు - కొద్దిగా
- జీలకర్ర - 1 టేబుల్స్పూన్
- ఆవాలు - 1 టేబుల్స్పూన్
- ఉప్పు - రుచికి సరిపడా
- ఇంగువ - చిటికెడు
పీరియడ్స్ నొప్పుల కోసం మందులా? - వద్దే వద్దు - ఇలా చేస్తే ఫుల్ రిలీఫ్!
తయారీ విధానం :
- ఇందుకోసం ముందుగా ఒక పచ్చి బొప్పాయిని తీసుకొని శుభ్రంగా కడిగి సగానికి కట్ చేసుకోవాలి. ఆపై అందులో ఒక సగం తీసుకొని చెక్కుతో సహా పచ్చిగా ఉండే భాగాన్ని సన్నగా తురుముకొని పక్కన పెట్టుకోవాలి.
- ఇప్పుడు స్టౌపై పాన్ పెట్టుకొని నువ్వుల నూనె వేసుకోవాలి. అది కాస్త హీట్ అయ్యాక ఆవాలు, జీలకర్ర, ఇంగువ వేసి కలుపుకుంటూ కాసేపు వేయించుకోవాలి.
- తాళింపు వేగాక.. బొప్పాయి తురుమును అందులో వేసుకొని కలుపుకోవాలి. ఆపై మూతపెట్టి బొప్పాయి తురుము మెత్తగా ఉడికే వరకు ఉడికించుకోవాలి.
- అది ఉడికేలోపు మీరు దాంట్లోకి కావాల్సిన చింతపండును ఒక చిన్న బౌల్లో నానబెట్టుకోవాలి. అదే విధంగా కొన్ని ఆవాలను కొంచం వాటర్ వేసుకొని నూరి పక్కన పెట్టుకోవాలి. అలాగే కొత్తిమీరను సన్నగా తరిగి పక్కన ఉంచుకోవాలి.
- ఇప్పుడు బొప్పాయి మిశ్రమం ఉడికిందనుకున్నాక.. చింతపండు రసం, ఆవాల పేస్ట్ వేసుకొని కలుపుకొని మరికాసేపు కర్రీని ఉడకనివ్వాలి.
- ఆ తర్వాత కొద్దిగా ఉప్పు వేసుకొని కలుపుకోవాలి. ఇక చివరగా.. కొత్తిమీర తరుగు వేసుకొని మిక్స్ చేసుకొని కాసేపు ఉంచి దించుకుంటే చాలు. అంతే.. నెలసరి సక్రమంగా రావడానికి తోడ్పడే బొప్పాయి కర్రీ రెడీ!
పీరియడ్స్ టైమ్లో పెయిన్ కిల్లర్స్ వాడుతున్నారా? - ఈ విషయాలు తెలియకపోతే ఇబ్బందే!
