Honey Lemon Water Benefits: ఆరోగ్యానికి మేలు చేసే పదార్థాల్లో తేనె ఒకటని నిపుణులు చెబుతుంటారు. దీన్ని తరచూ తీసుకోవడం వల్ల ఎన్నో ఆరోగ్య ప్రయోజనాలు ఉన్నాయని అంటున్నారు. ముఖ్యంగా ఊబకాయం సమస్యతో బాధపడుతున్నవారు తేనె, నిమ్మరసం కలిపిన నీళ్లు తాగితే మంచి ఫలితం కనిపిస్తుందని చెబుతున్నారు. Journal of Alternative and Complementary Medicineలోని ఓ అధ్యయనంలో ఈ విషయం తేలింది. The Effects of Honey on Weight Loss in Overweight and Obese Individuals: A Systematic Review and Meta-Analysis అనే అంశంపై చేపట్టిన అధ్యయనంలో Iran University of Medical Sciences ప్రొఫెసర్ Zahra Yaghoobi పాల్గొన్నారు. (రిపోర్ట్ కోసం ఇక్కడ క్లిక్ చేయండి)
- రోగనిరోధకశక్తి బలోపేతం కావటానికి తేనె బాగా ఉపయోగపడుతుందని నిపుణులు చెబుతున్నారు. ఇందులో ఉండే విశృంఖల కణాలను, హానికారక బ్యాక్టీరియాను అడ్డుకునే గుణాలు ఎక్కువగా ఉంటాయని వివరించారు.
- తేనెలో ఐరన్‌, క్యాల్షియం, సోడియం, ఫాస్ఫరస్‌, సల్ఫర్‌, పొటాషియం వంటి ఖనిజ లవణాలతో పాటు విటమిన్‌ సి, విటమిన్‌ బి వంటి విటమిన్లు, ప్రొటీన్లు కూడా ఉంటాయని వివరించారు.
- ఇంకా ముదురు రంగు తేనెలో యాంటీఆక్సిడెంట్లు ఇంకాస్త ఎక్కువగా ఉంటాయని చెబుతున్నారు.
- ఒక గ్లాసు గోరువెచ్చటి వాటర్లో చెంచాడు తేనె, సగం చెక్క నిమ్మరసం కలిసి పరగడుపున తీసుకుంటే మలబద్ధకం, ఛాతీ మంట తగ్గుతాయని నిపుణులు చెబుతున్నారు.
- చాలా మందిలో మద్యం తాగిన మర్నాడు హ్యాంగ్ ఓవర్ సమస్య ఇబ్బంది పెడుతుంటుంది. ఇలాంటి సమయంలో తలెత్తే తలనొప్పి వంటి సమస్యలకూ తేనె కళ్లెం వేస్తుందని అంటున్నారు. ఇందులోని ఫ్రక్టోజ్‌ అనే సహజ చక్కెర.. కాలేయం- మద్యాన్ని త్వరగా విడగొట్టేలా చేసి హాయి భావన కలిగిస్తుందని తెలిపారు.
- ఇంకా చెంచా తేనెకి చెంచా నిమ్మరసం కలిపి తీసుకుంటే జలుబు, దగ్గు నుంచి ఉపశమనం కలుగుతుందని నిపుణులు వివరించారు.
- ఒక కప్పు హెర్బల్‌టీలో ఒక చెంచా తేనె కలిపి తాగితే శరీరంలోని మలినాలు, వ్యర్థాలు బయటకు పోయి చక్కని డిటాక్సిఫికేషన్‌ జరుగుతుందని పేర్కొన్నారు.
- రెండు చెంచాల యాపిల్‌ సిడార్‌ వెనిగర్‌కి ఒక చెంచా చొప్పున తేనె కలిపి తాగితే సైనస్‌ సమస్య అదుపులో ఉంటుందని వివరించారు.
- బరువు తగ్గాలనుకునేవారు చెంచా తేనెకి... అరచెంచా దాల్చినచెక్క పొడి కలుపుకొని తీసుకుంటే మంచి ఫలితాలు ఉంటాయని వివరించారు. ఇంకా పంటిసమస్యల నుంచీ ఉపశమనం కలుగుతుందని చెబుతున్నారు.
- తేనె, గులాబీనీరు కలిపి తీసుకోవడం వల్ల ఇందులోని వ్యాధినిరోధక గుణాలు మచ్చలను దూరం చేస్తాయని అంటున్నారు. గులాబీ నీరు చర్మంలోని పీహెచ్‌ స్థాయులను సమన్వయం చేసి, తాజాగా ఉంచుతుందని చెబుతున్నారు. ఒక స్పూను తేనెలో పంచదారను కలిపి సున్నితంగా రుద్దితే మృతకణాలు తొలగిపోయి మంచి ఫలితముంటుందని వివరించారు.
NOTE : ఇక్కడ మీకు అందించిన ఆరోగ్య సమాచారం, సూచనలు అన్నీ మీ అవగాహన కోసం మాత్రమే. శాస్త్ర పరిశోధనలు, అధ్యయనాలు, వైద్య, ఆరోగ్య నిపుణుల సూచనల ప్రకారమే మేము ఈ సమాచారాన్ని అందిస్తున్నాం. కానీ, వీటిని పాటించే ముందు కచ్చితంగా మీ వ్యక్తిగత వైద్యుల సలహాలు తీసుకోవడమే మంచిది.
ఒంటి కాలిపై ఎంతసేపు నిలబడతారు? ఈ టెస్ట్ పాస్ కాకపోతే ప్రమాదమేనట! మీరు ట్రై చేయండి!!
రోజు అరగంట వాకింగ్ చేస్తే సూపర్ ఫిజిక్ మీ సొంతం! ఇంకా ఎన్నో లాభాలట!
