కార్తికమాసం స్పెషల్ : ఉల్లి, వెల్లుల్లి లేని "వంకాయ తవా ఫ్రై" - చిటికెలో చేసుకోండిలా!

సాంబార్​, రసంలోకి అద్దిరిపోయే సైడ్ డిష్ - 'తవా వంకాయ వేపుడు' ఓసారి ట్రై చేయండిలా!

Brinjal Tawa Fry Recipe in Telugu : కార్తికమాసంలో చాలా మంది ఉల్లి, వెల్లుల్లికి దూరంగా ఉంటారు. అలాంటి వారు అవి లేకుండా ఏదైనా రుచికరమైన కర్రీ ప్రిపేర్ చేసుకోవాలనుకున్నప్పుడు ఓసారి ఈ అద్దిరిపోయే ఫ్రై రెసిపీని ట్రై చేయండి. అదే.. "వంకాయ తవా ఫ్రై". అలాగే, ఇంట్లో సాంబార్, రసం చేసుకున్నప్పుడు అందులోకి సైడ్ డిష్​ ప్రిపేర్ చేసుకోవాలనుకున్నప్పుడూ దీన్ని చేసుకోండి. కాంబినేషన్​ సూపర్ ఉంటుంది! అందరూ చాలా ఇష్టంగా తింటారు. పైగా ఈ రెసిపీని చాలా తక్కువ సమయంలో సింపుల్​గా రెడీ చేసుకోవచ్చు. మరి, ఈ సూపర్ టేస్టీ రెసిపీకి కావాల్సిన పదార్థాలేంటి? ఎలా తయారు చేసుకోవాలో ఇప్పుడు చూద్దాం.

కావాల్సిన పదార్థాలు :

• గుత్తొంకాయలు - 2(మీడియం సైజ్​వి)
• నూనె - తగినంత
• శనగపిండి - పావు కప్పు
• కార్న్​ఫ్లోర్ - 2 టేబుల్​స్పూన్లు
• కారం - తగినంత
• పసుపు - అరటీస్పూన్
• ధనియాల పొడి - 1 టీస్పూన్
• జీలకర్ర పొడి - పావుటీస్పూన్
• ఆమ్​చూర్ పౌడర్ - పావుటీస్పూన్
• గరంమసాలా పౌడర్ - అరటీస్పూన్
• ఇంగువ - కొద్దిగా
• ఉప్పు - రుచికి సరిపడా
• కొత్తిమీర తరుగు - కొద్దిగా

తయారీ విధానం :

• ఇందుకోసం ముందుగా పర్పుల్ కలర్​లో ఉండే​ మీడియం సైజ్ గుత్తొంకాయలను తీసుకొని శుభ్రంగా కడిగి పావు ఇంచు మందంతో సన్నని స్లైసెస్​గా కట్ చేసుకోవాలి.
• తర్వాత కట్ చేసుకున్న ఆ ముక్కలన్నింటినీ ఒక బౌల్​లో ఉప్పు వేసిన నీటిలో వేసుకొని 5 నిమిషాల పాటు నాననివ్వాలి.
• ఈలోపు రెసిపీలోకి కావాల్సిన మసాలా మిశ్రమాన్ని ప్రిపేర్ చేసుకోవాలి. ఇందుకోసం ఒక మిక్సింగ్ బౌల్​ తీసుకొని అందులో శనగపిండి, కార్న్​ఫ్లోర్​, కారం, పసుపు, ధనియాల పొడి, జీలకర్ర పొడి, ఆమ్​చూర్ పౌడర్, గరంమసాలా పౌడర్, ఇంగువ, ఉప్పు.. ఇలా ఒక్కొక్కటిగా వేసుకొని ఇంగ్రీడియంట్స్ అన్నీ కలిసేలా చేతితో బాగా కలుపుకోవాలి.
• అనంతరం ఉప్పు నీటిలో నానబెట్టుకున్న ఒక వంకాయ స్లైస్​ని తీసుకొని వాటర్ లేకుండా కాస్త దులిపి మీరు ప్రిపేర్ చేసుకున్న మసాలా పిండి మిశ్రమంలో వేసి దానికి రెండు వైపులా పిండి అంటేంత వరకు చక్కగా కోట్ చేసుకొని ఒక ప్లేట్​లోకి తీసుకోవాలి. ఇలా వంకాయ ముక్కలన్నింటినీ పిండిలో మంచిగా కోట్ చేసుకొని పక్కన ఉంచుకోవాలి.
• ఇప్పుడు వాటిని షాలో ఫ్రై చేసుకోవాలి. ఇందుకోసం స్టౌపై తవా పెట్టుకొని ఆయిల్ వేసుకోవాలి. నూనె కాస్త హీట్ అయ్యాక పాన్​​లో సరిపోయే విధంగా నాలుగు లేదా ఐదు కోట్ చేసుకున్న వంకాయ ముక్కలను వేసుకోవాలి.
• ఆపై స్టౌను మీడియం ఫ్లేమ్​లో ఉంచి వాటిపై క్రిస్పీ లేయర్ వచ్చేంత వరకు గరిటెతో టర్న్ చేసుకుంటూ జాగ్రత్తగా ఫ్రై చేసుకోవాలి. ఒకవేళ ఆయిల్ సరిపోకపోతే కొద్దిగా యాడ్ చేసుకోవచ్చు.
• ఇక చివరగా వంకాయ ముక్కలు రెండు వైపులా చక్కగా వేగాయనుకున్నాక వాటిని ఒక ప్లేట్​లోకి తీసుకొని కొత్తిమీరతో గార్నిష్ చేసుకుంటే చాలు. అంతే.. ఎంతో రుచికరంగా ఉండే "వంకాయ తవా ఫ్రై" రెడీ!